ಹೈದರಾಬಾದ್:ದೇಶಾದ್ಯಂತ ಕೋವಿಡ್ ಸೋಂಕಿನ ಎರಡನೇ ಅಲೆ ಕಡಿಮೆಯಾಗಿದ್ದು, ಎಲ್ಲವೂ ಈ ಹಿಂದಿನ ರೀತಿ ಸಹಜ ಸ್ಥಿತಿಗೆ ಮರಳುತ್ತಿದೆ. ಹೀಗಾಗಿ ಸ್ಥಗಿತಗೊಂಡಿದ್ದ ಸಿನಿಮಾ ಶೂಟಿಂಗ್ಗಳು ಇದೀಗ ಪುನಾರಂಭಗೊಳ್ಳುತ್ತಿವೆ.
ತೆಲಂಗಾಣದಲ್ಲೂ ಲಾಕ್ಡೌನ್ 2.0 ಸಂಪೂರ್ಣವಾಗಿ ಓಪನ್ ಆಗಿದ್ದು, ಪ್ರಭಾಸ್ ಅಭಿನಯದ ರಾಧೆ ಶ್ಯಾಮ್ ಚಿತ್ರತಂಡ ಚಿತ್ರೀಕರಣದಲ್ಲಿ ಬ್ಯುಸಿ ಆಗಿದೆ. ನಿನ್ನೆಯಿಂದಲೇ ಚಿತ್ರೀಕರಣ ಆರಂಭಗೊಂಡಿದ್ದಾಗಿ ತಿಳಿದು ಬಂದಿದೆ. ಕಳೆದ ನಾಲ್ಕು ವರ್ಷಗಳಿಂದ ಚಿತ್ರದ ಚಿತ್ರೀಕರಣ ನಡೆಯುತ್ತಿದ್ದು, ಲಾಕ್ಡೌನ್ ಕಾರಣ ಮೇಲಿಂದ ಮೇಲೆ ಚಿತ್ರೀಕರಣ ಸ್ಥಗಿತಗೊಳಿಸಲಾಗಿತ್ತು.
ಇದನ್ನೂ ಓದಿರಿ: ಪ್ರೇಮಿಗಳ ದಿನಕ್ಕೆ ಪ್ರಭಾಸ್ ಗಿಫ್ಟ್ - 'ರಾಧೆಶ್ಯಾಮ್' ಟೀಸರ್ ಔಟ್.. ಬಿಡುಗಡೆ ದಿನಾಂಕವೂ ಪ್ರಕಟ
ಚಿತ್ರಕ್ಕೆ ರಾಧ ಕೃಷ್ಣ ಕುಮಾರ್ ನಿರ್ದೇಶನ ಇದ್ದು, ಚಿತ್ರದಲ್ಲಿ ನಾಯಕ ನಾಯಕಿಯಾಗಿ ಪ್ರಭಾಸ್ ಮತ್ತು ಪೂಜಾ ಹೆಗಡೆ ಕಾಣಿಸಿಕೊಂಡಿದ್ದಾರೆ. ಉವಿ ಕ್ರಿಯೇಷನ್ ಅಡಿ ವಂಶಿ ಮತ್ತು ಪ್ರಮೋದ್ ನಿರ್ಮಾಣ ಮಾಡುತ್ತಿದ್ದಾರೆ. ಬಾಹುಬಲಿ ಖ್ಯಾತಿಯ ಡಾರ್ಲಿಂಗ್ ಪ್ರಭಾಸ್ ಅವರ 20ನೇ ಸಿನಿಮಾ ಇದಾಗಿದ್ದು, ಪ್ರೇಮಿಗಳ ದಿನವೇ ಚಿತ್ರದ ಟೀಸರ್ ರಿಲೀಸ್ ಆಗಿದೆ. 1970ರಲ್ಲಿ ಯೂರೋಪ್ನಲ್ಲಿ ನಡೆದ ಪ್ರೇಮಕಥೆ ಆಧರಿಸಿ ಈ ಚಿತ್ರ ತಯಾರಾಗುತ್ತಿದೆ.
ಈ ಚಿತ್ರ ಜುಲೈ 30ಕ್ಕೆ ಚಿತ್ರಮಂದಿರಗಳಲ್ಲಿ ಪ್ರದರ್ಶನ ಕಾಣಲಿದೆ ಎಂದು ಈ ಹಿಂದೆ ಪ್ರಭಾಸ್ ಹೇಳಿಕೊಂಡಿದ್ದರು.