ಬ್ಯಾಂಕ್‌ಗಳಿಗೆ ಪಂಗನಾಮ! ಲಂಡನ್‌ನಲ್ಲಿ ಭಾರತ,ಆಸೀಸ್ ಕ್ರಿಕೆಟ್‌ ನೋಡುವ ಮಲ್ಯ! -

ತೆಳು ನೀಲಿ ಬಣ್ಣದ ಸೂಟ್​, ಬಿಳಿ ಶರ್ಟ್​ ಹಾಗೂ ಕೊರಳಿಗೆ ವಿಐಪಿ ಬ್ಯಾಡ್ಜ್​​ ಧರಿಸಿರುವ ವಿಜಯ್ ಮಲ್ಯ, ಕ್ರೀಡಾಂಗಣ ಪ್ರವೇಶ ದ್ವಾರದಲ್ಲಿ ಸ್ವಯಂಸೇವಕರಿಗೆ ಪಂದ್ಯ ವೀಕ್ಷಣೆಯ ಟಿಕೆಟ್​ ತೋರಿಸಿ ಒಳ ಪ್ರವೇಶಿಸುತ್ತಿರುವ ಚಿತ್ರಗಳು ಸೋಷಿಯಲ್​ ಮೀಡಿಯಾದಲ್ಲಿ ಹರಿದಾಡುತ್ತಿವೆ.

ಲಂಡನ್​:ದಿ ಓವಲ್ ಕ್ರೀಡಾಂಗಣದಲ್ಲಿ ಇಂದು ನಡೆಯುತ್ತಿರುವ ವಿಶ್ವಕಪ್ ಟೂರ್ನಿಯ ಭಾರತ-ಆಸ್ಟ್ರೇಲಿಯಾ ಪಂದ್ಯ ವೀಕ್ಷಿಸಲು ದೇಶಭ್ರಷ್ಟ ಆರ್ಥಿಕ ಅಪರಾಧಿ ವಿಜಯ್ ಮಲ್ಯ ಆಗಮಿಸಿದ್ದಾರೆ.

ತೆಳು ನೀಲಿ ಬಣ್ಣದ ಸೂಟ್​, ಬಿಳಿ ಶರ್ಟ್​ ಹಾಗೂ ಕೊರಳಿಗೆ ವಿಐಪಿ ಬ್ಯಾಡ್ಜ್​​ ಧರಿಸಿ ವಿಜಯ್ ಮಲ್ಯ ಅವರು ಕ್ರೀಡಾಂಗಣ ಪ್ರವೇಶ ದ್ವಾರದಲ್ಲಿ ಸ್ವಯಂ ಸೇವಕರಿಗೆ ಪಂದ್ಯ ವೀಕ್ಷಣೆಯ ಟಿಕೆಟ್​ ತೋರಿಸಿ ಒಳ ಪ್ರವೇಶಿಸಿ ಪಂದ್ಯ ವೀಕ್ಷಿಸುತ್ತಿದ್ದಾರೆ.

ಈ ವೇಳೆ ಸುದ್ದಿ ಸಂಸ್ಥೆಯೊಂದಿಗೆ ಮಾತನಾಡಿದ ಮಲ್ಯ, ನಾನು ಇಲ್ಲಿಗೆ ಪಂದ್ಯ ವೀಕ್ಷಿಸಲು ಬಂದಿದ್ದೇನೆ ಎಂದು ಹೇಳಿದ್ದಾರೆ. ಇತರೆ ವಿಷಯ ಮಾತನಾಡಲು ಅವರು ನಿರಾಕರಿಸಿದ್ದಾರೆ.

ಭಾರತೀಯ ಬ್ಯಾಂಕು​ಗಳಲ್ಲಿ ಸಾವಿರಾರು ಕೋಟಿ ರುಪಾಯಿ ಸಾಲ ಮಾಡಿ ದೇಶ ತೊರೆದಿರುವ ಮದ್ಯದ ದೊರೆ, ಉದ್ಯಮಿ ವಿಜಯ್ ಮಲ್ಯರನ್ನು'ದೇಶಭ್ರಷ್ಟ ಆರ್ಥಿಕ ಅಪರಾಧಿ' ಎಂದು ಪಿಎಂಎಲ್ಎ ಕೋರ್ಟ್ ಘೋಷಣೆ ಮಾಡಿದೆ.