ಹೈದರಾಬಾದ್: ಈ ಬಾರಿಯ ಐಪಿಎಲ್ನಲ್ಲಿ ರೋಚಕ ಸೋಲು ಅನುಭವಿಸಿದ ಬಳಿಕ ಮುಂದಿನ ಆವೃತ್ತಿ ಬಗ್ಗೆ ಚೆನ್ನೈ ಸೂಪರ್ ಕಿಂಗ್ಸ್ ಕೋಚ್ ಸ್ಟೀಫನ್ ಫ್ಲೆಮಿಂಗ್ ಮಾತನಾಡಿದ್ದಾರೆ.
"ಒಂದು ತಂಡದಲ್ಲಿನ ಆಟಗಾರರ ಗರಿಷ್ಠ ವಯಸ್ಸು 34 ಆಗಿರುತ್ತದೆ. ಆದರೆ ನಮ್ಮ ತಂಡ ಕಳೆದ ಆವೃತ್ತಿಯಲ್ಲಿ ಚಾಂಪಿಯನ್ ಆಗಿ ಹೊರಹೊಮ್ಮಿತ್ತು. ಈ ಬಾರಿ ರನ್ನರ್ ಅಪ್ ಆಗಿದೆ. ಇದು ನಿಜಕ್ಕೂ ಆಶಾದಾಯಕ ವಿಚಾರ."
ಹೆಚ್ಚಿನ ಓದಿಗಾಗಿ:
ಮುಂಬೈಕರ್‌ ರೋ'ಹಿಟ್‌' 4 ಅಲ್ಲ, 5 ಬಾರಿ IPL ಚಾಂಪಿಯನ್.. ಅದು ಹೀಗೆ!
"ಫಲಿತಾಂಶ ಹಾಗೂ ಸಂಪೂರ್ಣ ಆವೃತ್ತಿಯ ವಿಮರ್ಶೆಗೆ ಕೆಲ ಸಮಯದ ಅಗತ್ಯವಿದೆ. ಒಂದು ಆವೃತ್ತಿಯಲ್ಲಿ ಚಾಂಪಿಯನ್ ಆಗಿ ನಂತರದ ಸೀಸನ್ನಲ್ಲಿ ರನ್ನರ್ ಅಪ್ ಆಗಿದ್ದರೆ ಅದು ಅತ್ಯುತ್ತಮ ವಿಚಾರ."
"ಇವೆಲ್ಲದರ ಹೊರತಾಗಿ ಚೆನ್ನೈ ಬಹುತೇಕ ಹಿರಿಯ ಆಟಗಾರರ ತಂಡ ಎನ್ನುವುದನ್ನು ಒಪ್ಪಿಕೊಳ್ಳಬೇಕು. ತಂಡವನ್ನು ಸಂಪೂರ್ಣವಾಗಿ ಮರು ನಿರ್ಮಾಣ ಮಾಡಬೇಕಾದ ಕಾಲಘಟ್ಟದಲ್ಲಿದ್ದೇವೆ."
"ನಾಯಕ ಎಂ.ಎಸ್.ಧೋನಿ ವಿಶ್ವಕಪ್ನಿಂದ ಮರಳಿದ ಬಳಿಕ ಹೊಸ ಚೆನ್ನೈ ತಂಡದ ರೂಪುರೇಷೆ ಸಿದ್ಧಪಡಿಸಲಾಗುತ್ತದೆ." ಉಳಿದ ತಂಡಗಳು ಹೇಗೆ ಹೊಸ ಮುಖಗಳಿಗೆ ಮಣೆ ಹಾಕಿದೆಯೋ ಚೆನ್ನೈ ಸಹ ಅದೇ ಹಾದಿ ಹಿಡಿಯುವ ಸೂಚನೆಯನ್ನು ಫ್ಲೆಮಿಂಗ್ ವ್ಯಕ್ತಪಡಿಸಿದ್ದಾರೆ.
ಹೆಚ್ಚಿನ ಓದಿಗಾಗಿ:
ಔಟ್..ನಾಟೌಟ್..! ನೆಟ್ಟಿಗರ ತಲೆಕೆಡಿಸಿದ ಧೋನಿ ರನೌಟ್..!
"ಧೋನಿ ವಿಶ್ವಕಪ್ ವೇಳೆ ಉಳಿದ ತಂಡ ಪ್ರತಿಭಾನ್ವಿತ ಆಟಗಾರರನ್ನು ಗಮನಿಸಲಿದ್ದಾರೆ. ಒಂದು ಸಮತೋಲಿತ ತಂಡವನ್ನು ಕಟ್ಟುವಲ್ಲಿ ಇದು ಸಹಕಾರಿಯಾಗಲಿದೆ" ಎಂದು ಸಿಎಸ್ಕೆ ಕೋಚ್ ಹೇಳಿದ್ದಾರೆ.
"ನಾಯಕ ಧೋನಿ ರನೌಟ್ ನಿಜಕ್ಕೂ ಪಂದ್ಯದ ಟರ್ನಿಂಗ್ ಪಾಯಿಂಟ್. ಆದರೆ ಪಂದ್ಯ ಕೊನೆಯ ಎಸೆತದ ತನಕ ಬರುತ್ತದೆ ಎನ್ನುವ ಆಲೋಚನೆ ಇರಲಿಲ್ಲ" ಎಂದು ಸ್ಟೀಫನ್ ಫ್ಲೆಮಿಂಗ್ ಹೇಳಿದ್ದಾರೆ.
