ಪಾಕ್​ ವಿರುದ್ಧ ಸೆಂಚುರಿ... ಸಚಿನ್​ ದಾಖಲೆ ಮುರಿದ ಹಿಟ್​ಮ್ಯಾನ್​

ರೋಹಿತ್ ಶರ್ಮಾ ತಮ್ಮ ವೃತ್ತಿ ಜೀವನದ 24 ಶತಕಗಳನ್ನು ವೇಗವಾಗಿ ಪೂರೈಸಿದ ವಿಶ್ವದ ಮೂರನೇ ಹಾಗೂ ಭಾರತದ 2ನೇ ಆಟಗಾರ ಎಂಬ ದಾಖಲೆಗೆ ಪಾತ್ರರಾಗಿದ್ದಾರೆ.

ಮ್ಯಾಂಚೆಸ್ಟರ್​:ಪಾಕಿಸ್ತಾನ ವಿರುದ್ಧ ಆಕರ್ಷಕ ಶತಕ ದಾಖಲಿಸಿದ ರೋಹಿತ್​ ಶರ್ಮಾ ಏಕದಿನ ಕ್ರಿಕೆಟ್​ ಇತಿಹಾಸದಲ್ಲಿ ವೇಗವಾಗಿ 24 ಶತಕ ಸಿಡಿಸುವ ಮೂಲಕ ಸಚಿನ್​ ತೆಂಡೂಲ್ಕರ್​ ದಾಖಲೆ ಪುಡಿಗಟ್ಟಿದ್ದಾರೆ.

ಸಾಂಪ್ರದಾಯಿಕ ಎದುರಾಳಿ ಪಾಕಿಸ್ತಾನದ ವಿರುದ್ಧ ನಡೆದ ವಿಶ್ವಕಪ್​ನ ಹೈವೋಲ್ಟೇಜ್​ ಪಂದ್ಯದಲ್ಲಿ ರೋಹಿತ್​ ಕೇವಲ 113 ಎಸೆತಗಳಲ್ಲಿ 140 ರನ್​ಗಳಿಸಿದ್ದರು. ಈ ಪಂದ್ಯದಲ್ಲಿ ತಮ್ಮ ವೃತ್ತಿ ಜೀವನದ 24 ಶತಕಗಳನ್ನು ವೇಗವಾಗಿ ಪೂರೈಸಿದ ರೋಹಿತ್​ ವೇಗವಾಗಿ ಈ ಸಾಧನೆ ಮಾಡಿದ ವಿಶ್ವದ ಮೂರನೇ ಹಾಗೂ ಭಾರತದ 2ನೇ ಆಟಗಾರ ಎಂಬ ದಾಖಲೆಗೆ ಪಾತ್ರರಾಗಿದ್ದಾರೆ.

ಸಚಿನ್​ ತೆಂಡೂಲ್ಕರ್​ 24 ಶತಕ ಬಾರಿಸಲು 219 ಇನ್ನಿಂಗ್ಸ್​ ತೆಗೆದುಕೊಂಡಿದ್ದರು. ರೋಹಿತ್​ 203 ಇನ್ನಿಂಗ್ಸ್​ಗಳಲ್ಲೇ ಈ ಸಾಧನೆ ಮಾಡಿದ್ದಾರೆ. ಇನ್ನು ಭಾರತ ತಂಡದ ನಾಯಕ ಕೊಹ್ಲಿ 161 ಇನ್ನಿಂಗ್ಸ್​ಗಳಲ್ಲಿ ಈ ಸಾಧನೆ ಮಾಡಿದ್ದರು. ಮೊದಲ ಸ್ಥಾನದಲ್ಲಿ ದ. ಆಫ್ರಿಕಾದ ಹಾಶಿಮ್​ ಆಮ್ಲ ಇದ್ದು, ಅವರು 142 ಇನ್ನಿಂಗ್ಸ್​​ಗಳಲ್ಲಿ 24 ಶತಕ ಸಿಡಿಸಿದ್ದಾರೆ.

ವೇಗವಾಗಿ 24 ಶತಕ ಸಿಡಿಸಿದವರು;

ಹಾಶಿಮ್ ಆಮ್ಲ(142)
ವಿರಾಟ್​ ಕೊಹ್ಲಿ(161)
ಎಬಿ ಡಿ ವಿಲಿಯರ್ಸ್​(194)
ರೋಹಿತ್​ ಶರ್ಮಾ(203)
ಸಚಿನ್​ ತೆಂಡೂಲ್ಕರ್​(219)