ಕಿಚ್ಚ ಸುದೀಪ್ ವಿಕ್ರಾಂತ್ ರೋಣನಾಗಿ ಕಾಣಿಸಿಕೊಳ್ಳುತ್ತಿರುವ, ಬಹು ನೀರಿಕ್ಷೆಯ ಚಿತ್ರ ಫ್ಯಾಂಟಮ್. ರಂಗಿತರಂಗ ಸಿನಿಮಾ ಖ್ಯಾತಿಯ ಅನೂಪ್ ಭಂಡಾರಿ ನಿರ್ದೇಶನ ಮಾಡ್ತಿರೋ ಫ್ಯಾಂಟಮ್ ಸಿನಿಮಾ, ಟೈಟಲ್ ಜೊತೆಗೆ ಈ ಚಿತ್ರದಲ್ಲಿ ಬರುವ ಕ್ಯಾರೆಕ್ಟರ್ಗಳು ಸಖತ್ ಸೌಂಡ್ ಮಾಡುತ್ತಿವೆ.
ಫ್ಯಾಂಟಮ್ ಪ್ರಪಂಚಕ್ಕೆ ಸ್ವಾಗತಿಸಿದ ಅನೂಪ್ ಭಂಡಾರಿ ಲಾಕ್ಡೌನ್ ನಡುವೆಯೂ ಹೈದರಾಬಾದ್ನಲ್ಲಿ ಚಿತ್ರೀಕರಣ ಮಾಡುತ್ತಿರೋ, ನಿರ್ದೇಶಕ ಅನೂಪ್ ಭಂಡಾರಿ ಈ ಚಿತ್ರದ ಪಾತ್ರಗಳನ್ನ ಸಖತ್ ಥ್ರಿಲ್ಲಿಂಗ್ ಆಗಿ ಪರಿಚಯಿಸುತ್ತಿದ್ದಾರೆ. ಕೆಲವು ದಿನಗಳ ಹಿಂದೆಯಷ್ಟೇ ಫ್ಯಾಂಟಮ್ ಪ್ರಪಂಚಕ್ಕೆ ಕಿಚ್ಚನ ಎಂಟ್ರಿ ಹಾಗೂ ಲುಕ್ ಬಗ್ಗೆ ರಿವೀಲ್ ಮಾಡಲಾಯಿತು. ಅದರ ಹಿಂದೆಯೇ ನಿರೂಪ್ ಭಂಡಾರಿ ಪಾತ್ರದ ಬಗ್ಗೆ ಪರಿಚಯ ಮಾಡಲಾಗಿತ್ತು.
ಫ್ಯಾಂಟಮ್ ನಾಯಕಿ ನೀತು ಅಶೋಕ್ ಇದರ ಬೆನ್ನಲ್ಲೇ ಈಗ ಫ್ಯಾಂಟಮ್ ಸಿನಿಮಾ ಅಡ್ಡಕ್ಕೆ ಪನ್ನಾ ಪಾತ್ರ ಮಾಡ್ತಿರೋ ನೀತು ಅಶೋಕ್ ಎಂಬ ಯುವ ನಟಿಯನ್ನ ಪರಿಚಯಿಸಲಾಗಿದೆ. ಈ ಸಿನಿಮಾದಲ್ಲಿ ನಿರೂಪ್ ಭಂಡಾರಿಗೆ ಜೋಡಿಯಾಗಿ ನೀತಾ ಅಶೋಕ್ ಕಾಣಿಸಿಕೊಳ್ಳುತ್ತಿದ್ದಾರೆ. ಫ್ಯಾಂಟಮ್ ಚಿತ್ರದಲ್ಲಿ ಸುಂದರವಾದ ಪಾತ್ರ. ಬಾಂಬೆಯಲ್ಲೇ ಹುಟ್ಟಿ ಬೆಳದಿದ್ದರಿಂದ ಅವಳಿಗೆ ಹಿಂದಿ ಮಿಶ್ರಿತ ಕನ್ನಡ ಮಾತಾಡುವ ಹುಡುಗಿಯ ಕ್ಯಾರೆಕ್ಟರ್. ತುಂಬಾ ಧೈರ್ಯ ಶಾಲಿ ಹುಡುಗಿಯ ಪಾತ್ರವನ್ನ ಯುವ ನಟಿ ನೀತಾ ಅಶೋಕ್ ಮಾಡುತ್ತಿದ್ದಾರೆ ಅಂತಾ , ನಿರ್ದೇಶಕ ಅನೂಪ್ ಭಂಡಾರಿ ಫ್ಯಾಂಟಮ್ ಪ್ರಪಂಚಕ್ಕೆ ಸ್ವಾಗತಿಸಿದ್ದಾರೆ.
ಜಾಕ್ ಮಂಜು ನಿರ್ಮಾಣದ ಫ್ಯಾಂಟಮ್ ಸಿನಿಮಾ ಅದ್ದೂರಿ ವೆಚ್ಚದಲ್ಲಿ ನಿರ್ಮಾಣ ಆಗುತ್ತಿದೆ. ಸದ್ಯ ಈ ಚಿತ್ರದ ಪಾತ್ರಗಳು ರಿವೀಲ್ ಆಗ್ತಾ ಇದ್ದು ಕಿಚ್ಚನ ಅಭಿಮಾನಿಗಳಿಗೆ ಈ ಸಿನಿಮಾದ ಮೇಲೆ ಬೆಟ್ಟದಷ್ಟು ನಿರೀಕ್ಷೆ ಇದೆ.
