ನಿಮ್ಮ ಧ್ವನಿ ಕೇಳಿ ಕೋವಿಡ್ ಪತ್ತೆ ಮಾಡುತ್ತೆ ಈ ಆ್ಯಪ್ !

ಕೋವಿಡ್-19 ಸೋಂಕು ಸಾಮಾನ್ಯವಾಗಿ ಮೇಲ್ಭಾಗದ ಉಸಿರಾಟದ ಟ್ರ್ಯಾಕ್ ಮತ್ತು ಧ್ವನಿ ತಂತುಗಳ ಮೇಲೆ ಪರಿಣಾಮ ಬೀರುತ್ತದೆ. ಇದು ವ್ಯಕ್ತಿಯ ಧ್ವನಿಯಲ್ಲಿ ಬದಲಾವಣೆಗಳಿಗೆ ಕಾರಣವಾಗುತ್ತದೆ.

ಲಂಡನ್: ಜನರ ಧ್ವನಿಯನ್ನು ಕೇಳಿಸಿಕೊಂಡು ಕೋವಿಡ್​ - 19 ಸೋಂಕು ಪತ್ತೆ ಮಾಡುವ ಆರ್ಟಿಫಿಶಿಯಲ್ ಇಂಟೆಲಿಜೆನ್ಸ್​ ಆಧರಿತ ಸ್ಮಾರ್ಟ್ ಫೋನ್ ಆ್ಯಪ್ ಒಂದನ್ನು ತಯಾರಿಸಲಾಗಿದೆ ಎಂದು ಸಂಶೋಧಕರು ಹೇಳಿದ್ದಾರೆ. ಹಲವಾರು ಆ್ಯಂಟಿಜೆನ್ ಟೆಸ್ಟ್​ಗಳಿಗಿಂತ ಇದು ನಿಖರವಾಗಿದೆ ಮತ್ತು ಅಗ್ಗದರದಲ್ಲಿ ಸುಲಭವಾಗಿ ಮತ್ತು ಶೀಘ್ರವಾಗಿ ಕೋವಿಡ್​-19 ಪತ್ತೆ ಮಾಡಬಹುದು. ಹೀಗಾಗಿ ಪಿಸಿಆರ್ ಲಭ್ಯವಿಲ್ಲದ ಅಥವಾ ಪಿಸಿಆರ್ ದುಬಾರಿಯಾಗಿರುವ ರಾಷ್ಟ್ರಗಳಲ್ಲಿ ಬಳಸಲು ಇದು ತುಂಬಾ ಅನುಕೂಲವಾಗಿದೆ ಎಂದು ತಿಳಿಸಲಾಗಿದೆ.

ಒಂದು ನಿಮಿಷಕ್ಕೂ ಕಡಿಮೆ ಅವಧಿಯಲ್ಲಿ ಕೋವಿಡ್ ಪತ್ತೆ:ಸುಲಭವಾಗಿ ಧ್ವನಿ ರೆಕಾರ್ಡ್ ಮಾಡಿ, ಆರ್ಟಿಫಿಶಿಯಲ್ ಅಲ್ಗೊರಿದಮ್ ಟ್ಯೂನಿಂಗ್ ಮೂಲಕ ನಿಖರವಾಗಿ ಯಾರಿಗೆಲ್ಲ ಕೋವಿಡ್-19 ಸೋಂಕು ತಗುಲಿದೆ ಎಂಬುದನ್ನು ಪತ್ತೆ ಮಾಡಬಹುದು ಎಂದು ವಾಫಾ ಅಲ್ಬಾವಿ ಹೇಳಿದ್ದಾರೆ. ಇವರು ನೆದರ್ಲೆಂಡ್​ನ ಮ್ಯಾಸ್ಟ್ರಿಚ್ ಯುನಿವರ್ಸಿಟಿಯ ಇನ್ ಸ್ಟಿಟ್ಯೂಟ್ ಆಫ್ ಡೇಟಾ ಸೈನ್ಸ್​ ನಲ್ಲಿ ಸಂಶೋಧಕರಾಗಿದ್ದಾರೆ.

