ಭಾರತ ತಂಡಕ್ಕೆ ಕನ್ನಡಿಗರ ಆಸರೆ: ಸಾಧಾರಣ ಮೊತ್ತಕ್ಕೆ ಕುಸಿದ ಕೊಹ್ಲಿ ಪಡೆ

ಟಾಸ್​ ಸೋತು ಮೊದಲು ಬ್ಯಾಟ್​ ಮಾಡಿದ ಭಾರತ ತಂಡ 20 ಓವರ್​ಗಳಿಗೆ 165 ರನ್​ಗಳ ಕಲೆ ಹಾಕಿ ಕಿವೀಸ್ ತಂಡಕ್ಕೆ ಸಾಧಾರಣ ಮೊತ್ತದ ಗುರಿ ನೀಡಿದೆ.

ವೆಲ್ಲಿಂಗ್ಟನ್​:ನಾಲ್ಕನೇ ಟಿ-20 ಪಂದ್ಯದಲ್ಲಿ ಮೊದಲು ಬ್ಯಾಟ್​ ಮಾಡಿದ ಭಾರತ ತಂಡ ಸಾಧಾರಣ ಮೊತ್ತದ ಗುರಿಯನ್ನು ಕಿವೀಸ್​ ತಂಡಕ್ಕೆ ನೀಡಿದೆ.

ನಾಲ್ಕನೇ ಟಿ-20ಯಲ್ಲಿ ಮೊದಲ ಬ್ಯಾಟ್​ ಮಾಡಿದ ಭಾರತ ತಂಡಕ್ಕೆ ಉತ್ತಮ ಆರಂಭ ದೊರೆಯಲಿಲ್ಲ. ಆರಂಭಿಕ ಸಂಜು ಸ್ಯಾಮ್ಸನ್​ 8 ರನ್​ಗಳನ್ನು ಗಳಿಸಿ ಔಟಾದರು. ನಂತರ ಒಂದು ಬದಿ ವಿಕೆಟ್​ ಉರುಳುತ್ತಿದ್ದರೆ ಇನ್ನೊಂದೆಡೆ ಕೆ.ಎಲ್. ರಾಹುಲ್​ ಬ್ಯಾಟ್​ ಬೀಸುತ್ತಿದ್ದರು. ಕೆ.ಎಲ್​ ರಾಹುಲ್​ 39 ರನ್​ಗಳನ್ನು ಗಳಿಸಿ ಪೆವಿಲಿಯನ್​ ಹಾದಿ ಹಿಡಿದರು. ಮಧ್ಯಮ ಕ್ರಮಾಂಕದಲ್ಲಿ ಬಂದ ಮನೀಷ್​ ಪಾಂಡೆ ಅರ್ಧ ಶತಕ ಗಳಿಸಿ ತಂಡಕ್ಕೆ ಆಸರೆಯಾದರು.

ಇನ್ನು ನಾಯಕ ಕೊಹ್ಲಿ 11, ಶಿವಂ​ ದುಬೆ 12, ಶ್ರೇಯಸ್​ ಅಯ್ಯರ್​ 1 , ವಾಷಿಂಗ್​ಟನ್​ ಸುಂದರ್​ 0, ಶಾರ್ದೂಲ್​ ಠಾಕೂರ್​ 20, ಯುಜ್ವೇಂದ್ರ ಚಹಾಲ್​ 1 ರನ್​ ಕಲೆ ಹಾಕಿದ್ದಾರೆ. ಮನೀಷ್​ ಪಾಂಡೆ 50 ಹಾಗೂ ನವದೀಪ್​ ಸೈನಿ 11 ರನ್​ ಗಳಿಸಿ ಅಜೇಯ​ರಾಗುಳಿದರು.

ಒಟ್ಟಾರೆ ನಿಗದಿತ 20 ಓವರ್​ಗಳಿಗೆ 8 ವಿಕೆಟ್​ ಕಳೆದುಕೊಂಡು ಭಾರತ ತಂಡ 165 ರನ್​ಗಳನ್ನು ಕಲೆ ಹಾಕಿ ಕಿವೀಸ್​ಗೆ 166 ರನ್​ಗಳ ಗುರಿ ನೀಡಿದೆ.