ಬಾಲಿವುಡ್​ನಲ್ಲಿ ಮಿಂಚಲಿದ್ದಾರಂತೆ ಟೀಮ್​ ಇಂಡಿಯಾ ಕ್ರಿಕೆಟರ್​: ಸುಳಿವು ನೀಡಿದ ರೋಹಿತ್

ವಿಶ್ವಕಪ್​ನಲ್ಲಿ ಅವಕಾಶಗಿಟ್ಟಿಸಿಕೊಂಡಿರುವ ಜಾಧವ್​ಗೆ ಸಿನಿಮಾ ಆಫರ್​ ಸಿಕ್ಕಿರುವುದರಿಂದ ಒಂದೇ ವರ್ಷದಲ್ಲಿ ಅದೃಷ್ಟ ಎರಡು ಕಡೆ ಹುಡುಕಿಕೊಂಡು ಮನೆಬಾಗಿಲಿಗೆ ಬಂದಾಂತಾಗಿದೆ.​

ಮುಂಬೈ: ಭಾರತ ತಂಡದ ಪರ ವಿಶ್ವಕಪ್​ನಲ್ಲಿ ಕಾಣಿಸಿಕೊಳ್ಳುತ್ತಿರುವ ಕೇದಾರ್​ ಜಾಧವ್​ಗೆ ಬಾಲಿವುಡ್​ನಲ್ಲಿ ಆಭಿನಯಿಸುವ ಅವಕಾಶ ಪಡೆದುಕೊಂಡಿದ್ದಾರಂತೆ.

ಮೊದಲ ಅಭ್ಯಾಸ ಪಂದ್ಯದ ನಂತರ ರೋಹಿತ್​ ಶರ್ಮಾ, ಜಡೇಜಾ ಹಾಗೂ ಕೇದಾರ್​ ಒಟ್ಟಿಗೆ ಪ್ರಯಾಣ ಮಾಡುವಾಗ ಉಪನಾಯಕ ರೋಹಿತ್​ ಲೈವ್​ ವಿಡಿಯೋ ಮಾಡುತ್ತಾ ಕಿವೀಸ್​ ವಿರುದ್ಧದ ಪಂದ್ಯದಲ್ಲಿ ಅರ್ಧಶತಕ ಸಿಡಿಸಿದ್ದ ಜಡೇಜಾರಿಗೆ ಮೊದಲು ಶುಭ ಕೋರಿದರು. ನಂತರ ಜೊತೆಯಲ್ಲಿದ್ದ ಕೇದಾರ ಜಾಧವ್​ರನ್ನು ಬಾಲಿವುಡ್​ನ ರೇಸ್ -​4 ನ ಸಿನಿಮಾದಿಂದ ಆಫರ್​ ಬಂದಿರುವ ಬಗ್ಗೆ ಪ್ರಶ್ನಿಸಿದರು.

ಸಲ್ಮಾನ್​ ಖಾನ್​ ಜೊತೆ ಕೇದಾರ್​ ಜಾಧವ್​

ಈ ಪ್ರಶ್ನೆಗೆ ಜಾಧವ್​ ಹೌದು ಎಂಬ ಉತ್ತರ ನೀಡಿದರು. ಆದರೆ, ಇನ್ನೂ ಸಿನಿಮಾ ಮಾತುಕತೆ ಹಂತದಲ್ಲಿದೆ ಎಂದರು. ಸಲ್ಮಾನ್​ಖಾನ್​ ಅಭಿನಯಿಸಿದ ರೇಸ್​ -3 ನಂತರದ ಭಾಗವಾದ ರೇಸ್​ 4ನಲ್ಲಿ ನಲ್ಲಿ ಜಾಧವ್​ ಅಭಿನಯಿಸುವ ಸಾಧ್ಯತೆಯಿದೆ.

ವಿಶ್ವಕಪ್​ನಲ್ಲಿ ಅವಕಾಶಗಿಟ್ಟಿಸಿಕೊಂಡಿರುವ ಜಾಧವ್​ಗೆ ಸಿನಿಮಾ ಆಫರ್​ ಸಿಕ್ಕಿರುವುದರಿಂದ ಒಂದೇ ವರ್ಷದಲ್ಲಿ ಎರಡು ಕಡೆ ಅದೃಷ್ಟ ಹುಡುಕಿಕೊಂಡು ಮನೆಬಾಗಿಲಿಗೆ ಬಂದಾಂತಾಗಿದೆ.​