ಸಿಯೋಲ್(ದಕ್ಷಿಣ ಕೊರಿಯಾ): ಯುದ್ದ ವಿಮಾನ ನಿಗ್ರಹ ಕ್ಷಿಪಣಿ ಪರೀಕ್ಷೆಯನ್ನು ಉತ್ತರ ಕೊರಿಯಾ ಯಶಸ್ವಿಯಾಗಿ ನಡೆಸಿದೆ ಎಂದು ತಿಳಿದು ಬಂದಿದೆ. ಷರತ್ತುಬದ್ಧ ಮಾತುಕತೆ ಮಾಡಿಕೊಂಡು ಉತ್ತರ ಕೊರಿಯಾ ತನ್ನ ಮೊದಲ ಕ್ಷಿಪಣಿ ಪರೀಕ್ಷೆಗಳನ್ನು ಕಳೆದ ಆರು ತಿಂಗಳಿಂದ ಪುನರಾರಂಭಿಸಿದೆ.
ಈ ತಿಂಗಳಲ್ಲಿ ನಡೆದ ನಾಲ್ಕನೇ ಪರೀಕ್ಷೆ ಇದಾಗಿದೆ. ಸತತವಾಗಿ ಕ್ಷಿಪಣಿ ಪರೀಕ್ಷೆಗಳನ್ನು ಕೈಗೊಂಡು ಅಮೆರಿಕಕ್ಕೆ ಉತ್ತರ ಕೊರಿಯಾ ಟಾಂಗ್ ಕೊಡುತ್ತಿದೆ. ಒಂದು ಕಡೆ ದಕ್ಷಿಣ ಕೊರಿಯಾ ಜತೆ ಮಾತುಕತೆ ಪ್ರಸ್ತಾಪ ಇಡುತ್ತಲೇ ಮತ್ತೊಂದೆಡೆ ಸರಣಿ ಎಂಬಂತೆ ಕ್ಷಿಪಣಿಗಳ ಪರೀಕ್ಷಾರ್ಥ ಪ್ರಯೋಗಗಳನ್ನ ಒಂದರ ಹಿಂದೊಂದರಂತೆ ನೆರವೇರಿಸುತ್ತಲೇ ಇದೆ.