ಪಶ್ಚಿಮ ಬಂಗಾಳ: ಪಕ್ಷದ ಚಿಹ್ನೆಗಳೊಂದಿಗೆ ತಯಾರಾಗುತ್ತಿವೆ ಸಿಹಿತಿಂಡಿಗಳು

ಪಶ್ಚಿಮ ಬಂಗಾಳದ ಹೌರಾ ಜಿಲ್ಲೆಯ ಮೂಲದ ಮಿಠಾಯಿ ತಯಾರಕರಾದ ಮಾ ಗಂಧೇಶ್ವರಿ ಸ್ವೀಟ್ಸ್ ಅಂಗಡಿ ಮಾಲೀಕರು, ಪಕ್ಷದ ಚಿಹ್ನೆಗಳೊಂದಿಗೆ ವಿವಿಧ ಬಗೆಯ ಸಿಹಿತಿಂಡಿಗಳನ್ನು ತಯಾರಿಸುತ್ತಿದ್ದಾರೆ.

ಕೋಲ್ಕತ್ತಾ: ಪಶ್ಚಿಮ ಬಂಗಾಳದಲ್ಲಿ ಚುನಾವಣೆ ದಿನಾಂಕ ಘೋಷಣೆಯಾದ ಬೆನ್ನಲ್ಲೇ ವಿವಿಧ ರಾಜಕೀಯ ಪಕ್ಷಗಳಿಂದ ಚುನಾವಣಾ ಪ್ರಚಾರದ ಅಬ್ಬರ ಬಿರುಸುಗೊಂಡಿದೆ.

ಹೌದು, ಪಶ್ಚಿಮ ಬಂಗಾಳದ ಹೌರಾ ಜಿಲ್ಲೆ ಮೂಲದ ಮಿಠಾಯಿ ತಯಾರಕರಾದ ಮಾ ಗಂಧೇಶ್ವರಿ ಸ್ವೀಟ್ಸ್ ಅಂಗಡಿಯವರು, ಪಕ್ಷದ ಚಿಹ್ನೆಗಳನ್ನು ಹೊಂದಿರುವ ವಿವಿಧ ಬಗೆಯ ಸಿಹಿತಿಂಡಿಗಳನ್ನು ತಯಾರಿಸಿದ್ದಾರೆ.

ವಿವಿಧಬಗೆ ಸಿಹಿತಿಂಡಿಗಳು

ವಿವಿಧ ರಾಜಕೀಯ ಪಕ್ಷಗಳ ಚಿಹ್ನೆಗಳ ಬಣ್ಣವನ್ನು ಹೊಂದಿರುವ ಸಿಹಿತಿಂಡಿಗಳನ್ನು ತಯಾರಿಸಲಾಗಿದೆ. ಬಿಜೆಪಿಯ ಕಮಲದ ಚಿಹ್ನೆಯ ಬಣ್ಣವಾದ ಕೇಸರಿಯನ್ನು ಹೊಂದಿರುವ ಸಿಹಿತಿಂಡಿಗಳು, ತೃಣಮೂಲದ ಹಸಿರು ಬಣ್ಣದ "ಜೋರಾ ಘಾಸ್ ಫೂಲ್" ಚಿಹ್ನೆಯನ್ನು ಪ್ರದರ್ಶಿಸುವ ಸಿಹಿತಿಂಡಿ, ಕೆಂಪು ಬಣ್ಣದ "ಸುತ್ತಿಗೆ ಮತ್ತು ಕುಡಗೋಲು" ಅನ್ನು ಹೊಂದಿರುವ ವೈವಿಧ್ಯಮಯ ಸಿಹಿತಿಂಡಿಗಳನ್ನು ತಯಾರಿಸಲಾಗುತ್ತಿದೆ.

ಸ್ವೀಟ್​ಗಳು ಬಂಗಾಳಿ ಸಂಸ್ಕೃತಿಯ ಅವಿಭಾಜ್ಯವಾಗಿವೆ. ಚುನಾವಣೆಯ ಸಮಯದಲ್ಲಿ ಜನರೊಂದಿಗೆ ಉತ್ತಮ ಬಾಂಧವ್ಯವನ್ನು ಹೊಂದಲು ಇವು ಸಹಕಾರಿಯಾಗಬಹುದು. ಆದ್ದರಿಂದ ರಾಜಕೀಯ ಪಕ್ಷಗಳ ಸಂಕೇತಗಳನ್ನು ಹೊಂದಿರುವ ಈ ಬಗೆಯ ಸಿಹಿತಿಂಡಿಗಳು ರಾಜಕೀಯಕ್ಕೆ ತುಂಬಾ ಸಹಕಾರಿ ಎಂದು ನಗರ ಮೂಲದ ವಿಶ್ಲೇಷಕರೊಬ್ಬರು ಹೇಳುತ್ತಾರೆ.

ಖರೀದಿದಾರರು ಸಹ ಈ ರೀತಿಯ ವಿವಿಧ ಬಗೆಯ ಸಿಹಿತಿಂಡಿಗಳನ್ನು ಸ್ವಾಗತಿಸಿದ್ದಾರೆ. ಈ ವಿಶೇಷ ಸಿಹಿತಿಂಡಿಗಳು ನಿಜವಾಗಿಯೂ ಬಾಯಲ್ಲಿ ನೀರೂರಿಸುತ್ತವೆ ಎಂದು ಗ್ರಾಹಕರೊಬ್ಬರು ಹೇಳಿದ್ದಾರೆ.