ಮುಂಬೈ:ದಕ್ಷಿಣದ ಸಿನಿ ತಾರೆಯರ ಅಬ್ಬರದ ಮುಂದೆ ಬಾಲಿವುಡ್ ಕಂಗಾಲಾಗಿದೆ. ಯಾವುದೇ ಚಿತ್ರಗಳಿಂದ ಹೇಳಿಕೊಳ್ಳುವ ಪ್ರದರ್ಶನ ಕಂಡುಬರ್ತಿಲ್ಲ. ಇದೀಗ ರಣಬೀರ್ ಕಪೂರ್ ಅಭಿನಯದ ಬ್ರಹ್ಮಾಸ್ತ್ರ ಸಿನೆಮಾ ಬಾಲಿವುಡ್ಗೆ ಚೇತರಿಕೆ ನೀಡುವ ಲಕ್ಷಣ ಕಾಣುತ್ತಿದೆ.
ಸೆಪ್ಟೆಂಬರ್ 9ರಂದು ಸಿನೆಮಾ ದೇಶಾದ್ಯಂತ ರಿಲೀಸ್ ಆಗಲಿದೆ. ಮುಂಗಡ ಬುಕ್ಕಿಂಗ್ ಜೋರಾಗಿ ನಡೆಯುತ್ತಿದೆ. ಸೆಪ್ಟೆಂಬರ್ 6ರ ರಾತ್ರಿ 11:30ರವರೆಗಿನ ಮಾಹಿತಿ ಪ್ರಕಾರ ಒಟ್ಟು 1,31,000 ಟಿಕೆಟ್ಗಳು ಬಿಕರಿಯಾಗಿವೆ. ಈ ಮೂಲಕ ಕೋವಿಡ್ ಮಹಾಮಾರಿ ಬಳಿಕ ಹೆಚ್ಚು ಮುಂಗಡ ಬುಕ್ಕಿಂಗ್ ಆಗಿರುವ ಚಿತ್ರ ಎಂಬ ವಿಶೇಷತೆಗೆ ಪಾತ್ರವಾಗಿದೆ. ಅಷ್ಟೇ ಅಲ್ಲ, ಆರ್ಆರ್ಆರ್ ಹಾಗೂ ಭೂಲ್ಭುಲೈಯಾ ಟಿಕೆಟ್ ಬುಕ್ಕಿಂಗ್ ದಾಖಲೆಯನ್ನು ಇದು ಪುಡಿಗಟ್ಟಿದೆ. ಚಿತ್ರದಲ್ಲಿ ರಣಬೀರ್ ಜೊತೆ ನಟಿ ಆಲಿಯಾ ಭಟ್, ಅಮಿತಾಬ್ ಬಚ್ಚನ್, ನಾಗಾರ್ಜುನ್ ಮತ್ತು ಮೌನಿ ರಾಯ್ ಮುಖ್ಯ ಭೂಮಿಕೆಯಲ್ಲಿ ನಟಿಸಿದ್ದಾರೆ.