JEE - ಮೈನ್ಸ್​​ ಪರೀಕ್ಷೆ ಜು.25 ಕ್ಕೆ ಮುಂದೂಡಿಕೆ

ಜೆಇಇ ಮೈನ್ಸ್​ ಎರಡನೇ ಹಂತದ ಪರೀಕ್ಷಾ ದಿನಾಂಕವನ್ನು ಮುಂದೂಡಲಾಗಿದೆ.

ನವದೆಹಲಿ: ಜೆಇಇ ಮೈನ್ಸ್​ನ ಎರಡನೇ ಹಂತದ ಪರೀಕ್ಷೆಯನ್ನು ಮುಂದೂಡಲಾಗಿದೆ. ಜುಲೈ 21 ರ ಬದಲಿಗೆ ಜುಲೈ 25 ರಿಂದ ಪರೀಕ್ಷೆ ಪ್ರಾರಂಭವಾಗಲಿದೆ ಎಂದು ರಾಷ್ಟ್ರೀಯ ಪರೀಕ್ಷಾ ಸಂಸ್ಥೆ (ಎನ್‌ಟಿಎ) ಬುಧವಾರ ಪ್ರಕಟಣೆಯಲ್ಲಿ ತಿಳಿಸಿದೆ. ನಿರ್ಣಾಯಕ ಪರೀಕ್ಷೆಯನ್ನು ಮುಂದೂಡಲು ಎನ್​ಟಿಎ ಯಾವುದೇ ಕಾರಣವನ್ನು ನೀಡಿಲ್ಲ.

ಭಾರತದ ಹೊರಗಿನ 17 ನಗರಗಳು ಸೇರಿದಂತೆ ಸುಮಾರು 500 ನಗರಗಳಲ್ಲಿನ ವಿವಿಧ ಕೇಂದ್ರಗಳಲ್ಲಿ 6.29 ಲಕ್ಷ ಅಭ್ಯರ್ಥಿಗಳಿಗೆ ಜುಲೈ 25 ರಿಂದ ಜೆಇಇ-ಮೈನ್ಸ್​ನ ಎರಡನೇ ಹಂತದ ಪರೀಕ್ಷೆ ಪ್ರಾರಂಭವಾಗಲಿದೆ. ಪ್ರವೇಶ ಪತ್ರವನ್ನು ಗುರುವಾರದಿಂದ ಡೌನ್‌ಲೋಡ್ ಮಾಡಿಕೊಳ್ಳಬಹುದಾಗಿದೆ ಎಂದು NTA ತಿಳಿಸಿದೆ.

ಇದನ್ನೂ ಓದಿ:ಇಂಗ್ಲೆಂಡ್​​ನಲ್ಲಿ ಅಜ್ಮೀರ್​​ ವಿದ್ಯಾರ್ಥಿ ನಾಪತ್ತೆ.. ವಿದೇಶಾಂಗ ಸಚಿವಾಲಯಕ್ಕೆ ತಂದೆ ಮನವಿ

ಈ ಮೊದಲು ಜುಲೈ 21 ರಿಂದ ಜುಲೈ 30 ರವರೆಗೆ ಪ್ರವೇಶ ಪರೀಕ್ಷೆ ನಡೆಸಲು ನಿರ್ಧರಿಸಲಾಗಿತ್ತು. NTA ಮೊದಲ ಹಂತದ ಪರೀಕ್ಷೆಯನ್ನು ಜೂನ್ 23 ರಿಂದ ಜೂನ್ 29 ರವರೆಗೆ ನಡೆಸಿತ್ತು. ಜುಲೈ 12 ರಂದು ಫಲಿತಾಂಶ ಪ್ರಕಟಿಸಲಾಗಿತ್ತು.