ನೌಕಾಪಡೆಯ ಮೂರು ಕಿ.ಮೀ. ವ್ಯಾಪ್ತಿಯಲ್ಲಿ Drone ಹಾರಾಟಕ್ಕೆ ಬ್ರೇಕ್​

ನೌಕಾ ನೆಲೆಗಳ ಮೇಲೆ ಅನುಮಾನಾಸ್ಪದ ಡ್ರೋನ್​ಗಳ ಹಾರಾಟ ಹೆಚ್ಚಾಗಿದ್ದ ಹಿನ್ನೆಲೆ, ನೌಕಾ ನೆಲೆ ವ್ಯಾಪ್ತಿಯ ಮೂರು ಕಿಲೋ ಮೀಟರ್​ ವ್ಯಾಪ್ತಿಯಲ್ಲಿ ಡ್ರೋನ್ ಹಾರಾಟಕ್ಕೆ ನೌಕಾಪಡೆ ನಿರ್ಬಂಧ ವಿಧಿಸಿದೆ.

ಕೊಚ್ಚಿ(ಕೇರಳ): ನೌಕಾ ನೆಲೆ, ನೌಕಾ ಘಟಕಗಳು ಮತ್ತು ನೌಕಾ ಸ್ವತ್ತುಗಳ ಮೂರು ಕಿಲೋ ಮೀಟರ್ ವ್ಯಾಪ್ತಿಯಲ್ಲಿ ಸಾಂಪ್ರದಾಯಿಕವಲ್ಲದ ವೈಮಾನಿಕ ವಸ್ತುಗಳನ್ನು(Drone​) ಹಾರಿಸುವಂತಿಲ್ಲ ಎಂದು ಭಾರತೀಯ ನೌಕಾಪಡೆ ತಿಳಿಸಿದೆ.

ಈ ನಿಷೇಧ ಉಲ್ಲಂಘಿಸಿದ ಆರ್‌ಪಿಎಗಳು (Remote Pilot Aircraft System) ಸೇರಿದಂತೆ ಯಾವುದೇ ಸಾಂಪ್ರದಾಯಿಕವಲ್ಲದ ವೈಮಾನಿಕ ವಸ್ತುವನ್ನು ನಾಶಪಡಿಸಲಾಗುತ್ತದೆ ಅಥವಾ ಮುಟ್ಟುಗೋಲು ಹಾಕಿಕೊಳ್ಳಲಾಗುತ್ತದೆ. ಐಪಿಸಿ ಸೆಕ್ಷನ್​121, 121 ಎ, 287, 336, 337 ಮತ್ತು 338 ರ ಅಡಿಯಲ್ಲಿ ಆಪರೇಟರ್​ ವಿರುದ್ಧ ಕ್ರಮಗಳನ್ನು ತೆಗೆದುಕೊಳ್ಳಬಹುದು ಎಂದು ರಕ್ಷಣಾ ಇಲಾಖೆ ಪ್ರಕಟಣೆಯಲ್ಲಿ ತಿಳಿಸಿದೆ.

ಕಳೆದ ತಿಂಗಳು ಜಮ್ಮುವಿನ ಭಾರತೀಯ ವಾಯುಪಡೆಯ ನೆಲೆಯ ಮೇಲೆ ಡ್ರೋನ್ ದಾಳಿ ನಡೆಸಿದ ಹಿನ್ನೆಲೆ ಇಬ್ಬರು ಸಿಬ್ಬಂದಿ ಗಾಯಗೊಂಡಿದ್ದರು. ಭಯೋತ್ಪಾದಕ ದಾಳಿ ನಡೆಸಲು ಡ್ರೋನ್ ