ದುಬೈ :ಮುಂಬೈ ಇಂಡಿಯನ್ಸ್ ತಂಡದ ನಾಯಕ ರೋಹಿತ್ ಶರ್ಮಾ ಅಭ್ಯಾಸದ ವೇಳೆ ಬೃಹತ್ ಸಿಕ್ಸರ್ ಸಿಡಿಸಿದ್ದು, ಚೆಂಡು ಸ್ಟೇಡಿಯಂನಿಂದ ಆಚೆ ಚಲಿಸುತ್ತಿದ್ದ ಬಸ್ಗೆ ಅಪ್ಪಳಿಸಿದೆ. ಈ ವಿಡಿಯೋವನ್ನು ಮುಂಬೈ ಇಂಡಿಯನ್ಸ್ ತನ್ನ ಸಾಮಾಜಿಕ ಜಾಲತಾಣದ ಖಾತೆಗಳಲ್ಲಿ ಶೇರ್ ಮಾಡಿಕೊಂಡಿದೆ.
4 ಬಾರಿಯ ಐಪಿಎಲ್ ಚಾಂಪಿಯನ್ ಆಗಿರುವ ಮುಂಬೈ ಇಂಡಿಯನ್ಸ್ 13ನೇ ಆವೃತ್ತಿಯ ಐಪಿಎಲ್ನ ಉದ್ಘಾಟನಾ ಪಂದ್ಯದಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ವಿರುದ್ಧ ಸೆಣಸಾಡುತ್ತಿದೆ. ಇದಕ್ಕಾಗಿ ಮೈದಾನದಲ್ಲಿ ಸಾಕಷ್ಟು ಬೆವರು ಸುರಿಸುತ್ತಿದೆ.
ತಂಡದ ಆಟಗಾರರು ಅಭ್ಯಾಸ ಮಾಡುವ ವಿಡಿಯೋವನ್ನು ಅಪ್ಡೇಟ್ ಮಾಡಿರುವ ಮುಂಬೈ ಇಂಡಿಯನ್ಸ್, ಬುಧವಾರ ತನ್ನ ಇನ್ಸ್ಟಾಗ್ರಾಮ್ ಮತ್ತು ಟ್ವಿಟರ್ ಖಾತೆಯಲ್ಲಿ ರೋಹಿತ್ ಶರ್ಮಾ ಸಿಕ್ಸರ್ ಮೂಲಕ ಬಸ್ಗೆ ಹೊಡೆದ ವಿಡಿಯೋವನ್ನು ಶೇರ್ ಮಾಡಿಕೊಂಡಿದೆ. ಜೊತೆಗೆ, ಲೆಜೆಂಡ್ ಸ್ಟೇಡಿಯಂ ಆಚೆಗೆ ಕ್ಲಿಯರ್ ಮಾಡಿದ್ದಾರೆ. ಬೃಹತ್ ಸಿಕ್ಸ್ ಮೂಲಕ ಹಿಟ್ಮ್ಯಾನ್ ಚೆಲಿಸುವ ಬಸ್ಗೆ ಬಾರಿಸಿದ್ದಾರೆ ಎಂದು ಬರೆದುಕೊಂಡಿದೆ. ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಭಾರೀ ವೈರಲ್ ಆಗುತ್ತಿದೆ.
ರೋಹಿತ್ ಶರ್ಮಾ ಐಪಿಎಲ್ನ ಅತ್ಯಂತ ಯಶಸ್ವಿ ಕ್ಯಾಪ್ಟನ್ ಆಗಿದ್ದಾರೆ. ಅವರ ನೇತೃತ್ವದಲ್ಲಿ ಮುಂಬೈ ಇಂಡಿಯನ್ಸ್ 2013, 2015, 2017 ಹಾಗೂ 2019ರ ಆವೃತ್ತಿಗಳಲ್ಲಿ ಟ್ರೋಫಿ ಎತ್ತಿ ಹಿಡಿದಿತ್ತು. ಈವರ್ಷ ಕಿವೀಸ್ ಪ್ರವಾಸದಲ್ಲಿ 150 ಸ್ಟ್ರೈಕ್ರೇಟ್ನಲ್ಲಿ ಬ್ಯಾಟ್ ಬೀಸಿದ್ದ ರೋಹಿತ್ 4 ಪಂದ್ಯಗಳಿಂದ 140 ರನ್ ಸಿಡಿಸಿದ್ದರು. ತಂಡದ ನಾಯಕನಾಗಿದ್ದ ಅವರು ಟಿ20 ಸರಣಿಯನ್ನು 5-0ಯಲ್ಲಿ ಗೆಲ್ಲಲು ನೆರವಾಗಿದ್ದರು. ಇದೀಗ ಐಪಿಎಲ್ಗಾಗಿ ಭರ್ಜರಿ ತಯಾರಿಯಲ್ಲಿ ತೊಡಗಿದ್ದು ಮತ್ತೊಂದು ಪ್ರಶಸ್ತಿಗಾಗಿ ಮುಂಬೈ ಇಂಡಿಯನ್ಸ್ ತಂಡದ ಫ್ಯಾನ್ಸ್‌ ಎದುರು ನೋಡುತ್ತಿದ್ದಾರೆ.