ಬಾಲಿವುಡ್ ದೂದ್ಪೇಡಾ ಕಾರ್ತಿಕ್ ಆರ್ಯನ್ ಮತ್ತು ನಟಿ ಕೃತಿ ಸನೊನ್ ಅಭಿನಯದ ಶೆಹಜಾದಾ (Shehzada) ಸಿನಿಮಾ ಇಂದು ತೆರೆಕಂಡಿದೆ. ಕಾರ್ತಿಕ್ ಅವರ ಈ ಹಿಂದಿನ ಚಿತ್ರ ಭೂಲ್ ಭುಲೈಯ್ಯಾ 2 ಸೂಪರ್ ಹಿಟ್ ಆಗಿತ್ತು. ಅನೀಸ್ ಬಾಜ್ಮಿ ಅವರ ನಿರ್ದೇಶನದಲ್ಲಿ ಮೂಡಿ ಬಂದಿದ್ದ ಹಾರರ್ ಕಾಮಿಡಿ ಚಿತ್ರ ಮೊದಲ ದಿನ 14.11 ಕೋಟಿ ರೂ.ಗಳೊಂದಿಗೆ ಮುನ್ನಡೆಯಿತು. ಆದರೆ ಕಾರ್ತಿಕ್ ಆರ್ಯನ್ ನಟನೆಯ ಶೆಹಜಾದಾ ನಿರೀಕ್ಷೆ ತಲುಪಿಲ್ಲ. ಹಾಗಂತ ಸಿನಿಮಾ ಹಿನ್ನೆಡೆ ಕೂಡ ಕಂಡಿಲ್ಲ. ನಿಧಾನಗತಿಯಲ್ಲಿ ಯಶಸ್ಸು ಸಾಧಿಸುವ ಸೂಚನೆ ಕೊಟ್ಟಿದೆ.
ಶೆಹಜಾದ ತಯಾರಕರು ಚಿತ್ರ ಬಿಡುಗಡೆಗೂ ಐದು ದಿನಗಳ ಮೊದಲು ಚಿತ್ರದ ಮುಂಗಡ ಬುಕ್ಕಿಂಗ್ ಪ್ರಕ್ರಿಯ ಆರಂಭಿಸಿದರು. ಕಾರ್ತಿಕ್ ಆರ್ಯನ್ ಅವರ ಈ ಚಿತ್ರವು ಶಾರುಖ್ ಖಾನ್ ಅವರ ಪಠಾನ್ ಮತ್ತು ಹಾಲಿವುಡ್ ಚಿತ್ರ ಆಂಟ್ - ಮ್ಯಾನ್ ಅಂಡ್ ದಿ ವಾಸ್ಪ್: ಕ್ವಾಂಟುಮೇನಿಯಾ ಸಿನಿಮಾಗಳೊಂದಿಗೆ ಕಠಿಣ ಸ್ಪರ್ಧೆ ಎದುರಿಸುತ್ತಿದೆ. ಇದು ಇಂದು ಭಾರತೀಯ ತೆರೆಗೆ ಬಂದಿತು. PVR, INOX ಸೇರಿದಂತೆ ಚಿತ್ರಮಂದಿರಗಳಲ್ಲಿ ಶೆಹಜಾದಾ ಚಿತ್ರದ ಮುಂಗಡ ಬುಕ್ಕಿಂಗ್ ಸಂಖ್ಯೆ 25,825 ಆಗಿದ್ದರೆ, ಆಂಟ್-ಮ್ಯಾನ್ ಅಂಡ್ ದಿ ವಾಸ್ಪ್: ಕ್ವಾಂಟುಮೇನಿಯಾ ಸಿನಿಮಾದ ಮುಂಗಡ ಬುಕ್ಕಿಂಗ್ ಸಂಖ್ಯೆ 1,06,500 ಟಿಕೆಟ್‌ಗಳನ್ನು ಮಾರಾಟ ಮಾಡಿದೆ ಎಂದು ಸಿನಿಮಾ ವ್ಯವಹಾರ ವಿಶ್ಲೇಷಕ ತರಣ್ ಆದರ್ಶ್ ಮಾಹಿತಿ ಹಂಚಿಕೊಂಡಿದ್ದಾರೆ.
