ಲಂಡನ್:ಬಾಯ್ಫ್ರೆಂಡ್ ಭೇಟಿ ಮಾಡುವ ಉದ್ದೇಶದಿಂದ ಸುಮಾರು ಆರು ಸಾವಿರ ಕಿಲೋ ಮೀಟರ್ ದೂರದಿಂದ ಪ್ರಯಾಣ ಬೆಳೆಸಿ ಬಂದಿದ್ದ ಯುವತಿಯೋರ್ವಳು ಭೀಕರವಾಗಿ ಕೊಲೆಯಾಗಿದ್ದಾಳೆ. ಘಟನೆಗೆ ಸಂಬಂಧಿಸಿದಂತೆ ವ್ಯಕ್ತಿಯೋರ್ವನನ್ನು ಬಂಧಿಸುವಲ್ಲಿ ಪೊಲೀಸರು ಯಶಸ್ವಿಯಾಗಿದ್ದಾರೆ.
ಯುಕೆಯಲ್ಲಿರುವ ತನ್ನ ಗೆಳೆಯನ ನೋಡುವ ಉದ್ದೇಶದಿಂದ 19 ವರ್ಷದ ಯುವತಿಯೋರ್ವಳು ಕೆನಡಾದಿಂದ ಪ್ರಯಾಣ ಬೆಳೆಸಿದ್ದಳು. ಆದರೆ, ಎಸ್ಸೆಕ್ಸ್ನಲ್ಲಿ ಶವವಾಗಿ ಪತ್ತೆಯಾಗಿದ್ದಾಳೆ. ಕೊಲೆಯಾಗಿರುವ ಯುವತಿಯನ್ನ ಆಶ್ಲೇ ವರ್ಡ್ಸ್ವರ್ತ್ ಎಂದು ಗುರುತಿಸಲಾಗಿದೆ.
ಇದನ್ನೂ ಓದಿರಿ:ಹಿಜಾಬ್ ಧರಿಸಿ ಬಂದ ವಿದ್ಯಾರ್ಥಿನಿಯರು.. ಕಾಲೇಜ್ ಗೇಟ್ ಬಂದ್ ಮಾಡಿದ ಪ್ರಾಂಶುಪಾಲ
ಇಂಗ್ಲಿಷ್ ಗೆಳೆಯನ ಭೇಟಿಯಾಗುವ ಉದ್ದೇಶದಿಂದ ಕಳೆದ ಕೆಲ ದಿನಗಳ ಹಿಂದೆ ಕೆನಡಾದಿಂದ ಯುಕೆಗೆ ಪ್ರಯಾಣ ಬೆಳೆಸಿದ್ದ ಆಶ್ಲೇ, ಎಸ್ಸೆಕ್ಸ್ನ ಫ್ಲಾಟ್ನಲ್ಲಿ ಉಳಿದುಕೊಂಡಿದ್ದಳು. ಈ ವೇಳೆ ವ್ಯಕ್ತಿಯೋರ್ವ ಆಕೆಯ ಕೊಲೆ ಮಾಡಿರುವುದಾಗಿ ಪೊಲೀಸರು ತಿಳಿಸಿದ್ದಾರೆ.
ಇದಕ್ಕೆ ಸಂಬಂಧಿಸಿದಂತೆ ಇದೀಗ ಆಶ್ಲೇ ಸಹೋದರಿ ಫೇಸ್ಬುಕ್ನಲ್ಲಿ ಮಾಹಿತಿ ಹಂಚಿಕೊಂಡಿದ್ದು, ಕೊಲೆಗೀಡಾಗಿರುವ ಸಹೋದರಿಗೆ ನ್ಯಾಯ ಒದಗಿಸುವಂತೆ ಮನವಿ ಮಾಡಿದ್ದಾಳೆ.
TAGGED:
Yong girl stabbed to death