ಲಾಕ್​ಡೌನ್ ನಡುವೆಯೂ ಬಾಟಾ ಶೋರೂಂನಲ್ಲಿ ಕಳ್ಳರ ಕರಾಮತ್ತು..

ಸದ್ಯ ಭಾರತಿನಗರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ಪೊಲೀಸರು ಸ್ಥಳಕ್ಕೆ ಭೇಟಿ ನೀಡಿ ತನಿಖೆ ಮುಂದುವರಿಸಿದ್ದಾರೆ.

ಬೆಂಗಳೂರು:ಲಾಕ್​ಡೌನ್ ನಡುವೆಯೂ ಕಳ್ಳರು ಕರಾಮತ್ತು ತೋರಿಸಿರುವ ಘಟನೆ ನಗರದ ಭಾರತೀ ನಗರ ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲಿ ನಡೆದಿದೆ.

‌ಭಾರತಿನಗರ ಠಾಣಾ ವ್ಯಾಪ್ತಿಯ ಬಳಿಯ ಬಾಟಾ ಶೋರೂನಲ್ಲಿ ಕಳ್ಳರು ತಡರಾತ್ರಿ ರಾತ್ರಿ ಎಂಟ್ರಿ ಕೊಟ್ಟು ಬೀಗ ಮುರಿದು ಶೋರೂಂನಲ್ಲಿದ್ದ ಬರೋಬ್ಬರಿ 8 ಲಕ್ಷ ರೂಪಾಯಿ ಮೌಲ್ಯದ ಬ್ರ್ಯಾಂಡೆಡ್ ಚಪ್ಪಲಿಗಳು ಹಾಗೂ ಹಣದ ಪೆಟ್ಟಿಗೆ ಸಮೇತ ಪರಾರಿಯಾಗಿದ್ದಾರೆ.

ಲಾಕರ್​ನಲ್ಲಿ ಹಣ ಇದ್ದು, ಅದನ್ನ ಒಡೆಯಲು‌ ಸಾಧ್ಯವಾಗದೆ ಕೈಗೆ ಸಿಕ್ಕ ಹಣ, ಸಾಮಾನುಗಳನ್ನ ದೋಚಿ ಪರಾರಿಯಾಗಿದ್ದಾರೆ. ಸದ್ಯ ಭಾರತಿನಗರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ಪೊಲೀಸರು ಸ್ಥಳಕ್ಕೆ ಭೇಟಿ ನೀಡಿ ತನಿಖೆ ಮುಂದುವರಿಸಿದ್ದಾರೆ.