ವರ್ಷಾಂತ್ಯದಲ್ಲಿ ಅಮೆರಿಕ ಪ್ರವಾಸ ಕೈಗೊಳ್ಳಲಿದ್ದಾರೆ ಪ್ರಧಾನಿ ಮೋದಿ : ವರದಿ

ಈಗಾಗಲೇ ಅಮೆರಿಕ ಅಧ್ಯಕ್ಷ ಜೋ ಬೈಡನ್ ಹಾಗೂ ಪ್ರಧಾನಿ ಮೋದಿ ಎರಡು ಬಾರಿ ವರ್ಚುವಲ್ ಸಭೆಯಲ್ಲಿ ಮುಖಾಮುಖಿಯಾಗಿದ್ದಾರೆ. ಇದೀಗ ಮೋದಿ ಅಮೆರಿಕ ಭೇಟಿ ನೀಡಿದರೆ ಮೊದಲ ಬಾರಿಗೆ ನೇರ ಭೇಟಿ ಮಾಡಿದಂತಾಗುತ್ತದೆ..

ನವದೆಹಲಿ :ಪ್ರಧಾನಿ ನರೇಂದ್ರ ಮೋದಿ ಈ ವರ್ಷದ ಅಂತ್ಯದಲ್ಲಿ ಅಮೆರಿಕ ಪ್ರವಾಸ ಕೈಗೊಳ್ಳಬಹುದು ಎಂದು ಮೂಲಗಳು ತಿಳಿಸಿವೆ. ದೇಶದಲ್ಲಿ ಕೊರೊನಾ ಪ್ರಕರಣಗಳು ಕಡಿಮೆಯಾಗುತ್ತಿರುವ ಬೆನ್ನಲ್ಲೆ ಮೋದಿ ಅಮೆರಿಕ ಪ್ರವಾಸ ಕೈಗೊಳ್ಳಬಹುದು ಎನ್ನಲಾಗಿದೆ. ಆದರೆ, ಈ ಪ್ರವಾಸದ ಸಮಯ ಇನ್ನೂ ನಿಗದಿಯಾಗಬೇಕಿದೆ.

ಇದಕ್ಕೂ ಮೊದಲು 12 ಮತ್ತು 13ರಂದು ನಡೆದ ಜಿ 7ಶೃಂಗಸಭೆಯ ಅಧಿವೇಶನದಲ್ಲಿ ಪ್ರಧಾನಿ ಮೋದಿ ವರ್ಚುವಲ್ ಮೂಲಕ ಹಾಜರಾಗಿದ್ದರು. ಅಲ್ಲದೆ ಕೊರೊನಾ ಹೆಚ್ಚುತ್ತಿರುವ ವೇಳೆ ಜಿ7 ಶೃಂಗಸಭೆಗಾಗಿ ಬ್ರಿಟನ್​ಗೆ ತೆರಳಿರಲಿಲ್ಲ. ಬದಲಿಗೆ ವರ್ಚುವಲ್​​ನಲ್ಲಿ ಭಾಗಿಯಾಗಿದ್ದರು. ಇದೀಗ ಕೊರೊನಾ ಪ್ರಕರಣಗಳು ಕಡಿಮೆಯಾಗುತ್ತಿರುವುದರಿಂದ ಸೆಪ್ಟೆಂಬರ್ ಅಥವಾ ನವೆಂಬರ್​ನಲ್ಲಿ ಪ್ರವಾಸ ಕೈಗೊಳ್ಳಬಹುದು ಎಂದು ವರದಿಯಾಗಿದೆ.

ಈಗಾಗಲೇ ಅಮೆರಿಕ ಅಧ್ಯಕ್ಷ ಜೋ ಬೈಡನ್ ಹಾಗೂ ಪ್ರಧಾನಿ ಮೋದಿ ಎರಡು ಬಾರಿ ವರ್ಚುವಲ್ ಸಭೆಯಲ್ಲಿ ಮುಖಾಮುಖಿಯಾಗಿದ್ದಾರೆ. ಇದೀಗ ಮೋದಿ ಅಮೆರಿಕ ಭೇಟಿ ನೀಡಿದರೆ ಮೊದಲ ಬಾರಿಗೆ ನೇರ ಭೇಟಿ ಮಾಡಿದಂತಾಗುತ್ತದೆ.

ಇದನ್ನೂ ಓದಿ:ಕುತೂಹಲ ಕೆರಳಿಸಿದ ಮೋದಿ ಸಂಪುಟ ಕಸರತ್ತು: ಸುವೇಂದು, ಸಿಂಧಿಯಾಗೆ ಸಿಗುವುದೇ ಕೇಂದ್ರದಲ್ಲಿ ಸ್ಥಾನ?