ತಾಯಿ ಜೊತೆ 'ಸಂಸ್ಕೃತ ಶ್ಲೋಕ' ಹೇಳುವ ನವಜಾತ ಶಿಶು.. ನೆಟ್ಟಿಗರು ಫಿದಾ; ಕಲಿಯುಗದ ಅಭಿಮನ್ಯು ಎಂದ ಜನರು!

ನವಜಾತ ಶಿಶುವೊಂದು ತಾಯಿ ಜೊತೆ ಶ್ಲೋಕ ಹೇಳುತ್ತಿರುವ ವಿಡಿಯೋ ತುಣುಕೊಂದು ಸಿಕ್ಕಾಪಟ್ಟೆ ವೈರಲ್​ ಆಗ್ತಿದೆ.

ಸಾಮಾಜಿಕ ಜಾಲತಾಣಗಳಲ್ಲಿ ಇತ್ತೀಚಿನ ದಿನಗಳಲ್ಲಿ ಒಂದಿಕ್ಕಿಂತ ಒಂದು ಅದ್ಭುತ ವಿಡಿಯೋ ವೈರಲ್​ ಆಗ್ತಿರುತ್ತವೆ. ಸದ್ಯ ಅಂತಹದ್ದೊಂದು ವಿಡಿಯೋ ಇತ್ತೀಚಿನ ದಿನಗಳಲ್ಲಿ ಭಾರಿ ವೈರಲ್​​ ಆಗ್ತಿದೆ. ಇದರಲ್ಲಿ ನವಜಾತ ಶಿಶುವೊಂದು ತಾಯಿ ಜೊತೆ ಸಂಸ್ಕೃತ ಶ್ಲೋಕ ಪಠಿಸುತ್ತಿದೆ. ಇದನ್ನ ನೋಡಿರುವ ನೆಟ್ಟಿಗರು ಫಿದಾ ಆಗಿದ್ದು, ಇದು ಕಲಿಯುಗದ ಅಭಿಮನ್ಯು ಎಂದು ಹೇಳ್ತಿದ್ದಾರೆ.

ಈ ಅದ್ಭುತ ವಿಡಿಯೋ ತುಣುಕೊಂದನ್ನು ಐಪಿಎಸ್​​ ಅಧಿಕಾರಿ ರಾಜೇಶ್​ ಹಿಂಗಾಂಕರ್​ ಟ್ವೀಟ್ ಮಾಡಿದ್ದಾರೆ. ಇದರಲ್ಲಿ ಮಗು ಸ್ಪಷ್ಟವಾಗಿ ಸಂಸ್ಕೃತ ಶ್ಲೋಕ ಉಚ್ಚರಿಸುತ್ತಿದೆ. ಪ್ರಾಥಮಿಕ ಮಾಹಿತಿ ಪ್ರಕಾರ ಮಗು ತಾಯಿಯ ಹೊಟ್ಟೆಯಲ್ಲಿದ್ದಾಗ ಇದನ್ನ ಕಲಿತಿರುವ ಸಾಧ್ಯತೆ ಇದೆ ಎನ್ನಲಾಗ್ತಿದೆ. ಈ ವಿಡಿಯೋ ಸಾವಿರಾರು ಜನರಿಂದ ವೀಕ್ಷಣೆಗೊಳಗಾಗಿದ್ದು, ಅನೇಕ ರೀತಿಯ ಅಭಿಪ್ರಾಯ ಸಹ ಹಂಚಿಕೊಂಡಿದ್ದಾರೆ. ಕೆಲವರು ಮಗುವನ್ನ ಕಲಿಯುಗದ ಅಭಿಮನ್ಯು ಎಂದು ಕರೆದಿದ್ದಾರೆ.