ರಾಯದುರ್ಗ: ಮದುವೆಯಾಗಿ ಇಬ್ಬರು ಮಕ್ಕಳಿದ್ದರು ಹೆಂಡ್ತಿಯ ವಿವಾಹೇತರ ಸಂಬಂಧಕ್ಕೆ ಗಂಡ ಬೇಸತ್ತಿದ್ದ. ಹೆಂಡ್ತಿ ಮತ್ತು ಆಕೆಯ ಲವರ್ಗೆ ಎಷ್ಟೇ ಬುದ್ಧಿ ಮಾತು ಹೇಳಿದ್ರೂ ಅವರಿಬ್ಬರು ತಮ್ಮ ಆಟ ಮುಂದುವರಿಸಿದ್ದರು. ಕೊನೆಗೂ ಸ್ವಂತ ಊರು ಬಿಟ್ಟು ಬಂದ್ರೂ ಉಪಯೋಗವಾಗಿಲ್ಲ. ಕೊನೆಗೂ ಈ ಸಮಸ್ಯೆ ಕೊಲೆಯಲ್ಲೇ ಅಂತ್ಯವಾಗಿದೆ.
ಈ ಘಟನೆ ಆಂಧ್ರ ಪ್ರದೇಶದ ಅನಂತಪುರ ಜಿಲ್ಲೆಯ ರಾಯದುರ್ಗದಲ್ಲಿ ನಡೆದಿದೆ. ಮಹಾಬೂಬಾಬಾದ್ನ ರೆಕುಲ ತಾಂಡದ ರಮೇಶ್ (32), ಪತ್ನಿ ಶಾಂತಿ (27) ದಂಪತಿಗೆ ಇಬ್ಬರು ಮಕ್ಕಳಿದ್ದಾರೆ. ಶಾಂತಿ ಕೂಲಿ ಕೆಲಸಕ್ಕೆ ಹೋಗುತ್ತಿದ್ದಾಗ ರಾಮು (28) ಜೊತೆ ಸ್ನೇಹವಾಗಿ ಲವ್ ಆಗಿದ್ದು, ಇಬ್ಬರ ಮಧ್ಯೆ ವಿವಾಹೇತರ ಸಂಬಂಧಕ್ಕೆ ನಡೆದಿದೆ.
ಇನ್ನು ಈ ಸುದ್ದಿ ಗಂಡ ರಮೇಶ್ ಜೊತೆ ಗ್ರಾಮಕ್ಕೂ ತಿಳಿದಿದೆ. ಪಂಚಾಯಿತಿ ಮುಖ್ಯಸ್ಥರು ಮೂವರಿಗೂ ಬುದ್ಧಿ ಮಾತು ಹೇಳಿದ್ದಾರೆ. ಬಳಿಕ ರಮೇಶ್ ಮತ್ತು ಶಾಂತಿ ಗ್ರಾಮವನ್ನು ಬಿಟ್ಟು ರಾಯದುರ್ಗಕ್ಕೆ ಬಂದು ನೆಲಸಿದ್ದಾರೆ. ನಗರದಲ್ಲಿ ರಮೇಶ್ ವಾಚ್ಮನ್ ಕೆಲಸ ಗಿಟ್ಟಿಸಿಕೊಂಡು ಸುಖವಾಗಿ ಸಂಸಾರ ನಡೆಸುತ್ತಿದ್ದ. ಆದ್ರೆ ರಾಮು ಕೆಲ ದಿನಗಳ ಹಿಂದೆ ನಗರಕ್ಕೆ ಬಂದು ಇವರನ್ನು ಪತ್ತೆ ಹಚ್ಚಿದ್ದಾನೆ.
ಬುಧವಾರ ರಾತ್ರಿ 8 ಗಂಟೆಗೆ ಬಿರಿಯಾನಿ ತರಲು ರಮೇಶ್ ಹೋಟೆಲ್ಗೆ ಹೋಗಿದ್ದಾರೆ. ಇದೇ ಸಮಯಕ್ಕೆ ಕಾಯುತ್ತಿದ್ದ ರಾಮು ನೇರ ಮನೆಗೆ ನುಗ್ಗಿದ್ದಾನೆ. ಇನ್ನು ರಮೇಶ್ ಹೋಟೆಲ್ನಿಂದ ಮನಗೆ ಬಂದಾಗ ರಾಮು ಮತ್ತು ಶಾಂತಿ ಒಟ್ಟಿಗೆ ಇರುವುದನ್ನು ನೋಡಿದ್ದಾನೆ. ಇದರಿಂದ ತಾಳ್ಮೆ ಕಳೆದುಕೊಂಡು ರಮೇಶ್, ಪತ್ನಿ ಶಾಂತಿ ಮುಂದೆನೇ ರಾಮುವನ್ನು ಚಾಕುವಿನಿಂದ ಬರ್ಬರವಾಗಿ ಹಲ್ಲೆ ಮಾಡಿದ್ದಾನೆ. ಬಳಿಕ ಪೊಲೀಸರಿಗೆ ರಮೇಶ್ ಶರಣಾಗಿದ್ದಾನೆ.
ಈ ಘಟನೆ ಕುರಿತು ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ಪೊಲೀಸರು ಮುಂದಿನ ಕ್ರಮ ಕೈಗೊಂಡಿದ್ದಾರೆ.
