ಸಲ್ಮಾನ್ ಖಾನ್ ಫ್ಯಾನ್ಸ್‌ ಈಗ ದಬಂಗ್‌-3 ಯಾವಾಗ ತೆರೆಗೆ ಬರುತ್ತೆ ಅಂತಾ ಕಾಯುತ್ತಿದ್ದಾರೆ. ಇದರ ಮಧ್ಯೆ, ಬ್ಯಾಡ್‌ ಬಾಯ್ ಸಲ್ಮಾನ್ ತಮ್ಮ ಫ್ಯಾನ್ಸ್‌ಗೆ ಒಳ್ಳೇ ಖುಷಿ ಸಂಗತಿಯೊಂದನ್ನ ಕೊಟ್ಟಿದ್ದಾರೆ. ಬಹುನಿರೀಕ್ಷಿತ ದಬಂಗ್‌-3 ಸೀಕ್ವೆಲ್‌ ಶೂಟಿಂಗ್‌ ಇವತ್ತಿನಿಂದಲೇ ಶುರುವಾಗಿದೆ.
ತಮ್ಮ ದಬಂಗ್‌-3 ಚಿತ್ರೀಕರಣ ಶುರುವಾಗಿದೆ ಅಂತಾ ಸ್ವತಃ ಸಲ್ಮಾನ್ ಖಾನ್ ಹೇಳಿಕೊಂಡಿದ್ದಾರೆ. ಈ ಬಗ್ಗೆ ಟ್ವಿಟರ್‌ನಲ್ಲಿ ಫೋಟೋವೊಂದನ್ನ ಶೇರ್ ಮಾಡಿರುವ ಸಲ್ಲು, 'ದಿ ಜರ್ನಿ ಬಿಗಿನ್ಸ್ ಟುಡೇ' ಅಂತಾ ಪೋಟೋಗೆ ಕ್ಯಾಪ್ಷನ್‌ ಕೊಟ್ಟಿದ್ದಾರೆ. ಇವತ್ತು ಇಂದೋರ್‌ನಲ್ಲಿ ಚಿತ್ರೀಕರಣದಲ್ಲಿ ಸಲ್ಲು ಜತೆಗೆ ನಿರ್ಮಾಪಕ ಅರ್ಬಾಜ್‌ ಖಾನ್ ಹಾಗೂ ನಿರ್ದೇಶಕ ಪ್ರಭುದೇವ ಕೂಡ ಪಾಲ್ಗೊಂಡಿದ್ದರು.
ದಬಾಂಗ್‌ ಸ್ಟೈಲ್‌ನಲ್ಲಿರುವ ಫೋಟೋವನ್ನ ಟ್ವಿಟರ್‌ನಲ್ಲಿ ಸಲ್ಮಾನ್ ಹಾಕಿರುವುದು ವಿಶೇಷ. ಈ ಚಿತ್ರದಲ್ಲೂ ಕೂಡ ಸೋನಾಕ್ಷಿ ಸಿನ್ಹಾ ಸಲ್ಲು ಜತೆಗೆ ಲೀಡ್‌ ರೋಲ್‌ನಲ್ಲಿ ನಟಿಸ್ತಿದ್ದಾರೆ. ಆದಷ್ಟು ಬೇಗ ನಿಮ್ಮ ಜತೆ ಸೇರಿಕೊಳ್ಳೋದಾಗಿ ಸೋನಾಕ್ಷಿ ಹೇಳ್ಕೊಂಡಿದ್ದಾರೆ.