ಸ್ಯಾಂಡಲ್ವುಡ್ನಲ್ಲಿ ಡಬ್ ಚಿತ್ರಗಳಿಗೆ ಹಾದಿ ಸುಗಮವಾಗುತ್ತಿದೆ. ನಿರಂತರ ಹೋರಾಟದಿಂದಾಗಿ ಪರಭಾಷೆ ಚಿತ್ರಗಳು ಕನ್ನಡದಲ್ಲಿಯೇ ಡಬ್ ಆಗಿ ಬಿಡುಗಡೆಯಾಗುತ್ತಿವೆ.
ಕನ್ನಡಕ್ಕೆ ಹಾಲಿವುಡ್ ಚಿತ್ರ ಡಬ್ ... 'ಫಾಸ್ಟ್ ಆ್ಯಂಡ್ ಫ್ಯೂರಿಯಸ್' ಎರಡನೇ ಟ್ರೇಲರ್ ರಿಲೀಸ್
ಕಳೆದ ತಿಂಗಳಷ್ಟೇ ಫಾಸ್ಟ್ ಆ್ಯಂಡ್ ಫ್ಯೂರಿಯಸ್ ಚಿತ್ರದ ಮೊದಲ ಟ್ರೇಲರ್ ಕನ್ನಡದಲ್ಲೇ ರಿಲೀಸ್ ಆಗಿತ್ತು. ಇದೀಗ ಎರಡನೇ ಟ್ರೇಲರ್ ಕೂಡ ಕನ್ನಡದಲ್ಲೇ ಬಿಡುಗಡೆ ಮಾಡಿದೆ ಚಿತ್ರತಂಡ.
ಚಿತ್ರಕೃಪೆ: ಇನ್ಸ್ಟಾಗ್ರಾಂ
ಹಾಲಿವುಡ್ನ 'ಫಾಸ್ಟ್ ಆ್ಯಂಡ್ ಫ್ಯೂರಿಯಸ್; ಹಾಬ್ಸ್ ಆ್ಯಂಡ್ ಶಾ' ಆವತರಣೆ ಚಿತ್ರ ಕನ್ನಡಕ್ಕೆ ಡಬ್ ಆಗುತ್ತಿರುವುದು ಎಲ್ಲರಿಗೂ ಗೊತ್ತು. ಕಳೆದ ತಿಂಗಳಷ್ಟೇ ಈ ಚಿತ್ರದ ಮೊದಲ ಟ್ರೇಲರ್ ಕನ್ನಡದಲ್ಲೇ ರಿಲೀಸ್ ಆಗಿತ್ತು. ಇದೀಗ ಎರಡನೇ ಟ್ರೇಲರ್ ಕೂಡ ಕನ್ನಡದಲ್ಲೇ ಬಿಡುಗಡೆ ಮಾಡಿದೆ ಚಿತ್ರತಂಡ.
ಯುನಿವರ್ಸಲ್ ಫಿಕ್ಚರ್ಸ್ ಇಂಡಿಯಾ ಈ ಚಿತ್ರವನ್ನು ಕನ್ನಡಕ್ಕೆ ತರುತ್ತಿದೆ. ಈಗಾಗಲೇ ಎಂಟು ಸರಣಿಗಳಲ್ಲಿ ತೆರೆಕಂಡಿರುವ 'ಫಾಸ್ಟ್ ಆ್ಯಂಡ್ ಫ್ಯೂರಿಯಸ್; ಹಾಬ್ಸ್ ಆ್ಯಂಡ್ ಶಾ' ಈಗ ಹೊಸ ಕಥೆಯೊಂದಿಗೆ ತೆರೆಗೆ ಬರುತ್ತಿದೆ. ಡ್ವೇನ್ ಜಾನ್ಸನ್, ಜೇಸನ್ ಸ್ಟಾಥಮ್, ಇಡಿರಿಸ್ ಎಲ್ಬಾ, ವನೆಸ್ಸಾ ಕಿರ್ಬಿ ಮತ್ತು ಹೆಲೆನ್ ಮಿರ್ರೆನ್ ನಟಿಸಿರುವ ಈ ಆ್ಯಕ್ಷನ್ ಚಿತ್ರಕ್ಕೆ ಡೇವಿಡ್ ಲೀಚ್ ನಿರ್ದೇಶನ ಮಾಡಿದ್ದಾರೆ. 3.28 ನಿಮಿಷದ ಈ ಟ್ರೇಲರ್ನಲ್ಲಿ ಮೈನವಿರೇಳಿಸುವ ಫೈಟ್, ಆ್ಯಕ್ಷನ್ ಸೀನ್ಗಳು ತುಂಬಿ ತುಳುಕುತ್ತಿವೆ. ಅದ್ಭುತವಾಗಿ ಮೂಡಿ ಬಂದಿರುವ ಟ್ರೇಲರ್ ಕನ್ನಡಿಗರ ಚಿತ್ತ ಸೆಳೆಯುತ್ತಿದೆ.