ಡೇಟಿಂಗ್ ವೆಬ್‌ಸೈಟ್​ನಲ್ಲಿ ಕಾಲ್‌ಗರ್ಲ್​​ಗೆ ಕರೆ ಮಾಡಿ 19 ಸಾವಿರ ರೂ. ಕಳೆದುಕೊಂಡ ಚಾಲಕ

ಯಲಹಂಕದಲ್ಲಿ ಚಾಲಕ ವೃತ್ತಿ ಮಾಡುತ್ತಿರುವ ವ್ಯಕ್ತಿಯೋರ್ವ ಡೇಟಿಂಗ್ ವೆಬ್‌ಸೈಟ್​ನಲ್ಲಿ ಕಾಲ್‌ ಗರ್ಲ್​​ಗೆ ಕರೆ ಮಾಡಿ ಹಣ ಕಳುಹಿಸಿ ವಂಚನೆಗೀಡಾಗಿದ್ದಾನೆ.

ಯಲಹಂಕ: ಡೇಟಿಂಗ್ ವೆಬ್‌ಸೈಟ್​ನಲ್ಲಿ ಕಾಲ್ ಗರ್ಲ್​​​ಗೆ ಫೋನ್ ಮಾಡಿದ ಚಾಲಕನೋರ್ವ ಆಕೆಯ ಬಣ್ಣದ ಮಾತುಗಳಿಗೆ ಮರುಳಾಗಿ 19 ಸಾವಿರ ರೂಪಾಯಿ ಕಳೆದುಕೊಂಡಿದ್ದಾನೆ.

ಯಲಹಂಕದಲ್ಲಿ ಚಾಲಕ ವೃತ್ತಿ ಮಾಡುತ್ತಿರುವ ಸುರೇಶ್ (ಹೆಸರು ಬದಲಾಯಿಸಲಾಗಿದೆ) ಡೇಟಿಂಗ್ ವೆಬ್‌ಸೈಟ್ ನೋಡುವಾಗ ಕಾಲ್ ಗರ್ಲ್ ನಂಬರ್ ಸಿಕ್ಕಿ ಚಾಟ್ ಮಾಡಿದ್ದಾನೆ. ಆಕೆ ಮಾದಕ ಫೋಟೋಗಳನ್ನು ಕಳುಹಿಸಿದ್ದಾಳೆ. ಚಾಲಕ ಒಂದು ರಾತ್ರಿಗೆ ಹುಡುಗಿಯನ್ನು ಬುಕ್ ಮಾಡಿದ್ದಾನೆ.

ಫೋನ್ ಪೇ ಮೂಲಕ 5 ಸಾವಿರ ರೂ. ಹಣವನ್ನೂ ಕಳುಹಿಸಿದ್ದಾನೆ. ಮತ್ತೆ ಕರೆ ಮಾಡಿದ ಕಾಲ್ ಗರ್ಲ್ ಯಲಹಂಕದಲ್ಲಿನ ಹೊಟೇಲ್ ಬಳಿಗೆ ಬರುವಂತೆ ಸೂಚಿಸಿದ್ದಳು. ಹೊಟೇಲ್ ಬಳಿಗೆ ಬರಲು ತನಗೆ ಸೆಕ್ಯೂರಿಟಿ ಬೇಕಿದ್ದು, ಸೆಕ್ಯೂರಿಟಿಗಾಗಿ 4,500 ರೂ. ಪಾವತಿಸುವಂತೆ ಹೇಳಿದ್ದಾಳೆ. ಮತ್ತೆ 4,500 ರೂಪಾಯಿಯನ್ನು ಫೋನ್ ಪೇ ಮೂಲಕ ಕಳುಹಿಸಿದ್ದಾನೆ. ಹಣ ಕ್ರೆಡಿಟ್ ಆದ ನಂತರ ಮತ್ತೆ ಕರೆ ಮಾಡಿದ ಕಾಲ್ ಗರ್ಲ್ ನಿಮಗೆ ಸೆಕ್ಯೂರಿಟಿ ನೀಡಲು 4,500 ಪಾವತಿಸುವಂತೆ ಹೇಳಿದ್ದಾಳೆ. ಅವಳ ಮಾತು ನಂಬಿ ಮತ್ತೆ 4,500 ರೂಪಾಯಿ ಫೋನ್​​ ಪೇ ಮೂಲಕ ಕಳುಹಿಸಿದ್ದಾನೆ.

ಇದನ್ನೂ ಓದಿ:ರಾಜ್ಯದ ಇತಿಹಾಸದಲ್ಲೇ ಇದೇ ಮೊದಲು: ಬೆಂಗಳೂರಿನಲ್ಲಿ ಡ್ರಗ್ಸ್ ಫ್ಯಾಕ್ಟರಿ 'ಛೇದಿ'ಸಿದ ಪೊಲೀಸರು

ಕೆಲವೇ ಕ್ಷಣಗಳಲ್ಲಿ ಮತ್ತೆ ಫೋನ್ ಮಾಡಿದ ಕಾಲ್ ಗರ್ಲ್ 5,000 ಸಾವಿರ ಹಣ ಪಾವತಿಸಿ ಒಟಿಪಿ ಕಳಿಸಲಾಗುವುದು, 10 ಸಾವಿರ ಹಣ ಹಿಂದುರುಗಿಸುವ ಭರವಸೆ ನೀಡಿದ್ದಾಳೆ. ಅವಳ ಮಾತು ನಂಬಿ ಮತ್ತೆ 5 ಸಾವಿರ ರೂ. ಹಣವನ್ನು ಫೋನ್ ಪೇ ಮೂಲಕ ಪಾವತಿ ಮಾಡಿದ್ದಾನೆ. 19 ಸಾವಿರ ಹಣ ಕೊಟ್ಟರೂ ಹುಡುಗಿ ಬರೆದಿದ್ದಾಗ ಮೋಸಕ್ಕೆ ಒಳಗಾಗಿರುವುದು ಚಾಲಕನ ಅರಿವಿಗೆ ಬಂದಿದೆ. ಮತ್ತೆ ಅದೇ ನಂಬರ್​​ಗೆ ಫೋನ್ ಮಾಡಿ ಪೊಲೀಸರಿಗೆ ದೂರು ನೀಡುವುದಾಗಿ ಹೇಳಿದಾಗ ಆಕೆ ಅತ್ಯಾಚಾರದ ಕೇಸ್ ದಾಖಲು ಮಾಡುವ ಬೇದರಿಕೆ ಹಾಕಿದ್ದಾಳೆ.

ಈ ಬಗ್ಗೆ ಯಾವುದೇ ದೂರು ದಾಖಲಾಗಿಲ್ಲ.