ಹೈದರಾಬಾದ್: ಹೊಡಿ-ಬಡಿ ಆಟ ಇಂಡಿಯನ್ ಪ್ರೀಮಿಯರ್ ಲೀಗ್ನಲ್ಲಿ ಆಟಗಾರರ ಅಬ್ಬರ ಜೋರಾಗಿದ್ದು, ದಾಖಲೆಗಳ ಮೇಲೆ ದಾಖಲೆ ನಿರ್ಮಾಣವಾಗುತ್ತಿವೆ.ನಿನ್ನೆ ರಾಜಸ್ಥಾನ-ಹೈದರಾಬಾದ್ ತಂಡಗಳ ನಡುವೆ ನಡೆದ ಪಂದ್ಯದಲ್ಲಿ ಸಂಜು ಸ್ಯಾಮ್ಸನ್ ದಾಖಲೆವೊಂದನ್ನ ನಿರ್ಮಿಸಿದ್ದಾರೆ.
ನಿನ್ನೆಯ ಪಂದ್ಯದಲ್ಲಿ ರಾಜಸ್ಥಾನ ತಂಡದ ಪ್ಲೇಯರ್ ಸಂಜು ಸ್ಯಾಮ್ಸನ್ ಕೇವಲ 55 ಎಸೆತಗಳಲ್ಲಿ ಅಜೇಯ 102ರನ್ಗಳಿಕೆ ಮಾಡಿದ್ದಾರೆ. ಇದು ಪ್ರಸಕ್ತ ಸಾಲಿನ ಐಪಿಎಲ್ನಲ್ಲಿ ಮೂಡಿ ಬಂದ ಚೊಚ್ಚಲ ಶತಕ ಹಾಗೂ ಸ್ಯಾಮ್ಸನ್ ಐಪಿಎಲ್ನಲ್ಲಿ ಸಿಡಿಸಿರುವ 2ನೇ ವೈಯಕ್ತಿಕ ಶತಕ ಸಾಧನೆ.
ಈ ಶತಕದೊಂದಿಗೆ ಐಪಿಎಲ್ನಲ್ಲಿ ಎರಡು ಶತಕ ಸಿಡಿಸಿದವರ ಸಾಲಿನಲ್ಲಿ ಸ್ಯಾಮ್ಸನ್ 4ನೇ ಆಟಗಾರ ಎಂಬ ಕೀರ್ತಿಗಳಿಸಿದ್ದಾರೆ. ಜತೆಗೆ ಗಿಲ್ಕ್ರಿಸ್ಟ್, ವಿರೇಂದ್ರ ಸೆಹ್ವಾಗ್,ಮೆಕಲಮ್,ಹಾಸಿಂ ಆಮ್ಲಾ ಹಾಗೂ ಮುರುಳಿ ವಿಜಯ್ ದಾಖಲೆ ಸರಿಗಟ್ಟಿದ್ದಾರೆ. ಈಗಾಗಲೇ ಈ ಆಟಗಾರರು ಐಪಿಎಲ್ನಲ್ಲಿ 2 ಶತಕ ಸಿಡಿಸಿರುವ ಸಾಧನೆ ಮಾಡಿದ್ದಾರೆ. ಈ ಹಿಂದೆ ಡೆಲ್ಲಿ ಪರ ಆಡುತ್ತಿದ್ದ ಸ್ಯಾಮ್ಸನ್ ರೈಸಿಂಗ್ ಪುಣೆ ತಂಡದ ವಿರುದ್ಧ 2017ರಲ್ಲಿ ಶತಕ ಸಿಡಿಸಿದ್ದರು.