ಎಲ್ಗರ್​, ಡಿಕಾಕ್​ ಶತಕದಬ್ಬರ... ಭಾರತಕ್ಕೆ ದಕ್ಷಿಣ ಆಫ್ರಿಕಾದಿಂದ ದಿಟ್ಟ ಪ್ರತ್ಯುತ್ತರ!

ಭಾರತದ ವಿರುದ್ಧ ನಡೆಯುತ್ತಿರುವ ಮೊದಲ ಟೆಸ್ಟ್​​ ಪಂದ್ಯದಲ್ಲಿ ದಕ್ಷಿಣ ಆಫ್ರಿಕಾ ದಿಟ್ಟ ಪ್ರತ್ಯುತ್ತರ ನೀಡಿದ್ದು, ಎಲ್ಗರ್​,ಡಿಕಾಕ್​ ಶತಕ ಸಿಡಿಸಿ ಮಿಂಚಿದ್ದಾರೆ.

ವಿಶಾಖಪಟ್ಟಣಂ:ಆತಿಥೇಯ ಭಾರತದ ವಿರುದ್ಧ ನಡೆಯುತ್ತಿರುವ ಮೊದಲ ಟೆಸ್ಟ್​​ ಪಂದ್ಯದ ಮೂರನೇ ದಿನ ದಕ್ಷಿಣ ಆಫ್ರಿಕಾ ಪ್ರತ್ಯುತ್ತರ ನೀಡಿದ್ದು, ಎಲ್ಗರ್​,ಡಿಕಾಕ್​ ಶತಕ ಸಿಡಿಸಿ ಮಿಂಚಿದ್ದಾರೆ. ಸದ್ಯ 8ವಿಕೆಟ್​ನಷ್ಟಕ್ಕೆ ದಕ್ಷಿಣ ಆಫ್ರಿಕಾ 385ರನ್​ಗಳಿಕೆ ಮಾಡಿದೆ.

ಭಾರತದ 502ರನ್​ಗೆ ಪ್ರತ್ಯುತ್ತರವಾಗಿ ನಿನ್ನೆ ಬ್ಯಾಟಿಂಗ್​ ಆರಂಭಿಸಿ 39ರನ್​ಗಳಿಗೆ ಮೂರು ವಿಕೆಟ್​ ಕಳೆದುಕೊಂಡಿದ್ದ ಹರಿಣಗಳ ತಂಡ, ಇಂದು ಬ್ಯಾಟಿಂಗ್​ ಆರಂಭಿಸಿತ್ತು. ತಂಡಕ್ಕೆ ಡೀನ್​ ಎಲ್ಗರ್​ ಹಾಗೂ ಕ್ಯಾಪ್ಟನ್​ ಡು ಪ್ಲೆಸಿಸ್ 115ರನ್​ಗಳ​ ಉತ್ತಮ ಜೊತೆಯಾಟ ನೀಡಿದರು. 55ರನ್​ಗಳಿಸಿದ್ದ ವೇಳೆ ಪ್ಲೆಸಿಸ್​ ವಿಕೆಟ್​ ಉರುಳುತ್ತಿದ್ದಂತೆ ಮೈದಾನಕ್ಕಿಳಿದ ಕ್ವಿಂಟನ್​ ಡಿಕಾಕ್​​ ಜೊತೆ ಎಲ್ಗರ್​ ತಮ್ಮ ಬ್ಯಾಟಿಂಗ್​ ಮುಂದುವರಿಸಿದರು.

ಟೀಂ ಇಂಡಿಯಾ ಸಂಭ್ರಮ

ಇದೇ ವೇಳೆ ಜವಾಬ್ದಾರಿಯುತ ಶತಕ ಸಿಡಿಸಿದ ಎಲ್ಗರ್​ (160ರನ್​)ಒಂಬತ್ತು ವರ್ಷಗಳ ಬಳಿಕ ಭಾರತದ ನೆಲದಲ್ಲಿ ಈ ಸಾಧನೆ ಮಾಡಿದ ಹಿರಿಮೆಗೆ ಒಳಗಾದರು. ಇದರ ಬೆನ್ನಲ್ಲೆ ಡಿಕಾಕ್​​ ಸಹ ಶತಕ(111ರನ್​​)ಸಾಧನೆ ಮಾಡಿದರು. ಹೀಗಾಗಿ ಸುಲಭ ಗೆಲುವಿನ ಕನಸು ಕಾಣುತ್ತಿದ್ದ ಭಾರತಕ್ಕೆ ನಿರಾಸೆಯಾಗಿದೆ.

ಇನ್ನಿಂಗ್ಸ್​ ಮುಕ್ತಾಯ

ಇದಾದ ಬಳಿಕ ಫಿಲ್ಯಾಂಡರ್​​​(0)ವಿಕೆಟ್​ ಒಪ್ಪಿಸಿದ್ದಾರೆ. ಸದ್ಯ ಮುತ್ತುಸ್ವಾಮಿ(12ರನ್​), ಮಹಾರಾಜ್​(3ರನ್​)ಗಳಿಕೆ ಮಾಡಿ ನಾಳೆಗೆ ಬ್ಯಾಟಿಂಗ್​ ಕಾಯ್ದಿರಿಸಿಕೊಂಡಿದ್ದು, ಇನ್ನು 117ರನ್​ಗಳ ಹಿನ್ನಡೆಯಲ್ಲಿದೆ. ಭಾರತದ ಪರ ಆರ್​ ಅಶ್ವಿನ್​​ 5ವಿಕೆಟ್​, ಜಡೇಜಾ 2ವಿಕೆಟ್​​ ಪಡೆದುಕೊಂಡಿದ್ದು, ಇಶಾಂತ್​ ಶರ್ಮಾ 1ವಿಕೆಟ್​ ಕಿತ್ತಿದ್ದಾರೆ.