100ನೇ ಟೆಸ್ಟ್​​ ಆಡಲು ರಾಸ್​ ಟೇಲರ್ ಸಜ್ಜು​​... ನನ್ನ ಸಾಧನೆ ಬಗ್ಗೆ ಗೌರವವಿದೆ ಎಂದ ಟೇಲರ್​!

ನ್ಯೂಜಿಲ್ಯಾಂಡ್​ ತಂಡದ ಆಧಾರಸ್ತಂಭ ಎಂದು ಕರೆಯಿಸಿಕೊಳ್ಳುವ ರಾಸ್​ ಟೇಲರ್​ ಅನೇಕ ಸಂದರ್ಭಗಳಲ್ಲಿ ತಂಡಕ್ಕೆ ಆಪತ್ಬಾಂಧವರಾಗಿ ತಂಡವನ್ನ ಗೆಲುವಿನ ದಡ ಸೇರಿಸಿದ್ದಾರೆ.

ಹ್ಯಾಮಿಲ್ಟನ್​:ಮಧ್ಯಮ ಕ್ರಮಾಂಕದ ಬ್ಯಾಟ್ಸ್​ಮನ್​ ರಾಸ್​ ಟೇಲರ್​​ ನ್ಯೂಜಿಲ್ಯಾಂಡ್​ ತಂಡದ ಆಧಾರಸ್ತಂಭ. ಸಂಕಷ್ಟಕ್ಕೆ ಸಿಲುಕಿದ ವೇಳೆ ತಂಡವನ್ನ ಗೆಲುವಿನ ದಡ ಸೇರಿಸಿ, ಎಲ್ಲಡೆಯಿಂದ ಭೇಷ್ ಎನಿಸಿಕೊಳ್ಳುವ ಈ ಪ್ಲೇಯರ್​ ಇದೀಗ 100ನೇ ಟೆಸ್ಟ್​​ ಪಂದ್ಯ ಆಡಲು ಸನ್ನದ್ಧರಾಗಿದ್ದಾರೆ.

100ನೇ ಟೆಸ್ಟ್​​ ಪಂದ್ಯವನ್ನಾಡುವ ಸಂಭ್ರಮದಲ್ಲಿರುವ ರಾಸ್​ ಟೇಲರ್​​ ತಮ್ಮ ಸಾಧನೆ ಕುರಿತು ಮಾತನಾಡಿದ್ದಾರೆ. ನಾನು ಸಾಧನೆ ಮಾಡಿರುವ ಬಗ್ಗೆ ನನಗೆ ಹೆಮ್ಮೆ ಇದೆ. ನನ್ನ ಕ್ರಿಕೆಟ್​ ವೃತ್ತಿ ಬದುಕಿನಲ್ಲಿ ಸಾಕಷ್ಟು ಏರಿಳಿತಗಳನ್ನ ಕಂಡಿದ್ದೇನೆ. ಇದರ ಹೊರತಾಗಿ ಸಹ ನಾನು ಬ್ಯಾಟ್ಸ್​ಮನ್​ ಆಗಿ ತಂಡಕ್ಕೆ ಏನುಬೇಕು ಎಂಬುದರ ಬಗ್ಗೆ ಅರಿತು ಮೈದಾನದಲ್ಲಿ ಬ್ಯಾಟ್​ ಬೀಸಿದ್ದೇನೆ ಎಂದು ತಿಳಿಸಿದ್ದಾರೆ.

ಟೀಂ ಇಂಡಿಯಾ ಈಗಾಗಲೇ ನ್ಯೂಜಿಲ್ಯಾಂಡ್​ ವಿರುದ್ಧ ಟಿ-20 ಹಾಗೂ ಏಕದಿನ ಕ್ರಿಕೆಟ್​ ಸರಣಿ ಆಡಿದ್ದು, ಫೆ.21ರಿಂದ ಟೆಸ್ಟ್​ ಸರಣಿಯಲ್ಲಿ ಭಾಗಿಯಾಗಲಿದೆ.