ಹೈದರಾಬಾದ್:ಬಾಲಿವುಡ್ನ ಡ್ರಗ್ಸ್ ಪ್ರಕರಣದಲ್ಲಿ ಭಾಗಿಯಾಗಿರುವ ಆರೋಪದ ಮೇಲೆ ಎನ್ಸಿಬಿಯಿಂದ ಬಂಧನಕ್ಕೊಳಗಾಗಿರುವ ಆರ್ಯನ್ ಖಾನ್ ಈಗಾಗಲೇ ಮುಂಬೈನ ಆರ್ಥರ್ ಜೈಲಿನಲ್ಲಿ ದಿನ ಕಳೆಯುತ್ತಿದ್ದಾರೆ.
ಪಾರ್ಟಿಯಲ್ಲಿ ಒಟ್ಟಾಗಿ ಕಾಣಿಸಿಕೊಂಡಿದ್ದ ಅನನ್ಯಾ-ಆರ್ಯನ್ ಇದರ ಬೆನ್ನಲ್ಲೇ ಆತನ ಬಾಲ್ಯ ಸ್ನೇಹಿತೆ, ನಟಿ ಅನನ್ಯಾ ಪಾಂಡೆಗೂ ಇದೀಗ ಸಂಕಷ್ಟ ಶುರುವಾಗಿದೆ.
ಬಾಲ್ಯದ ಸ್ನೇಹಿತರಾಗಿದ್ದ ಅನನ್ಯಾ-ಆರ್ಯನ್ ಇಬ್ಬರ ನಡುವೆ ಡ್ರಗ್ಸ್ ವಿಚಾರವಾಗಿ ವ್ಯಾಟ್ಸ್ಆ್ಯಪ್ ಚಾಟ್ ನಡೆದಿರುವ ವಿಚಾರಕ್ಕೆ ಸಂಬಂಧಿಸಿದಂತೆ ವಿಚಾರಣೆಗೆ ಹಾಜರಾಗುವಂತೆ ಈಗಾಗಲೇ ನೋಟಿಸ್ ಜಾರಿ ಮಾಡಲಾಗಿದ್ದು, ಅದರಂತೆ ನಟಿ ಅನನ್ಯಾ ಈಗಾಗಲೇ ಎನ್ಸಿಬಿ ಕಚೇರಿಗೆ ಆಗಮಿಸಿದ್ದಾರೆ.
ವಿದೇಶದಲ್ಲೂ ಒಟ್ಟಿಗೆ ಕಾಣಿಸಿಕೊಂಡಿತ್ತು ಜೋಡಿ ವಿಶೇಷ ಎಂದರೆ ಆರ್ಯನ್ ಖಾನ್ ಹಾಗೂ ಅನನ್ಯಾ ಪಾಂಡೆ ಬಾಲ್ಯದ ಸ್ನೇಹಿತರಾಗಿದ್ದು, ಅನೇಕ ಸಲ ಒಟ್ಟಿಗೆ ಪಾರ್ಟಿಗಳಲ್ಲಿ ಕಾಣಿಸಿಕೊಂಡಿದ್ದರು. ಇದರ ಜೊತೆಗೆ ಫ್ಯಾಮಿಲಿ ಟುಗೆದರ್ ಜೊತೆಗೆ ವಿದೇಶಿ ಪ್ರವಾಸಗಳಲ್ಲೂ ಒಟ್ಟಿಗೆ ಮೋಜು - ಮಸ್ತಿ ಮಾಡಿದ್ದು, ಅದರ ಫೋಟೋ ಲಭ್ಯವಾಗಿವೆ.
ಅನೇಕ ಪಾರ್ಟಿಗಳಲ್ಲಿ ಭಾಗಿಯಾಗಿದ್ದ ಆರ್ಯನ್-ಅನನ್ಯಾ ಇದನ್ನೂ ಓದಿರಿ: ಜೈಲಲ್ಲಿ ಪುತ್ರನ ಭೇಟಿ ಮುಗಿಸಿ ಬರ್ತಿದ್ದಂತೆ ಶಾರುಖ್‌ಗೆ ಎನ್ಸಿಬಿ ಬಿಸಿ; ವಿಚಾರಣೆಗೆ ಬರುವಂತೆ ಅನನ್ಯಾ ಪಾಂಡೆಗೂ ಸಮನ್ಸ್‌
22 ವರ್ಷದ ಅನನ್ಯಾ ಈಗಾಗಲೇ ಬಾಲಿವುಡ್ ಚಿತ್ರರಂಗಕ್ಕೆ ಲಗ್ಗೆ ಹಾಕಿದ್ದು, 23 ವರ್ಷದ ಆರ್ಯನ್ ಖಾನ್ ಯಾವುದೇ ಚಿತ್ರಗಳಲ್ಲಿ ಕಾಣಿಸಿಕೊಂಡಿಲ್ಲ. ಕರಣ್ ಜೋಹರ್ ನಿರ್ದೇಶನದ 'ಸ್ಟೂಡೆಂಟ್ ಆಫ್ ದಿ ಇಯರ್ 2' ಚಿತ್ರದ ಮೂಲಕ ಅನನ್ಯಾ ಬಾಲಿವುಡ್ಗೆ ಪದಾರ್ಪಣೆ ಮಾಡಿದ್ದರು.
ಆರ್ಯನ್ ಬಾಲ್ಯದ ಗೆಳತಿ ಅನನ್ಯಾ ಮುಂಬೈನ ವಿಶೇಷ ಎನ್ಡಿಪಿಎಸ್ ನ್ಯಾಯಾಲಯದಿಂದ ನಿನ್ನೆ ಮಹತ್ವದ ತೀರ್ಪು ಹೊರಬಿದ್ದಿದ್ದು, ಆರ್ಯನ್ ಖಾನ್ಗೆ ಜಾಮೀನು ನೀಡಲು ಸಾಧ್ಯವಿಲ್ಲ ಎಂದು ಹೇಳಿತ್ತು. ಈ ವೇಳೆ ನಟಿ ಅನನ್ಯಾ ಜೊತೆ ಡ್ರಗ್ಸ್ ವಿಚಾರವಾಗಿ ಚಾಟ್ ನಡೆದಿರುವ ಮಾಹಿತಿ ಕೂಡ ಬಹಿರಂಗಗೊಂಡಿತ್ತು.
ಆರ್ಯನ್ ಖಾನ್ ಜೊತೆ ನಟಿ ಅನನ್ಯಾ ಪಾಂಡೆ ಹೀಗಾಗಿ ಎನ್ಸಿಬಿ ಅಧಿಕಾರಿಗಳು ಇಂದು ಅವರ ಮನೆಗೆ ಭೇಟಿ ನೀಡಿ, ಪರಿಶೀಲನೆ ನಡೆಸಿದ್ದರು. ಜೊತೆಗೆ ಲ್ಯಾಪ್ಟಾಪ್ ಹಾಗೂ ಮೊಬೈಲ್ ವಶಕ್ಕೆ ಪಡೆದುಕೊಂಡು, 2ಗಂಟೆಗೆ ವಿಚಾರಣೆಗೆ ಹಾಜರಾಗುವಂತೆ ನೋಟಿಸ್ ಜಾರಿ ಮಾಡಿದ್ದರು.
