ನವದೆಹಲಿ: ಭಾರತ ತಂಡದ ಆರಂಭಿಕ ಬ್ಯಾಟ್ಸ್ಮನ್ ಪೃಥ್ವಿ ಶಾ ತಮ್ಮ ನೆಚ್ಚಿನ ಓಪನಿಂಗ್ ಪಾರ್ಟ್ನರ್ ಯಾರು ಎಂಬ ಪ್ರಶ್ನೆಗೆ ಡೆಲ್ಲಿ ಕ್ಯಾಪಿಟಲ್ ನಡೆಸಿದ ಲೈವ್ ಸೆಶನ್ ವೇಳೆ ಬಹಿರಂಗಗೊಳಿಸಿದ್ದಾರೆ.
ಐಪಿಎಲ್ ಇತಿಹಾಸದಲ್ಲಿ ಒಂದೂ ಬಾರಿ ಫೈನಲ್ ತಲುಪದ ಏಕೈಕ ತಂಡ ಎಂಬ ಕುಖ್ಯಾತಿ ಪಡೆದಿರುವ ಡೆಲ್ಲಿ ಡೇರ್ ಡೇವಿಲ್ಸ್ ಕಳೆದ ವರ್ಷ ಡೆಲ್ಲಿ ಕ್ಯಾಪಿಟಲ್ ಎಂದು ಹೆಸರು ಬದಲಿಸಿಕೊಂಡಿತ್ತು. ಹೆಸರು ಬದಲಿಸಿಕೊಂಡ ನಂತರ ಬಹುಪಾಲು ತಂಡವನ್ನು ಬದಲಿಸಿಕೊಂಡಿದ್ದ ಪ್ರಾಂಚೈಸಿ ಶಾ, ಪಂತ್ ಹಾಗೂ ಅಯ್ಯರ್ ಅವರಂತಹ ಯುವ ಆಟಗಾರರು, ಶಿಖರ್ ಧವನ್, ಅಮಿತ್ ಮಿಶ್ರಾರಂತಹ ಅನುಭವಿಗಳು ಹಾಗೂ ರಿಕಿ ಪಾಂಟಿಂಗ್ ಹಾಗೂ ಸೌರವ್ ಗಂಗೂಲಿಯನ್ನು ತರಬೇತಿದಾರರನ್ನಾಗಿ ನೇಮಿಸಿತ್ತು. 2019ರ ಟೂರ್ನಿಯಲ್ಲಿ ಅದ್ಭುತ ಪ್ರದರ್ಶನ ತೋರಿದ್ದ ಡೆಲ್ಲಿ ಕ್ವಾಲಿಫೈಯರ್ ತಲುಪಿದರೂ ಫೈನಲ್ ತಲುಪುವಲ್ಲಿ ಎಡವಿತ್ತು.
ಕೊರೊನಾ ಲಾಕ್ಡೌನ್ನಿಂದ ಯಾವುದೇ ಸ್ಪರ್ಧಾತ್ಮಕ ಕ್ರಿಕೆಟ್ ಇಲ್ಲದ್ದರಿಂದ ಕೆಲವು ಆಟಗಾರರು ಇನ್ಸ್ಟಾಗ್ರಾಮ್ ಲೈವ್ನಲ್ಲಿ ಸಮಯ ಕಳೆಯುತ್ತಿದ್ದಾರೆ. ನಿನ್ನೆ ನಡೆದ ವಿಡಿಯೋ ಸಂದರ್ಶನದಲ್ಲಿ ಪೃಥ್ವಿ ಶಾ ತಮ್ಮ ನೆಚ್ಚಿನ ಬ್ಯಾಟಿಂಗ್ ಪಾರ್ಟ್ನರ್ರನ್ನು ರಿವೀಲ್ ಮಾಡಿದ್ದಾರೆ.