ಬೆಂಬಿಡದ ಮಳೆ: ಬೆಂಗಳೂರಲ್ಲಿ ತರಕಾರಿ ದರ ಏರಿಕೆ

ಭಾರಿ ಮಳೆ ಹಿನ್ನೆಲೆಯಲ್ಲಿ ನಗರದಲ್ಲಿ ತರಕಾರಿ ದರ ಏರಿಕೆ ಆಗಿದೆ.

ಬೆಂಗಳೂರು: ರಾಜ್ಯದಾದ್ಯಂತ ಬಿಟ್ಟೂ ಬಿಡದೆ ಮಳೆಯಾಗುತ್ತಿದೆ. ಸಾಕಷ್ಟು ಬೆಳೆಗಳು ಮಳೆಗೆ ನಾಶವಾಗಿದ್ದರೆ, ಇನ್ನಷ್ಟು ಕಡೆ ಬೆಳೆದ ಬೆಳೆಗಳನ್ನು ಮಾರುಕಟ್ಟೆಗೆ ತಲುಪಿಸಲಾಗದೆ ಪರದಾಡುವ ಸ್ಥಿತಿ ಉಂಟಾಗಿದೆ.

ಈ ಹಿನ್ನೆಲೆಯಲ್ಲಿ ತರಕಾರಿ ಬೆಲೆಗಳು ಗಗನಕ್ಕೇರಿದ್ದು, ನಗರದಲ್ಲಿ ಗ್ರಾಹಕರ ಜೇಬಿಗೆ ಕತ್ತರಿ ಬೀಳುತ್ತಿದೆ. ಮಳೆ ಕಡಿಮೆಯಾಗುವವರೆಗೂ ದಿನನಿತ್ಯದ ತರಕಾರಿ ಬೆಳೆಗಳ (Vegetable Rate) ಬೆಲೆ ಕೈಸುಡೋದು ಗ್ಯಾರಂಟಿ. ನಗರಕ್ಕೆ ತರಕಾರಿಗಳ ಸರಬರಾಜು ಕಡಿಮೆಯಾಗಿದ್ದು, ಬೆಲೆ ಏರಿಕೆಗೆ ಕಾರಣವಾಗಿದೆ. ಇನ್ನೊಂದೆಡೆ ಬೆಲೆ ಏರಿಕೆಯಿಂದ ಹಾಗೂ ನಿರಂತರ ಮಳೆಯಿಂದಾಗಿ ತಳ್ಳುವ ಗಾಡಿಗಳಲ್ಲಿ ತರಕಾರಿ ಮಾರಾಟವಾಗದೆ ವ್ಯಾಪಾರಿಗಳೂ ನಷ್ಟ ಅನುಭವಿಸುತ್ತಿದ್ದಾರೆ.
ಇದನ್ನೂ ಓದಿ: ರಾಜ್ಯದಲ್ಲಿ ಮುಂದುವರೆದ ವರುಣಾರ್ಭಟ: ಬೆಂಗಳೂರು ಗ್ರಾಮಾಂತರ, ಚಿಕ್ಕಬಳ್ಳಾಪುರ ಶಾಲೆಗಳಿಗೆ 2 ದಿನ ರಜೆ

ಟೊಮೆಟೋ, ಬೀನ್ಸ್, ಕ್ಯಾರೆಟ್, ದಪ್ಪ ಮೆಣಸಿನಕಾಯಿ ಸೇರಿದಂತೆ ಹಲವು ತರಕಾರಿಗಳ ಬೆಲೆಗಳಲ್ಲಿ ಏರಿಕೆಯಾಗಿದೆ.

ಸಾಮಾನ್ಯ ತರಕಾರಿ ಅಂಗಡಿಗಳಲ್ಲಿ ಬೆಲೆ(ಕೆ.ಜಿ/ರೂ,ಗಳಲ್ಲಿ):

ಮೆಣಸಿನಕಾಯಿ	65
ಟೊಮೆಟೋ	64
ಹೀರೇಕಾಯಿ	68
ಬೆಳ್ಳುಳ್ಳಿ	110
ಈರುಳ್ಳಿ	48
ಕ್ಯಾಪ್ಸಿಕಮ್	88
ಬಜ್ಜಿ ಮೆಣಸಿನಕಾಯಿ	65
ಬೆಂಡೆಕಾಯಿ	65
ಕ್ಯಾಬೆಜ್	68
ಬದನೆ	65
ಬೀನ್ಸ್	80
ಕ್ಯಾರೆಟ್	78
ಹಾಗಲಕಾಯಿ	48

ಈ ದರಗಳು ಮಳಿಗೆಯಿಂದ ಮಳಿಗೆಗೆ, ಹಾಗೂ ತಳ್ಳುವಗಾಡಿಗಳಲ್ಲಿ ಒಂದು ಪ್ರದೇಶದಿಂದ ಇನ್ನೊಂದು ಕಡೆಗಳಲ್ಲಿ ಬೆಲೆಯಲ್ಲಿ ವ್ಯತ್ಯಾಸಗಳಿವೆ.

ಹಾಪ್ ಕಾಮ್ಸ್ ದರಗಳು (ಕೆ.ಜಿ/ರೂ,ಗಳಲ್ಲಿ)

	ಈಗಿನ ದರ	ಕಳೆದ ತಿಂಗಳು
ಬಿಳಿಬದನೆ	92	51
ನುಗ್ಗೆಕಾಯಿ	240	140
ಗುಂಡು ಬದನೆ	56	43
ಕ್ಯಾಪ್ಸಿಕಮ್	135	60
ಬೆಂಡೆಕಾಯಿ	80	52
ಕ್ಯಾರೆಟ್	80	81
ಹಸಿ ಮೆಣಸಿನಕಾಯಿ	55	40
ಮೂಲಂಗಿ	64	53
ಹೀರೇಕಾಯಿ	87	56
ಟೊಮೆಟೋ	67	40
ಹೂಕೋಸು	60	45