ಪ್ರೇಕ್ಷಕರಿಗೆ ನಿರಾಸೆ ಮೂಡಿಸಿದ 'ಬೀಸ್ಟ್​​': ಬಾಕ್ಸ್​ ಆಫೀಸ್​​ನಲ್ಲಿ ಡುಮ್ಕಿ!

ಅನೇಕ ನಿರೀಕ್ಷೆಗಳನ್ನಿಟ್ಟುಕೊಂಡು ನಿನ್ನೆ ದೇಶಾದ್ಯಂತ ರಿಲೀಸ್ ಆಗಿರುವ ನಟ ವಿಜಯ್ ದಳಪತಿ ಅಭಿನಯದ ಬೀಸ್ಟ್​ ಸಿನಿಮಾ ಸಿನಿಮಾ ಪ್ರೇಕ್ಷಕರಲ್ಲಿ ನಿರಾಸೆ ಮೂಡಿಸಿದೆ.

ಹೈದರಾಬಾದ್​:ಕಾಲಿವುಡ್​ನ ಬಹುನಿರೀಕ್ಷಿತ ಚಿತ್ರ 'ಬೀಸ್ಟ್​' ನಿನ್ನೆ ದೇಶಾದ್ಯಂತ ರಿಲೀಸ್​ ಆಗಿದೆ. ಆದ್ರೆ ಸಿನಿ ಪ್ರೇಕ್ಷಕರ ಹೃದಯ ಗೆಲ್ಲುವಲ್ಲಿ ಚಿತ್ರ ಸಂಪೂರ್ಣವಾಗಿ ವಿಫಲವಾಗಿದೆ. ಬಾಕ್ಸ್​ ಆಫೀಸ್​ನಲ್ಲೂ ಸಿನಿಮಾ ಬಹುತೇಕ ನೆಲಕಚ್ಚಿದೆ ಎನ್ನಲಾಗ್ತಿದೆ.

ಬಾಕ್ಸ್ ಆಫೀಸ್​ನಲ್ಲಿನ ಅನೇಕ ದಾಖಲೆ ಮುರಿಯಬಹುದೆಂಬ ಊಹೆ ಇದೀಗ ಸಂಪೂರ್ಣವಾಗಿ ಸುಳ್ಳಾಗಿದ್ದು, ನೆಲ್ಸನ್​ ದಿಲೀಪ್​ ಕುಮಾರ್ ನಿರ್ದೇಶನ ಮಾಡಿರುವ ವಿಜಯ್​ ದಳಪತಿ ನಟನೆಯ ಚಿತ್ರಕ್ಕೆ ಉತ್ತಮ ಪ್ರತಿಕ್ರಿಯೆ ಸಿಕ್ಕಿಲ್ಲ. ಚಿತ್ರದ ಮೊದಲಾರ್ಧದಲ್ಲಿ ಕೇವಲ ಒಂದು ಹಾಡು ಸಂಯೋಜನೆ ಮಾಡಲಾಗಿದ್ದು, ನಟಿ ಪೂಜಾ ಹೆಗ್ಡೆ ಅವರನ್ನು ಕೇವಲ ಗೆಸ್ಟ್​​ ರೂಲ್​ನಲ್ಲಿ ಬಳಕೆ ಮಾಡಿಕೊಳ್ಳಲಾಗಿದೆ. ಇದರ ಜೊತೆಗೆ ಅನೇಕ ಹಂತಗಳಲ್ಲಿ ಸಿನಿಮಾ ಪ್ರೇಕ್ಷಕರಲ್ಲಿ ನಿರಾಸೆ ಮೂಡಿಸಿದೆ.

ಈ ಸಿನಿಮಾ ಭಯೋತ್ಪಾದನೆಗೆ ಸಂಬಂಧಿಸಿರುವ ಕಥೆ ಹೊಂದಿದ್ದು, ಒಂದು ನಿರ್ದಿಷ್ಟ ಸಮುದಾಯದ ಕುರಿತು ಸುತ್ತುತ್ತದೆ. ಇದೇ ಕಾರಣಕ್ಕಾಗಿ ಅನೇಕ ದೇಶಗಳಲ್ಲಿ ಇದರ ಮೇಲೆ ನಿಷೇಧ ಹೇರಲಾಗಿದೆ. ಇಡೀ ಚಿತ್ರದಲ್ಲಿ ನಟ ವಿಜಯ್​ ಅವರ ಅಭಿನಯವೇ ಹೆಚ್ಚು ಎದ್ದು ಕಾಣುತ್ತದೆ. ದೇಶಾದ್ಯಂತ 850 ಚಿತ್ರಮಂದಿರಗಳಲ್ಲಿ ತೆರೆ ಕಂಡಿರುವ ಈ ಚಿತ್ರ ಮೊದಲ ದಿನ 38 ಕೋಟಿ ರೂ. ಗಳಿಕೆ ಮಾಡಿದೆ.

ಇಂದು ಪ್ರಪಂಚದಾದ್ಯಂತ ತೆರೆ ಕಂಡಿರುವ ಕೆಜಿಎಫ್​ ಚಾಪ್ಟರ್​-2 ಸಿನಿಮಾ ಅಬ್ಬರ ಜೋರಾಗಿದ್ದು, ರಾಕಿ ಬಾಯ್​​ ಎದುರು ಬೀಸ್ಟ್​ ಕೂಡ ಬಹುತೇಕ ನೆಲಕಚ್ಚಿದೆ.