ಮುಂಬೈ: ಪ್ರಸ್ತುತ ಸಮಯದಲ್ಲಿ ನಾನು ಕ್ರಿಕೆಟ್ ಆಟದಲ್ಲಿ ಸಕ್ರಿಯನಾಗಿದ್ದರೆ ವಿರಾಟ್ ಕೊಹ್ಲಿ ಮತ್ತು ನನ್ನ ನಡುವೆ ಮೈದಾನದ ಹೊರಗೆ ಉತ್ತಮ ಸ್ನೇಹ ಇರುತ್ತಿತ್ತು. ಆದರೆ, ಮೈದಾನದಲ್ಲಿ ಬದ್ಧ ವೈರಿಗಳಾಗಿರುತ್ತಿದ್ದೆವು ಎಂದು ಪಾಕ್ ತಂಡದ ಮಾಜಿ ವೇಗಿ ಶೋಯೆಬ್ ಅಖ್ತರ್ ಹೇಳಿದ್ದಾರೆ.
'ವಿರಾಟ್ ಕೊಹ್ಲಿ ಮತ್ತು ನಾನು ಪಂಜಾಬಿಗಳು ಆಗಿರುವುದರಿಂದ ಉತ್ತಮ ಸ್ನೇಹಿತರಾಗುತ್ತಿದ್ದೆವು. ಹಾಗೆಯೇ ಮೈದಾನದಲ್ಲಿ ನಾವು ಉತ್ತಮ ವೈರಿಗಳಗಿರುತ್ತಿದ್ದೆವು. ನೀವು ನನ್ನ ವಿರುದ್ಧ ಕಟ್ ಅಥವಾ ಪುಲ್ ಶಾಟ್ ಆಡಲು ಸಾಧ್ಯವಿಲ್ಲ ಎಂದು ವಿರಾಟ್ ಕೊಹ್ಲಿಗೆ ಹೇಳುತ್ತಿದ್ದೆ ಎಂದು ವೆಬ್‌ಸೈಟ್ ಆಯೋಜಿಸಿದ್ದ ವಿಡಿಯೋ ಕಾನ್ಫರೆನ್ಸ್ನಲ್ಲಿ ಸಂಜಯ್ ಮಂಜ್ರೇಕರ್‌ಗೆ ಅಖ್ತರ್ ತಿಳಿಸಿದ್ದಾರೆ.