ಲಂಡನ್: ಸತತ ಎರಡು ಪಂದ್ಯ ಸೋಲನುಭವಿಸುವ ಮೂಲಕ ಅಂಕಪಟ್ಟಿಯಲ್ಲಿ ಕೊನೆಯ ಸ್ಥಾನದಲ್ಲಿರುವ ದ.ಆಫ್ರಿಕಾ ತಂಡಕ್ಕೆ ಇದೀಗ ಸ್ಟಾರ್ ಬೌಲರ್ ಲುಂಗಿ ಎಂಗಿಡಿ ಕೂಡ ಗಾಯಗೊಂಡಿರುವುದು ಆಘಾತ ತಂದಿದೆ.
ಮೊದಲ ಪಂದ್ಯದಲ್ಲೇ 104 ರನ್ಗಳಿಂದ ಸೋಲನುಭವಿಸಿದ ಹರಿಣ ಪಡೆ ಎರಡನೇ ಪಂದ್ಯದಲ್ಲಿ ಬಾಂಗ್ಲಾದೇಶದ ವಿರುದ್ಧ 21 ರನ್ಗಳಿಂದ ಸೋಲನುಭವಿಸಿದೆ. ಈಗಾಗಲೆ ಆಮ್ಲಾ, ಡ್ವೇನ್ ಸ್ಟೈನ್ ಗಾಯಗೊಂಡು ತಂಡಕ್ಕೆ ಹಿನ್ನಡೆಯಾಗಿತ್ತು. ಇದೀಗ ಎಂಗಿಡಿ ಗಾಯಗೊಂಡಿದ್ದು ಒಂದು ವಾರ ಅಥವಾ 10 ದಿನಗಳ ಕಾಲ ವಿಶ್ರಾಂತಿ ಪಡೆಯಬೇಕಿದೆ ಎಂಬ ಮಾಹಿತಿಯಿದ್ದು, ಈ ಸುದ್ದಿ ಡು ಪ್ಲೆಸಿಸ್ ಪಡೆಯನ್ನು ಕಂಗಾಲಾಗಿಸಿದೆ.