ಅಭಿಮಾನಿಗಳಿಗೆ ಸೂಪರ್​ ಆಫರ್​ ನೀಡಿದ ಮಾದಕ ತಾರೆ; ಯಾರಾದ್ರೂ ರೆಡಿ ಇದ್ದೀರಾ?

ಬ್ಯುಸಿ ಶೆಡ್ಯೂಲ್​ ನಡುವೆ ಬಿಡುವು ಮಾಡಿಕೊಂಡಿರುವ ಬಾಲಿವುಡ್​ನ​ ಮಾದಕ ನಟಿ ಸನ್ನಿ ಲಿಯೋನ್ ಈಗ ​ಮಾಲ್ಡೀವ್ಸ್​ನಲ್ಲಿ ಎಂಜಾಯ್​ ಮೂಡ್​ನಲ್ಲಿದ್ದಾರೆ. ಕಡಲ ಕಿನಾರೆಯಲ್ಲಿ ಖುಷಿಯಲ್ಲಿ ತೇಲಾಡುತ್ತಿರುವ ಅವರು ಇದೇ ಸಂತಸದಲ್ಲಿ ನಿಮಗೊಂದು ಆಫರ್​ ನೀಡಿದ್ದಾರೆ. ಅದೇನು ಗೊತ್ತೇ?

ಪತಿ ಡೇನಿಯಲ್ ವೆಬರ್, ಮಕ್ಕಳಾದ ನಿಶಾ, ಏಶರ್​ ಮತ್ತು ನೋಹ್ ಜತೆ ಮಾಲ್ಡೀವ್ಸ್​ ಪ್ರವಾಸಕ್ಕೆ ತೆರಳಿರುವ ನಟಿ ಸನ್ನಿ ಲಿಯೋನ್ ಆಗಾಗ ಸಾಮಾಜಿಕ ಜಾಲತಾಣದಲ್ಲಿ ಹಾಟ್​ ಫೋಟೋಗಳನ್ನು ಹಾಕುವ ಮೂಲಕ ಪಡ್ಡೆಗಳಿಗೆ ಕಚಗುಳಿ ಇಡುತ್ತಿರುತ್ತಾರೆ.

ನಿನ್ನೆ ನೀಲಿ ಬಣ್ಣದ ಬಿಕಿನಿ ಧರಿಸಿ ಮಾದಕ ನೋಟ ಬೀರಿದ್ದ ಮಾದಕ ಚೆಲುವೆ ಇಂದು ಮಗದೊಂದು ಬಿಕಿನಿ ಫೋಟೋವನ್ನು ​ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಳ್ಳುವ ಮೂಲಕ ಯುವಕರ ಎದೆಬಡಿತ ಹೆಚ್ಚಿಸಿದ್ದಾರೆ. ಅದಕ್ಕೆ ಆಕರ್ಷಕ ಕ್ಯಾಪ್ಶನ್​ ಕೂಡ ಹಾಕಿದ್ದಾರೆ.

ನಟಿ ಸನ್ನಿ ಲಿಯೋನ್

ಮಾಲ್ಡೀವ್ಸ್​ನ ಸಮುದ್ರದ ದಂಡೆಯಲ್ಲಿ ಜೋಕಾಲಿ ಆಡುತ್ತಿರುವ ಸನ್ನಿ, 'ನನ್ನ ಪಕ್ಕದ ಸೀಟು ಖಾಲಿ ಇದೆ. ಆಡಬೇಕು ಎನ್ನುವವರು ನನ್ನ ಪಕ್ಕ ಬಂದು ಕೂಡಬಹುದು' ಎಂದು ಬರೆದುಕೊಳ್ಳುವ ಮೂಲಕ ಅಭಿಮಾನಿಗಳಿಗೆ ಸೂಪರ್​ ಆಫರ್​ ನೀಡಿದ್ದಾರೆ.

ಮೋಹಕ ನಟಿ ನೀಡಿದ ಆಫರ್​ಗೆ ಸಾಮಾಜಿಕ ಜಾಲತಾಣದಲ್ಲಿ ಹಲವರು ತರಹೇವಾರಿ ಕಾಮೆಂಟ್​ ಮಾಡಿದ್ದಾರೆ.