ಬೆಂಗಳೂರು: ನಗರದಲ್ಲಿ ಕಳೆದ ನ.15ರಂದು ಹೆಂಡತಿ ಚುಡಾಯಿಸಿದ ಆರೋಪ ವಿಚಾರಕ್ಕೆ ಸಂಬಂಧಿಸಿದಂತೆ ವ್ಯಕ್ತಿಯೊಬ್ಬರ ಮೇಲೆ ಹಲ್ಲೆ ನಡೆದಿದೆ. ಯತೀಶ್ ಹಲ್ಲೆಗೊಳಗಾದವರು. ವಾಸು ಹಲ್ಲೆ ಮಾಡಿದ ಆರೋಪಿ.
ಈ ಬಗ್ಗೆ ಪೊಲೀಸ್ ಠಾಣೆಯಲ್ಲಿ ಯತೀಶ್ ಮತ್ತು ವಾಸು ಇಬ್ಬರು ದೂರು- ಪ್ರತಿದೂರು ನೀಡಿದ್ದಾರೆ. ಈ ಸಂಬಂಧ ಕೆಂಪೇಗೌಡ ನಗರ ಪೊಲೀಸ್ ಠಾಣೆಯಲ್ಲಿ 2 ಎಫ್.ಐ.ಆರ್ ದಾಖಲಾಗಿವೆ.
ಒಂದೇ ಕಂಪನಿಯಲ್ಲಿ ಕೆಲಸ:
ಯತೀಶ್ ಕಂಪನಿಯೊಂದರ ಸೆಕ್ಯೂರಿಟಿ ಗಾರ್ಡ್ ಆಗಿದ್ದ. ಅದೇ ಕಂಪನಿಯಲ್ಲಿ ವಾಸು ಪತ್ನಿ ಕೆಲಸ ಮಾಡುತ್ತಿದ್ದಳು. ವಾಸು ಪತ್ನಿಗೆ ಚುಡಾಯಿಸಿದ್ದ ಎನ್ನುವ ವಿಚಾರಕ್ಕೆ ಯತೀಶ್ ಜೊತೆ ಜಗಳ ತೆಗೆದು ಮನಸೋಇಚ್ಛೆ ಹಲ್ಲೆ ನಡೆಸಿದ್ದಾರೆ ಎಂದು ಹಿರಿಯ ಪೊಲೀಸ್ ಅಧಿಕಾರಿಗಳು ತಿಳಿಸಿದ್ದಾರೆ.
ಎರಡೆರಡು ಎಫ್ಐಆರ್:
ಈ ವಿಚಾರವಾಗಿ ಹಲ್ಲೆಗೊಳಗಾದವನಿಂದ ಮೊದಲು ಪೊಲೀಸ್ ಠಾಣೆಗೆ ದೂರು ಬಂದಿತ್ತು. ವಾಸು ಮಾರಣಾಂತಿಕ ಹಲ್ಲೆ ನಡೆಸಿದ ಸಂಬಂಧ ಯತೀಶ್ ದೂರು ನೀಡಿದ್ದ. ನಂತರ ತನ್ನ ಪತ್ನಿ ಚುಡಾಯಿಸಿದ ವಿಚಾರವಾಗಿ ಯತೀಶ್ ವಿರುದ್ಧ ವಾಸು ದೂರು ನೀಡಿದ್ದ. ದೂರು ಪ್ರತಿ ದೂರುಗಳ ಸಂಬಂಧ ಎರಡು ಎಫ್ಐಆರ್ ದಾಖಲಾಗಿವೆ ಎಂದು ತಿಳಿದು ಬಂದಿದೆ.
ಇದನ್ನೂ ಓದಿ:ಕೌಂಟುಬಿಕ ಕಲಹ: ರಾಮನಗರದಲ್ಲಿ ಚಾಕುವಿನಿಂದ ಇರಿದು ಪತ್ನಿಯನ್ನೇ ಕೊಂದ ಪತಿ
TAGGED:
ಹೆಂಡತಿ ಚುಡಾಯಿಸಿದ ಆರೋಪ