ನವದೆಹಲಿ:ಮಂದಗತಿಯ ಆರ್ಥಿಕತೆಯ ಪರಿಣಾಮ ಆಟೋಮೊಬೈಲ್ ಉದ್ಯಮದ ಬೆಳವಣಿಗೆ ಕುಸಿತಕ್ಕೆ ಓಲಾ, ಉಬರ್ ಕಾರಣವೆಂದು ಹೇಳಿಕೆ ನೀಡಿ ನೆಟ್ಟಿಗರ ಆಕ್ರೋಶಕ್ಕೆ ಗುರಿಯಾಗಿದ್ದ ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ ಅವರ ಬೆನ್ನಲ್ಲೇ ಕೇಂದ್ರ ಸಚಿವ ಪೀಯೂಷ್ ಗೋಯಲ್ ಸಾಮಾಜಿಕ ಜಾಲತಾಣದಲ್ಲಿ ಟ್ರೋಲ್ ಆಗುತ್ತಿದ್ದಾರೆ.
ದೆಹಲಿಯ ವಾಣಿಜ್ಯ ಮಂಡಳಿಯ ಸಭೆಯ ನಂತರ ಸುದ್ದಿಗಾರರೊಂದಿಗೆ ಮಾತನಾಡಿದ ಗೋಯಲ್, ಟಿವಿಯಲ್ಲಿ ಕಂಡುಬರುವ ಲೆಕ್ಕಾಚಾರಕ್ಕೆ ಗಮನ ಕೊಡದಂತೆ ಜನರಿಗೆ ಸಲಹೆ ನೀಡಿದರು. ನೀವು 5 ಟ್ರಿಲಿಯನ್ ಡಾಲರ್ ಆರ್ಥಿಕತೆಯತ್ತ ನೋಡುತ್ತಿದ್ದರೆ. ದೇಶವು ಶೇ 12ರಷ್ಟು ಬೆಳವಣಿಗೆ ದರದಲ್ಲಿ ಸಾಗಬೇಕಾಗುತ್ತದೆ. ಇಂದು ಅದು ಶೇ 6 ರಷ್ಟಿದೆ ಎಂದು ಹೇಳಿದ್ದರು.