ಬೈರ್​ಸ್ಟೋವ್​, ಬಟ್ಲರ್​ ಸೇರಿದಂತೆ ಸುರಕ್ಷಿತವಾಗಿ ಮನೆಗೆ ತಲುಪಿದ 8 ಇಂಗ್ಲಿಷ್ ಕ್ರಿಕೆಟಿಗರು

ಎಲ್ಲಾ ವಿದೇಶಿ ಆಟಗಾರರನ್ನು ಸುರಕ್ಷಿತ ಮಾರ್ಗದಲ್ಲಿ ಮನೆಗೆ ತಲುಪಿಸುವುದಾಗಿ ಭರವಸೆ ನೀಡಿದೆ. ಆದಾಗ್ಯೂ ಆಸ್ಟ್ರೇಲಿಯಾ ಸರ್ಕಾರ ಮೇ 15ರವರೆಗೆ ಭಾರತದಿಂದ ದೇಶಕ್ಕೆ ಪ್ರವೇಶವನ್ನು ನಿಷೇಧಿಸಿದೆ..

ಲಂಡನ್: ಜೋಸ್ ಬಟ್ಲರ್ ಮತ್ತು ಜಾನಿ ಬೈರ್‌ಸ್ಟೋವ್ ಸೇರಿದಂತೆ ಪ್ರಸ್ತುತ ಮುಂದೂಡಲ್ಪಟ್ಟಿರುವ ಇಂಡಿಯನ್ ಪ್ರೀಮಿಯರ್ ಲೀಗ್‌ನ ಭಾಗವಾಗಿದ್ದ 11 ಇಂಗ್ಲೆಂಡ್ ಆಟಗಾರರಲ್ಲಿ ಎಂಟು ಮಂದಿ ಬುಧವಾರ ತವರಿಗೆ ಮರಳಿದ್ದಾರೆ ಎಂದು ತಿಳಿದು ಬಂದಿದೆ.

ಬಯೋಬಬಲ್​ನಲ್ಲಿ ಭಾರತೀಯ ಕ್ರಿಕೆಟಿಗರಿಗೆ ಕೊರೊನಾ ಕಾಣಿಸಿದ್ದರಿಂದ ಅನಿವಾರ್ಯವಾಗಿ ಟೂರ್ನಿಯನ್ನು ಬಿಸಿಸಿಐ ಮಂಗಳವಾರ ತಾತ್ಕಾಲಿಕವಾಗಿ ರದ್ದು ಮಾಡಿದೆ.

ಔಟ್​ಲೆಟ್​ ಮಾಧ್ಯಮದ ಪ್ರಕಾರ ಸ್ಯಾಮ್ ಕರ್ರನ್, ಟಾಮ್ ಕರ್ರನ್, ಸ್ಯಾಮ್ ಬಿಲ್ಲಿಂಗ್ಸ್, ಕ್ರಿಸ್‌ವೋಕ್ಸ್​, ಮೊಯೀನ್ ಅಲಿ ಮತ್ತು ಜೇಸನ್ ರಾಯ್​ ಕೂಡ ಇಂಗ್ಲೆಂಡ್​ಗೆ ಮರಳಿದ್ದಾರೆ.

ಇಂಗ್ಲೆಂಡ್​ ನಾಯಕ ಇಯಾನ್ ಮಾರ್ಗನ್, ಡೇವಿಡ್ ಮಲನ್ ಮತ್ತು ಕ್ರಿಸ್​ ಜೋರ್ಡನ್ ಮುಂದಿನ 48 ಗಂಟೆಗಳಲ್ಲಿ ಮರಳುವ ನಿರೀಕ್ಷೆಯಿದೆ.

ಯುಕೆ ಸರ್ಕಾರ ಭಾರತವನ್ನು ರೆಡ್​ ಲಿಸ್ಟ್​ಗೆ ಸೇರಿಸಿರುವುದರಿಂದ ಇಲ್ಲಿಂದ ಹೋದವರೆಲ್ಲರೂ ಸರ್ಕಾರ ಗೊತ್ತು ಮಾಡಿರುವ ಸ್ಥಳದಲ್ಲಿ 10 ದಿನಗಳ ಕ್ವಾರಂಟೈನ್​ ಮಾಡಬೇಕಿದೆ.

ಎಲ್ಲಾ ವಿದೇಶಿ ಆಟಗಾರರನ್ನು ಸುರಕ್ಷಿತ ಮಾರ್ಗದಲ್ಲಿ ಮನೆಗೆ ತಲುಪಿಸುವುದಾಗಿ ಭರವಸೆ ನೀಡಿದೆ. ಆದಾಗ್ಯೂ ಆಸ್ಟ್ರೇಲಿಯಾ ಸರ್ಕಾರ ಮೇ 15ರವರೆಗೆ ಭಾರತದಿಂದ ದೇಶಕ್ಕೆ ಪ್ರವೇಶವನ್ನು ನಿಷೇಧಿಸಿದೆ.

ಹಾಗಾಗಿ, ಆಸ್ಟ್ರೇಲಿಯಾ ಕ್ರಿಕೆಟಿಗರು ಮಾಲ್ಡೀವ್ಸ್ ಮತ್ತು ಶ್ರೀಲಂಕಾ ಮೂಲಕ ತವರಿಗೆ ಮರಳಲು ಸಿದ್ಧರಾಗುತ್ತಿದ್ದಾರೆ.

ಇದನ್ನು ಓದಿ:ಜನ ಸೋಂಕಿನಿಂದ ಸಾಯುತ್ತಿರುವಾಗ ಐಪಿಎಲ್​ ನೋಡುವುದು ಅಸಹ್ಯ; ನಾಸಿರ್ ಹುಸೇನ್