ವಾಷಿಂಗ್ಟನ್:ಅಮೆರಿಕ ವಿದೇಶ ವ್ಯಾಪಾರದಲ್ಲಿ ಭಾರತಕ್ಕೆ ನೀಡಿದ್ದ ಆದ್ಯತಾ ವ್ಯಾಪಾರ ಒಪ್ಪಂದದ ಅನುಕೂಲತೆ ಜೂನ್ 5ಕ್ಕೆ ಕೊನೆಗೊಳ್ಳಲಿದೆ.
ಭಾರತಕ್ಕೆ ನೀಡಲಾಗಿರುವ ಸಾಮಾನ್ಯ ಆದ್ಯತಾ ಕಾರ್ಯಕ್ರಮವನ್ನು (ಜಿಎಸ್ಪಿ) ಜೂನ್ 5ರಿಂದ ಹಿಂದಕ್ಕೆ ಪಡೆಯಲಾಗುತ್ತಿದೆ ಎಂದು ಶ್ವೇತಭವನ ಪ್ರಕಟಣೆಯಲ್ಲಿ ತಿಳಿಸಿದೆ.
ವಾಷಿಂಗ್ಟನ್:ಅಮೆರಿಕ ವಿದೇಶ ವ್ಯಾಪಾರದಲ್ಲಿ ಭಾರತಕ್ಕೆ ನೀಡಿದ್ದ ಆದ್ಯತಾ ವ್ಯಾಪಾರ ಒಪ್ಪಂದದ ಅನುಕೂಲತೆ ಜೂನ್ 5ಕ್ಕೆ ಕೊನೆಗೊಳ್ಳಲಿದೆ.
ಭಾರತಕ್ಕೆ ನೀಡಲಾಗಿರುವ ಸಾಮಾನ್ಯ ಆದ್ಯತಾ ಕಾರ್ಯಕ್ರಮವನ್ನು (ಜಿಎಸ್ಪಿ) ಜೂನ್ 5ರಿಂದ ಹಿಂದಕ್ಕೆ ಪಡೆಯಲಾಗುತ್ತಿದೆ ಎಂದು ಶ್ವೇತಭವನ ಪ್ರಕಟಣೆಯಲ್ಲಿ ತಿಳಿಸಿದೆ.
ಜಿಎಸ್ಪಿ ಅಮೆರಿಕದ ಬೃಹತ್ ಹಾಗೂ ಹಳೆಯ ವಾಣಿಜ್ಯ ವಹಿವಾಟು ವ್ಯವಸ್ಥೆಯಾಗಿದ್ದು, ಆಯ್ದ ಕೆಲವು ರಾಷ್ಟ್ರಗಳಿಗೆ ಮಾತ್ರವೇ ಸುಂಕರಹಿತವಾಗಿ ಸಾವಿರಾರು ಸರಕು ಮತ್ತು ಉತ್ಪನ್ನಗಳನ್ನು ಆಮದು ಮಾಡಿಕೊಳ್ಳಲಾಗುತ್ತದೆ. ಅಧ್ಯಕ್ಷ ಡೊನಾಲ್ಡ್ ಟ್ರಂಪ್, ಭಾರತಕ್ಕೆ ನೀಡಿದ್ದ ಜಿಎಸ್ಪಿ ಸ್ಥಾನ ಸ್ಥಗಿತಗೊಳಿಸಲು ಮಾರ್ಚ್ 4ರಂದು ನಿರ್ಧರಿಸಿದ್ದರು. ಇದು ಜೂನ್ 5ಕ್ಕೆ ಅಧಿಕೃತವಾಗಿ ಜಾರಿಗೆ ಬರುತ್ತಿದೆ.
ಭಾರತವು ತನ್ನ ಮಾರುಕಟ್ಟೆಯಲ್ಲಿ ಅಮೆರಿಕದ ಸರಕುಗಳಿಗೆ ನ್ಯಾಯಯುತವಾದ ಪ್ರವೇಶ ಒದಗಿಸುವ ಭರವಸೆ ನೀಡಲಿಲ್ಲ. ಹೀಗಾಗಿ, ಈ ನಿರ್ಧಾರಕ್ಕೆ ಬರಲಾಗಿದೆ ಎಂದು ಟ್ರಂಪ್ ಹೇಳಿದ್ದಾರೆ.
ಭಾರತದ ಜೊತೆಗೆ ಜನರಲೈಸ್ಡ್ ಸಿಸ್ಟಂ ಆಫ್ ಪ್ರಿಫರೆನ್ಸ್ ಅನ್ನು ಅಮಾನತುಗೊಳಿಸುವ ಒಪ್ಪಂದ ಮಾನ್ಯಗೊಂಡಿದೆ. ಒಂದು ವೇಳೆ ಭಾರತ ನಮ್ಮ ಸರಕು ಮತ್ತು ಉತ್ಪನ್ನಗಳಿಗೆ ಆದ್ಯತೆ ನೀಡಿದ್ದೇ ಆದಲ್ಲಿ ಮತ್ತೆ ಜಿಎಸ್ಪಿ ಅನ್ನು ಪುನರಾರಂಭಿಸುತ್ತೇವೆ. ಭಾರತದ ಸರಕುಗಳಿಗೆ ಮುಕ್ತ ಮಾರುಕಟ್ಟೆ ಪ್ರವೇಶಿಸುವ ಭರವಸೆಯನ್ನು ಇಲ್ಲಿನ ಹಿರಿಯ ಅಧಿಕಾರಿಗಳು ನೀಡಿದ್ದಾರೆ..