ಕಂದಹಾರ್​ನಲ್ಲಿ ಪ್ರಬಲ ಬಾಂಬ್​ ಸ್ಫೋಟ..32ಕ್ಕೂ ಹೆಚ್ಚು ಮಂದಿ ದುರ್ಮರಣ, 53ಕ್ಕೂ ಅಧಿಕ ಜನರ ಸ್ಥಿತಿ ಗಂಭೀರ

ಅಫ್ಘಾನಿಸ್ತಾನದ ಮಸೀದಿವೊಂದರಲ್ಲಿ ಪ್ರಬಲ ಬಾಂಬ್​ ಸ್ಫೋಟಗೊಂಡಿರುವ ಪರಿಣಾಮ 32 ಮಂದಿ ತಮ್ಮ ಪ್ರಾಣ ಕಳೆದುಕೊಂಡಿದ್ದು, ಅನೇಕರು ಗಾಯಗೊಂಡಿದ್ದಾರೆ.

ಕಂದಹಾರ್​(ಆಫ್ಘಾನಿಸ್ತಾನ):ಶುಕ್ರವಾರದ ಪ್ರಾರ್ಥನೆ ವೇಳೆ ದಕ್ಷಿಣ ಆಫ್ಘನ್​​ನ ಕಂದಹಾರ್​​ನಲ್ಲಿರುವ ಮಸೀದಿವೊಂದರಲ್ಲಿ ಬಾಂಬ್​ ಸ್ಫೋಟಗೊಂಡಿದ್ದು, 32ಮಂದಿ ದುರ್ಮರಣಕ್ಕೀಡಾಗಿದ್ದಾರೆ. ಘಟನೆಯಲ್ಲಿ 40ಕ್ಕೂ ಅಧಿಕ ಜನರು ಗಾಯಗೊಂಡಿದ್ದಾಗಿ ತಿಳಿದು ಬಂದಿದೆ.

ಪ್ರಾರ್ಥನೆ ಸಲ್ಲಿಕೆ ಮಾಡ್ತಿದ್ದ ವೇಳೆ ಪ್ರಬಲ ಬಾಂಬ್​ ಸ್ಫೋಟಗೊಂಡಿರುವ ಪರಿಣಾಮ ಇಷ್ಟೊಂದು ಜನರು ಸಾವನ್ನಪ್ಪಿದ್ದಾಗಿ ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ. ಇಲ್ಲಿಯವರೆಗೆ ಯಾವುದೇ ರೀತಿಯ ಉಗ್ರ ಸಂಘಟನೆಗಳು ಇದರ ಜವಾಬ್ದಾರಿ ಹೊತ್ತುಕೊಂಡಿಲ್ಲ. ಕಳೆದ ಒಂದೇ ವಾರದಲ್ಲಿ ಮಸೀದಿಯಲ್ಲಿ ಸ್ಫೋಟಗೊಂಡಿರುವ ಎರಡನೇ ಬಾಂಬ್​ ಸ್ಫೋಟ ಪ್ರಕರಣ ಇದಾಗಿದೆ.

ಕಳೆದ ವಾರ ಮಸೀದಿಯಲ್ಲಿ ನಡೆದಿದ್ದ ಬಾಂಬ್​​ ಸ್ಫೋಟದಲ್ಲಿ 50ಕ್ಕೂ ಅಧಿಕ ಜನರು ತಮ್ಮ ಪ್ರಾಣ ಕಳೆದುಕೊಂಡಿದ್ದು, ಅನೇಕರು ಗಾಯಗೊಂಡಿದ್ದರು. ಅಫ್ಘಾನಿಸ್ತಾನದಲ್ಲಿ ರಾಜಕೀಯ ಅರಾಜಕತೆ ಉಂಟಾಗಿದ್ದು, ಸಂಪೂರ್ಣವಾಗಿ ತಾಲಿಬಾನ್​​ ಆಡಳಿತ ಶುರುವಾಗಿದೆ. ಹೀಗಾಗಿ ಮೇಲಿಂದ ಮೇಲೆ ಬಾಂಬ್​ ಸ್ಫೋಟದಂತಹ ಘಟನೆಗಳು ನಡೆಯುತ್ತಿವೆ.