ದುಬೈ :ಆಸ್ಟ್ರೇಲಿಯಾದ ಸ್ಪಿನ್ ದಂತಕತೆ ಶೇನ್ವಾರ್ನ್ ರಾಜಸ್ಥಾನ್ ರಾಯಲ್ಸ್ಗೆ ಮರಳಿದ್ದು, ತಂಡದ ಮೆಂಟರ್ ಹಾಗೂ ರಾಯಭಾರಿಯಾಗಿ ಆಯ್ಕೆಗೊಂಡಿದ್ದಾರೆ.
ರಾಜಸ್ಥಾನ್ ರಾಯಲ್ಸ್ ತಂಡವನ್ನು ಚೊಚ್ಚಲ ಐಪಿಎಲ್ನಲ್ಲಿ ಮುನ್ನಡೆಸಿದ್ದ ವಾರ್ನ್ ಪ್ರಶಸ್ತಿ ತಂದು ಕೊಡುವಲ್ಲಿ ಯಶಸ್ವಿಯಾಗಿದ್ದರು. ಇದೀಗ ಮೆಂಟರ್ ಆಗಿ ಆಯ್ಕೆಯಾಗಿದ್ದು, ಐಪಿಎಲ್ ಆರಂಭಕ್ಕೂ ಮುನ್ನ ಶೀಘ್ರದಲ್ಲೇ ಯುಎಇಗೆ ತೆರಳಿ ತಂಡ ಸೇರಿಕೊಳ್ಳಲಿದ್ದಾರೆ ಎಂದು ತಿಳಿದು ಬಂದಿದೆ.
ಆಸೀಸ್ ಲೆಜೆಂಡ್ ಮೆಂಟರ್ ಆಗಿ ಮುಖ್ಯ ಕೋಚ್ ಆಗಿರುವ ಮೆಕ್ಡೊನಾಲ್ಡ್ ಅವರ ಜೊತೆ ಕೆಲಸ ನಿರ್ವಹಿಸಲಿದ್ದಾರೆ. ವಾರ್ನ್ ಹಾಗೂ ಮೆಕ್ಡೊನಾಲ್ಡ್ 2003ರಿಂದ 2007ರವರೆಗೆ ವಿಕ್ಟೋರಿಯಾ ತಂಡದಲ್ಲಿ ಜೊತೆಯಾಗಿ ಆಡಿದ್ದರು. ರಾಜಸ್ಥಾನ್ ರಾಯಲ್ಸ್‌ನ ಕ್ರಿಕೆಟ್ ಮುಖ್ಯಸ್ಥ ಜುಬಿನ್ ಭರೂಚಾ ಅವರೊಂದಿಗೆ ಅವರು ವಾರ್ನ್ ಮತ್ತೆ ಒಂದಾಗಲಿದ್ದಾರೆ.
'ರಾಜಸ್ಥಾನ ತಂಡಕ್ಕೆ ಎರಡು ಪಾತ್ರದಲ್ಲಿ ಮರಳುತ್ತಿರುವುದಕ್ಕೆ ಸಂತೋಷವಾಗಿದೆ. ನಾನು ಪ್ರೀತಿಸುವ ಈ ಪ್ರಾಂಚೈಸಿಯಲ್ಲಿ ಕೆಲಸ ಮಾಡುವುದೇ ರೋಮಾಂಚನಕಾರಿ. ಪ್ರಪಂಚದಾದ್ಯಂತ ಅಭಿಮಾನಿಗಳು ಪ್ರೀತಿಸುವ ಮತ್ತು ಅನುಸರಿಸುವ ಜಾಗತಿಕ ತಂಡವಾಗಬೇಕೆಂಬ ದೃಷ್ಟಿಯಲ್ಲಿ ನಾವು ಕೆಲಸ ಮಾಡಿದ್ದೇವೆ.
ಈ ಆವೃತ್ತಿಯಲ್ಲಿ ತಂಡದ ಮೆಂಟರ್ ಆಗಿ ಮೆಕ್ಡೊನಾಲ್ಡ್ ಮತ್ತು ಜುಬಿನ್ ಬರೋಚಾ ಹಾಗೂ ಅತ್ಯುತ್ತಮ ಸಿಬ್ಬಂದಿಯೊಂದಿಗೆ ಸೇರಲು ಎದುರು ನೋಡುತ್ತಿದ್ದೇನೆ. ಆಶಾದಾಯಕವಾಗಿ ಈ ಆವೃತ್ತಿಯಲ್ಲಿ ನಾವು ಯಶಸ್ಸು ಮತ್ತು ದೊಡ್ಡದನ್ನು ಸಾಧಿಸಬಹುದು' ಎಂದು ವಾರ್ನ್ ಹೇಳಿದ್ದಾರೆ.