ಈ ಆ್ಯಪ್ ರಿಮೋಟ್​, ವರ್ಚುಯಲ್ ಟೆಸ್ಟಿಂಗ್ ಮೂಲಕ ಒಂದು ನಿಮಿಷಕ್ಕೂ ಕಡಿಮೆ ಅವಧಿಯಲ್ಲಿ ಕೋವಿಡ್ ಪತ್ತೆ ಮಾಡುತ್ತದೆ. ಬೃಹತ್ ಸಮಾರಂಭಗಳ ಪ್ರವೇಶ ದ್ವಾರದಲ್ಲಿ ಇದನ್ನು ಬಳಸಬಹುದು. ತುಂಬಾ ಕಡಿಮೆ ಅವಧಿಯಲ್ಲಿ ದೊಡ್ಡ ಪ್ರಮಾಣದ ಜನಸಂಖ್ಯೆಯನ್ನು ಇದರ ಮೂಲಕ ಕೋವಿಡ್ ಪರೀಕ್ಷೆಗೆ ಒಳಪಡಿಸಬಹುದು ಎಂದು ಸ್ಪೇನ್​ನ ಬಾರ್ಸಿಲೋನಾದಲ್ಲಿರುವ ಯುರೋಪಿಯನ್ ರೆಸ್ಪಿರೇಟರಿ ಸೊಸೈಟಿ ಇಂಟರನ್ಯಾಷನಲ್ ಹೇಳಿದೆ.

ಕೋವಿಡ್-19 ಸೋಂಕು ಸಾಮಾನ್ಯವಾಗಿ ಮೇಲ್ಭಾಗದ ಉಸಿರಾಟದ ಟ್ರ್ಯಾಕ್ ಮತ್ತು ಧ್ವನಿ ತಂತುಗಳ ಮೇಲೆ ಪರಿಣಾಮ ಬೀರುತ್ತದೆ. ಇದು ವ್ಯಕ್ತಿಯ ಧ್ವನಿಯಲ್ಲಿ ಬದಲಾವಣೆಗಳಿಗೆ ಕಾರಣವಾಗುತ್ತದೆ. ಕೋವಿಡ್-19 ಅನ್ನು ಪತ್ತೆಹಚ್ಚಲು ಧ್ವನಿಗಳನ್ನು ವಿಶ್ಲೇಷಿಸಲು AI ಅನ್ನು ಬಳಸಲು ಸಾಧ್ಯವೇ ಎಂದು ಅಲ್ಬಾವಿ ಮತ್ತು ಅವರ ಸಹೋದ್ಯೋಗಿಗಳು ತನಿಖೆ ಮಾಡಲು ನಿರ್ಧರಿಸಿದರು.

ಕೋವಿಡ್ -19 ಸೌಂಡ್ಸ್ ಅಪ್ಲಿಕೇಶನ್‌ನಿಂದ ಡೇಟಾ ಬಳಕೆ:ಇದಕ್ಕಾಗಿ ಇವರು ಕೇಂಬ್ರಿಡ್ಜ್ ವಿಶ್ವವಿದ್ಯಾನಿಲಯದ ಕ್ರೌಡ್ - ಸೋರ್ಸಿಂಗ್ ಕೋವಿಡ್ -19 ಸೌಂಡ್ಸ್ ಅಪ್ಲಿಕೇಶನ್‌ನಿಂದ ಡೇಟಾ ಬಳಸಿದ್ದರು. ಇದರಲ್ಲಿ 4,352 ಆರೋಗ್ಯಕರ ಮತ್ತು ಅನಾರೋಗ್ಯಪೀಡಿತರ 893 ಆಡಿಯೊ ಮಾದರಿಗಳನ್ನು ಒಳಗೊಂಡಿತ್ತು. ಇವರಲ್ಲಿ 308 ಜನರಿಗೆ ಕೋವಿಡ್ -19 ಪಾಸಿಟಿವ್ ಇರುವುದು ಪತ್ತೆಯಾಗಿತ್ತು. ಸಂಶೋಧಕರು ಇದರಲ್ಲಿ ಮೆಲ್-ಸ್ಪೆಕ್ಟ್ರೋಗ್ರಾಮ್ ಅನಾಲಿಸಿಸ್ ಎಂಬ ಧ್ವನಿ ವಿಶ್ಲೇಷಣಾ ತಂತ್ರವನ್ನು ಬಳಸಿದ್ದರು. ಇದು ವಿಭಿನ್ನ ಧ್ವನಿ ವೈಶಿಷ್ಟ್ಯಗಳಾದ ಜೋರು, ಶಕ್ತಿ ಮತ್ತು ಕಾಲಾನಂತರದಲ್ಲಿ ವ್ಯತ್ಯಾಸ ಗುರುತಿಸುತ್ತದೆ.