ಶೆಹಜಾದಾ ಚಿತ್ರದ ಮೊದಲ ದಿನದ ಕಲೆಕ್ಷನ್ ಸುಮಾರು 6 ಕೋಟಿ ರೂ. ಎಂದು ಅಂದಾಜಿಸಲಾಗಿದೆ. ಆದರೆ ಅಧಿಕೃತ ಅಂಕಿ - ಅಂಶಗಳು ಇನ್ನಷ್ಟೇ ಹೊರಬೀಳಬೇಕಾಗಿದೆ. ಶೆಹಜಾದಾ ಚಿತ್ರದ ಮೊದಲ ದಿನದ ವ್ಯವಹಾರ ಭೂಲ್ ಭುಲೈಯ್ಯಾ 2ಕ್ಕಿಂತ ಕಡಿಮೆಯಾಗಿದೆ ಎಂದು ಹೇಳಲಾಗುತ್ತದೆ. ಭೂಲ್ ಭುಲೈಯ್ಯಾ 2 ಮೊದಲ ದಿನ 14.11 ಕೋಟಿ ರೂ. ಗಳಿಸಿತ್ತು. ಈ ಶೆಹಜಾದಾ ಚಿತ್ರದ ಬಗ್ಗೆ ಸಕಾರಾತ್ಮಕ ಸ್ಪಂದನೆ, ನಟ ಕಾರ್ತಿಕ್ ಆರ್ಯನ್ ಅವರ ಕ್ರೇಜ್ ಮತ್ತು ಅವರ ಕೊನೆಯ ಚಿತ್ರದ ಯಶಸ್ಸಿನ ಹೊರತಾಗಿಯೂ ಶೆಹಜಾದಾ ಆರಂಭಿಕ ಬಾಕ್ಸ್ ಆಫೀಸ್ ಕಲೆಕ್ಷನ್ ಕಲೆಕ್ಷನ್ ಕೊಂಚ ಮಂಕಾಗಿರುವಂತೆ ಗೋಚರಿಸುತ್ತಿದೆ. ಆದಾಗ್ಯೂ, ಬಾಲಿವುಡ್ ದೂದ್ಪೇಡಾ ಕಾರ್ತಿಕ್ ಆರ್ಯನ್ ಅಭಿಮಾನಿಗಳು ತಮ್ಮ ಮೆಚ್ಚಿನ ನಟನಿಗೆ ಮತ್ತೊಂದು ಯಶಸ್ವಿ ಪ್ರವಾಸಕ್ಕಾಗಿ ಆಶಿಸುತ್ತಿದ್ದಾರೆ.
ಚಿತ್ರದ ಯಶಸ್ವಿಗೆ ಬಾಲಿವುಡ್ ರೈಸಿಂಗ್ ಸ್ಟಾರ್ ಕಾರ್ತಿಕ್ ಆರ್ಯನ್ ಪ್ರಮುಖ ನಗರಗಳಲ್ಲಿ ವ್ಯಾಪಕ ಪ್ರಚಾರ ಮಾಡಿದ್ದರು. ಅವರು ದುಬೈಗೆ ಸಹ ಭೇಟಿ ಕೊಟ್ಟಿದ್ದರು. ಜಗತ್ತಿನ ಅತಿ ಎತ್ತರದ ಕಟ್ಟಡ ಬುರ್ಜ್ ಖಲೀಫಾದಲ್ಲಿ ಶೆಹಜಾದಾ ಟ್ರೈಲರ್ ಅನ್ನು ಪ್ರದರ್ಶಿಸಲಾಗಿತ್ತು. ಯುಎಇಯಲ್ಲಿ ನಡೆದ ಶೆಹಜಾದ ಪ್ರಚಾರ ಕಾರ್ಯಕ್ರಮದಲ್ಲಿ ನಟನಿಗೆ ಸಕಾರಾತ್ಮಕ ಸ್ಪಂದನೆ ಸಿಕ್ಕಿತ್ತು.