ಚಿತ್ರಮಂದಿರಗಳಲ್ಲಿ 'ಅನಿಮಲ್' ಸಿನಿಮಾ ಧೂಳೆಬ್ಬಿಸುತ್ತಿದೆ. ರಾಷ್ಟ್ರಪ್ರಶಸ್ತಿ ವಿಜೇತ ನಟ ಅಲ್ಲು ಅರ್ಜುನ್ ಸಿನಿಮಾ ಮತ್ತು ನಟರನ್ನು ಕೊಂಡಾಡಿದ್ದಾರೆ. "ಸಿನಿಮ್ಯಾಟಿಕ್ ಬ್ರಿಲಿಯನ್ಸ್"ಗೆ ಮೆಚ್ಚುಗೆ ವ್ಯಕ್ತಪಡಿಸಿದ ಪುಷ್ಪ ಸ್ಟಾರ್ ರಣ್ಬೀರ್ ಕಪೂರ್ ಅವರನ್ನು ವಿಶೇಷವಾಗಿ ಪ್ರಶಂಸಿಸಿದ್ದಾರೆ. ಸಂದೀಪ್ ರೆಡ್ಡಿ ವಂಗಾ ನಿರ್ದೇಶನದ ಸಿನಿಮಾದಲ್ಲಿ ರಶ್ಮಿಕಾ ಮಂದಣ್ಣ, ಅನಿಲ್ ಕಪೂರ್, ಬಾಬಿ ಡಿಯೋಲ್ ಮತ್ತು ತೃಪ್ತಿ ಡಿಮ್ರಿ ಪ್ರಮುಖ ಪಾತ್ರಗಳಲ್ಲಿ ಕಾಣಿಸಿಕೊಂಡಿದ್ದಾರೆ.
ಅಲ್ಲು ಅರ್ಜುನ್ ಸೋಷಿಯಲ್ ಮೀಡಿಯಾ ಪ್ಲಾಟ್ಫಾರ್ಮ್ ಎಕ್ಸ್‌ನಲ್ಲಿ ಅನಿಮಲ್ ಸಿನಿಮಾ ಬಗ್ಗೆ ತಮ್ಮ ಅಭಿಪ್ರಾಯ ಹಂಚಿಕೊಂಡಿದ್ದು, ''ಮೈಂಡ್ ಬ್ಲೋಯಿಂಗ್" ಎಂದು ವರ್ಣಿಸಿದ್ದಾರೆ. ಕಥೆ ರವಾನಿಸಿದ ರೀತಿಯನ್ನು ಅವರು ಶ್ಲಾಘಿಸಿದರು. ರಣ್ಬೀರ್ ಕಪೂರ್ಗೆ ಅಭಿನಂದನೆ ತಿಳಿಸಿದ್ದಾರೆ. ಭಾರತೀಯ ಸಿನಿಮಾ ಪ್ರದರ್ಶನಗಳನ್ನು ಅಭೂತಪೂರ್ವ ಮಟ್ಟಕ್ಕೇರಿಸಿದ್ದಾರೆ, ಪ್ರೇಕ್ಷಕರಿಗೆ ಅದ್ಭುತ ಸಿನಿಮಾ ಕೊಟ್ಟಿದ್ದಾರೆಂದು ತಮ್ಮ ಬರಹದಲ್ಲಿ ತಿಳಿಸಿದ್ದಾರೆ. ತೆರೆ ಮೇಲೆ ರಣ್ಬೀರ್ ಕಪೂರ್ ಸೃಷ್ಟಿಸಿದ ಮ್ಯಾಜಿಕ್ ಅನ್ನು ವರ್ಣಿಸಲು ಪದಗಳೇ ಸಾಲದು ಎಂದಿದ್ದಾರೆ.
''ಅನಿಮಲ್. ಜಸ್ಟ್ ಮೈಂಡ್ ಬ್ಲೋಯಿಂಗ್. ನಿಮ್ಮ ಸಿನಿಮ್ಯಾಟಿಕ್ ಬ್ರಿಲಿಯನ್ಸ್ಗೆ ಮಾರುಹೋದೆ. ಅಭಿನಂದನೆಗಳು. ರಣ್ಬೀರ್ ಕಪೂರ್ ಜಿ, ಭಾರತೀಯ ಸಿನಿಮಾ ಪ್ರದರ್ಶನಗಳನ್ನು ಸಂಪೂರ್ಣವಾಗಿ ನೂತನ ಮಟ್ಟಕ್ಕೆ ಕೊಂಡೊಯ್ದಿದ್ದೀರಿ. ಬಹಳ ಸ್ಫೂರ್ತಿದಾಯಕವಾಗಿದೆ. ನಿಮ್ಮ ಮ್ಯಾಜಿಕ್ ಅನ್ನು ವಿವರಿಸಲು ನಿಜವಾಗಿಯೂ ಪದಗಳ ಕೊರತೆ ಇದೆ. ನಿಮ್ಮ ಈ ಉನ್ನತ ಹಂತಕ್ಕೆ ನನ್ನ ಗೌರವವಿದೆ'' - ಅಲ್ಲು ಅರ್ಜುನ್.