ಕೋವಿಡ್ -19 ರೋಗಿಗಳ ಧ್ವನಿಯನ್ನು ರೋಗ ಹೊಂದಿರದವರಿಂದ ಪ್ರತ್ಯೇಕಿಸಲು, ನಾವು ವಿಭಿನ್ನ ಆರ್ಟಿಫಿಶಿಯಲ್ ಇಂಟೆಲಿಜೆನ್ಸ್ ಮಾದರಿಗಳನ್ನು ನಿರ್ಮಿಸಿದ್ದೇವೆ ಮತ್ತು ಕೋವಿಡ್ -19 ಪ್ರಕರಣಗಳನ್ನು ವರ್ಗೀಕರಿಸುವಲ್ಲಿ ಯಾವುದು ಉತ್ತಮವಾಗಿ ಕಾರ್ಯನಿರ್ವಹಿಸುತ್ತದೆ ಎಂದು ಮೌಲ್ಯಮಾಪನ ಮಾಡಿದೆವು ಎಂದು ಅಲ್ಬಾವಿ ಹೇಳಿದ್ದಾರೆ.

ಲಾಂಗ್-ಶಾರ್ಟ್ ಟರ್ಮ್ ಮೆಮೊರಿ (LSTM) ಎಂಬ ಒಂದು ಮಾದರಿಯು ಇತರ ಮಾದರಿಗಳಿಗಿಂತ ಉತ್ತಮವಾಗಿ ಕಾರ್ಯನಿರ್ವಹಿಸುತ್ತಿದೆ ಎಂದು ಅವರು ಕಂಡುಕೊಂಡರು. LSTM ನರಮಂಡಲದ ಮೇಲೆ ಆಧಾರಿತವಾಗಿದೆ. ಇದು ಮಾನವನ ಮೆದುಳು ಕಾರ್ಯನಿರ್ವಹಿಸುವ ವಿಧಾನವನ್ನು ಅನುಕರಿಸುತ್ತದೆ ಮತ್ತು ಡೇಟಾದಲ್ಲಿ ಆಧಾರವಾಗಿರುವ ಸಂಬಂಧಗಳನ್ನು ಗುರುತಿಸುತ್ತದೆ.

ಇದರ ಒಟ್ಟಾರೆ ನಿಖರತೆಯು ಶೇಕಡಾ 89 ರಷ್ಟಿತ್ತು. ಪಾಸಿಟಿವ್ ಪ್ರಕರಣಗಳನ್ನು ಸರಿಯಾಗಿ ಪತ್ತೆಹಚ್ಚುವ ಸಾಮರ್ಥ್ಯವು ಶೇಕಡಾ 89 ರಷ್ಟಿತ್ತು ಮತ್ತು ನೆಗೆಟಿವ್ ಪ್ರಕರಣಗಳನ್ನು ಸರಿಯಾಗಿ ಗುರುತಿಸುವ ಸಾಮರ್ಥ್ಯವು ಶೇಕಡಾ 83 ರಷ್ಟಿತ್ತು.

ಇದನ್ನು ಓದಿ:ಮೆನೊಪಾಸ್​ ನೋವು ಶಮನಕ್ಕೆ ಬಂದಿದೆ ಹೊಸ ಉಡುಪು: ಇದರಲ್ಲಿದೆ ನಾಸಾ ತಂತ್ರಜ್ಞಾನ