ಕ್ಯಾನ್ಸರ್​ಗೆ ಪಾಕಿಸ್ತಾನ ಕ್ರಿಕೆಟರ್​​​ ಆಸಿಫ್​​ ಅಲಿಯ 2 ವರ್ಷದ ಪುತ್ರಿ ಬಲಿ

4ನೇ ಸ್ಟೇಜ್​ ಕ್ಯಾನ್ಸರ್​ನಿಂದ ಬಳಲುತ್ತಿದ್ದ ಅಲಿಯ 2 ವರ್ಷದ ಪುತ್ರಿ ನೂರ್​ ಫಾತಿಮಾ ಇಂದು ಯುನೈಟೆಡ್ ಸ್ಟೇಟ್ಸ್‌ನ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಫಲಿಸದೆ ಸಾವನ್ನಪ್ಪಿದ್ದಾಳೆ. ಇಂಗ್ಲೆಂಡ್​ ಪ್ರವಾಸದಲ್ಲಿದ್ದ ಆಸಿಫ್​ ಮಗಳು ಸಾವನ್ನಪ್ಪಿರುವ ಸುದ್ದಿ ತಿಳಿದು ಪ್ರವಾಸವನ್ನು ಮೊಟಕುಗೊಳಿಸಿ ತವರಿಗೆ ಮರಳಿದ್ದಾರೆ.

ವಾಷಿಂಗ್ಟನ್: ಇಂಗ್ಲೆಂಡ್​ ವಿರುದ್ಧ ಕೊನೆಯ ಏಕದಿನ ಪಂದ್ಯದಲ್ಲಿ ಸೋಲನಭವಿಸಿದ್ದ ಪಾಕಿಸ್ತಾನದ ತಂಡದ ಭಾಗವಾಗಿದ್ದ ಮಧ್ಯಮ ಕ್ರಮಾಂಕದ ಬ್ಯಾಟ್ಸಮನ್​ ಆಸಿಫ್​ ಅಲಿ ಪುತ್ರಿ ಕ್ಯಾನ್ಸರ್​ಗೆ ಬಲಿಯಾಗಿದ್ದಾಳೆ.

4ನೇ ಸ್ಟೇಜ್​ ಕ್ಯಾನ್ಸರ್​ನಿಂದ ಬಳಲುತ್ತಿದ್ದ ಅಲಿಯ 2 ವರ್ಷದ ಪುತ್ರಿ ನೂರ್​ ಫಾತಿಮಾ ಇಂದು ಯುನೈಟೆಡ್ ಸ್ಟೇಟ್ಸ್‌ನ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಫಲಿಸದೆ ಸಾವನ್ನಪ್ಪಿದ್ದಾಳೆ. ಇಂಗ್ಲೆಂಡ್​ ಪ್ರವಾಸದಲ್ಲಿದ್ದ ಆಸಿಫ್,​ ಮಗಳು ಸಾವನ್ನಪ್ಪಿರುವ ಸುದ್ದಿ ತಿಳಿದು ಪ್ರವಾಸವನ್ನು ಮೊಟಕುಗೊಳಿಸಿ ತವರಿಗೆ ಮರಳಿದ್ದಾರೆ.

ನೂರ್​ ಫಾತಿಮಾ ಸಾವನ್ನಪ್ಪಿರುವ ವಿಚಾರವನ್ನು ಪಾಕಿಸ್ತಾನ್‌ ಸೂಪರ್‌ ಲೀಗ್‌ನಲ್ಲಿ ಆಸಿಫ್ ಅಲಿ ಪ್ರತಿನಿಧಿಸುವ ಇಸ್ಲಾಮಾಬಾದ್ ಯುನೈಟೆಡ್ ತಂಡ ತನ್ನ ಅಧಿಕೃತ ಟ್ವಿಟರ್ ಖಾತೆಯಲ್ಲಿ ಆಸಿಫ್ ಮಗಳ ಸಾವಿರ ವಿಚಾರವನ್ನು ತಿಳಿಸಿ ಸಂತಾಪ ಸೂಚಿಸಿದೆ.

ನಿನ್ನೆ ಮುಕ್ತಾಯಗೊಂಡ ಇಂಗ್ಲೆಂಡ್ ವಿರುದ್ಧದ ಸರಣಿಯಲ್ಲಿ ಅಲಿ 22 ರನ್ ​ಗಳಿಸಿದ್ದರು. ಮೊದಲೆರಡು ಪಂದ್ಯಗಳಲ್ಲಿ 51, 52 ರನ್ ಬಾರಿಸಿದ್ದರು. ಉತ್ತಮ ಪ್ರದರ್ಶನ ತೋರಿದರೂ ಈ ಸ್ಫೋಟಕ ಆಟಗಾರನಿಗೆ ಪಾಕಿಸ್ತಾನ ಆಯ್ಕೆ ಸಮಿತಿ ವಿಶ್ವಕಪ್ ತಂಡಕ್ಕೆ ಆಯ್ಕೆ ಮಾಡಿರಲಿಲ್ಲ.