ತಾಯಿಯನ್ನೇ ಚಾಕುವಿನಿಂದ ಇರಿದ ಅಪ್ರಾಪ್ತೆ: ಪ್ರೇಮಿಯೊಂದಿಗೆ ಪರಾರಿ

ಬಾಲಕಿಯೊಬ್ಬಳು ಪ್ರೇಮಿಗಾಗಿ ಹೆತ್ತ ತಾಯಿಯನ್ನೇ ಚಾಕುವಿನಿಂದ ಚುಚ್ಚಿ, ತನ್ನ ಗೆಳೆಯನೊಂದಿಗೆ ಪರಾರಿಯಾಗಿದ್ದು, ಗಾಯಾಳು ತಾಯಿಯನ್ನು ಚಿಕಿತ್ಸೆಗಾಗಿ ಆಸ್ಪತ್ರೆಗೆ ದಾಖಲಿಸಲಾಗಿದೆ.

ಧಾರವಾಡ : ಹೆತ್ತ ತಾಯಿಯನ್ನೇ ಅಪ್ತಾಪ್ತೆ ಹಾಗೂ ಆಕೆಯ ಪ್ರೇಮಿ ಚಾಕುವಿನಿಂದ ಇರಿದು ಪರಾರಿಯಾದ ಘಟನೆ ಜಿಲ್ಲೆಯಲ್ಲಿ ನಡೆದಿದೆ. ಕಳೆದ ರಾತ್ರಿ ಪ್ರೇಮಿ ಜೊತೆ ಸೇರಿ ತಾಯಿಗೆ ಇರಿದು ಪರಾರಿಯಾಗಿದ್ದಾಳೆ.‌‌

ಮಗಳು ಹಾಗೂ ಆಕೆಯ ಪ್ರೇಮಿಯಿಂದ ಇರಿತಕ್ಕೆ ಒಳಗಾದ ತಾಯಿಯನ್ನು ಹುಬ್ಬಳ್ಳಿಯ ಕಿಮ್ಸ್ ಆಸ್ಪತ್ರೆಯಲ್ಲಿ ಚಿಕಿತ್ಸೆಗಾಗಿ ದಾಖಲಿಸಲಾಗಿದೆ. ಕಳೆದ ವರ್ಷ ಇದೇ ಬಾಲಕಿ ವಿಚಾರವಾಗಿ ಪ್ರೇಮಿ ಜೈಲು ಸೇರಿದ್ದನು ಎನ್ನಲಾಗಿದೆ. ಪೋಕ್ಸೊ ಕಾಯ್ದೆ ಅಡಿ ಪರಶುರಾಮ್ ಲಮಾಣಿ ಜೈಲು ಸೇರಿದ್ದರು. ಏಪ್ರಿಲ್​ನಲ್ಲಿ ಜಾಮೀನು ಮೇಲೆ ಬಿಡುಗಡೆಯಾಗಿ ಬಂದಿದ್ದನು.

ಅಪ್ರಾಪ್ತೆಯನ್ನು ಕೂಡಾ ಸಾಂತ್ವನ ಕೇಂದ್ರದಲ್ಲಿ ಇರಿಸಲಾಗಿತ್ತು. ಕಾಲೇಜಿಗೆ ಕಳುಹಿಸಲೆಂದು ತಾಯಿ ಮಗಳನ್ನು ವಾಪಸ್​ ಮನೆಗೆ ಕರೆ ತಂದಿದ್ದರು. ಇದೇ ವೇಳೆ, ಇಬ್ಬರು ಸೇರಿ ತಾಯಿಗೆ ಚಾಕು ಇರಿದಿದ್ದಾರೆ.‌ ಉಪ ನಗರ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಈ ಘಟನೆ ನಡೆದಿದೆ.

ಇದನ್ನೂ ಓದಿ :ಇನ್ನೂ ಮೀಸೆ ಚಿಗುರದ ಯುವಕನಿಂದ ಅಪ್ರಾಪ್ತೆ ಮೇಲೆ ನಿರಂತರ ಅತ್ಯಾಚಾರ!