ಮೊಹಾಲಿ: ಧೋನಿಯಂತೆ ರನ್ಔಟ್ ಮಾಡಲು ಯತ್ನಿಸಿ ರನ್ ಬಿಟ್ಟಕೊಟ್ಟ ರಿಷಭ್ ಪಂತ್ ವಿರುದ್ಧ ಕೊಹ್ಲಿ ಹಾಗೂ ಯುಜ್ವೇಂದ್ರ ಚಹಾಲ್ ಮೈದಾನದಲ್ಲೇ ಅಸಮಾಧಾನ ವ್ಯಕ್ತಪಡಿಸಿದ ಘಟನೆ ನಿನ್ನೆಯ ಪಂದ್ಯದಲ್ಲಿ ನಡೆದಿದೆ.
ಯುವ ವಿಕೆಟ್ ಕೀಪರ್ ಪಂತ್ ನಿನ್ನೆಯ ಪಂದ್ಯದಲ್ಲಿ ಎರಡು ಸ್ಟಂಪ್ಔಟ್ ಮಿಸ್ ಮಾಡಿದ್ದಲ್ಲದೇ ಧೋನಿಯಂತೆ ಹಿಂದಿನಿಂದ ರನ್ಔಟ್ ಮಾಡಲೆತ್ನಿಸಿ ಕೊಹ್ಲಿ ಕೆಂಗಣ್ಣಿಗೆ ಗುರಿಯಾದರು.
44 ಓವರ್ನಲ್ಲಿ ಅಲೆಕ್ಸ್ ಕ್ಯಾರಿ ಬ್ಯಾಟಿಂಗ್ ನಡೆಸುತ್ತಿದ್ದ ವೇಳೆ ಬಾಲ್ ಹಿಡಿಯುವಲ್ಲಿ ವಿಫಲರಾದ ಪಂತ್ ಕ್ಯಾರಿ ಕ್ರೀಸ್ ಬಿಟ್ಟಿದನ್ನು ಗಮನಿಸಿ ಧೋನಿಯಂತೆ ಹಿಂದಿನಿಂದ ವಿಕೆಟ್ ಗುರಿಯಾಗಿಸಿ ಹೊಡೆದರು. ಆದರೆ ಬಾಲ್ ವಿಕೆಟ್ನಿಂದ ಮಾರುದೂರದಲ್ಲಿ ಹೋಯಿತು. ಈ ವೇಳೆ ಕ್ಯಾರಿ ಒಂದು ರನ್ ತೆಗೆದುಕೊಂಡರು. ಇದನ್ನು ಗಮನಿಸಿದ ನಾಯಕ ಕೊಹ್ಲಿ ಹಾಗೂ ಚಹಾಲ್, ಪಂತ್ರ ನಿರ್ಲಕ್ಷ್ಯ ಕಂಡು ಮೈದಾನದಲ್ಲೇ ಆಕ್ರೋಶ ವ್ಯಕ್ತಪಡಿಸಿದರು.
ಕೊಹ್ಲಿಯಲ್ಲದೇ ಮೈದಾನದಲ್ಲಿ ನೆರದಿದ್ದ ಸಾವಿರಾರು ಅಭಿಮಾನಿಗಳು ಕೂಡಾ ಧೋನಿ... ಧೋನಿ.. ಎಂದು ಕೂಗಲಾರಂಭಿಸಿದರು. ಪಂತ್ ಇದಕ್ಕೂ ಮೊದಲು ಸುಲಭವಾಗಿ ಔಟ್ ಮಾಡಬಹುದಿದ್ದ ಎರಡು ಸ್ಟಂಪ್ ಕೂಡ ಮಿಸ್ ಮಾಡಿದ್ದರು.