ಲಂಡನ್:ವಿಶ್ವಕಪ್ ಟೂರ್ನಿಗಾಗಿ ಇಂಗ್ಲೆಂಡ್ ತಲುಪಿರುವ ಮಿ. ನ್ಯಾಗ್ಸ್, ಸಾಕಷ್ಟು ಹಣ ಸಂಪಾದನೆ ಮಾಡಿದ್ದು, ಮತ್ತೆ ಬೆಂಗಳೂರಿಗೆ ಹಿಂದಿರುಗೋದಿಲ್ಲ ಎಂದು ಹೇಳಿದ್ದಾರೆ.
ಇಂಡಿಯನ್ ಪ್ರೀಮಿಯರ್ ಲೀಗ್ ಸಮಯದಲ್ಲಿ ಮಾತ್ರ ಕ್ರಿಕೆಟ್ ಅಭಿಮಾನಿಗಳನ್ನ ರಂಜಿಸುತ್ತಿದ್ದ ಮಿ.ನ್ಯಾಗ್ಸ್, ಈ ಬಾರಿ ವಿಶ್ವಕಪ್ನಲ್ಲೂ ತಮ್ಮ ಮನರಂಜನೆ ಮುಂದುವರೆಸಿದ್ದಾರೆ.
ಲಂಡನ್ನಲ್ಲಿ ಹೊಸದೊಂದು ಹೋಟೆಲ್ ಬ್ಯುಸಿನೆಸ್ ಮತ್ತು ಇತರ ವ್ಯಾಪಾರ ಶುರುಮಾಡಿದ್ದು, ಸಾಕಷ್ಟು ದುಡ್ಡು ಗಳಿಸಿದ್ದೇನೆ. ಲಿಂಗರಾಜ್ಪುರಂ ಟು ಲಂಡನ್, ಮತ್ತಿಕೆರೆ ಟು ಮ್ಯಾಂಚೆಸ್ಟರ್, ಭೂಪಸಂದ್ರ ಟು ಬೆಂಗಳೂರು ತುಂಬಾ ಬೆಳೆದಿದ್ದೇನೆ ಮತ್ತೆ ಬೆಂಗಳೂರಿಗೆ ವಾಪಾಸ್ ಆಗೋದಿಲ್ಲ ನನ್ನನ್ನ ಕ್ಷಮಿಸಿ ಎಂದು ಹೇಳಿದ್ದಾರೆ.
ಮಿ.ನ್ಯಾಗ್ಸ್ ಅವರ ಈ ಹೊಸ ವಿಡಿಯೋವನ್ನ ಅಭಿಮಾನಿಗಳು ಮೆಚ್ಚಿಕೊಂಡಿದ್ದು, ಯೂಟ್ಯೂಬ್ನಲ್ಲಿ ಸಖತ್ ಸದ್ದು ಮಾಡುತ್ತಿದೆ.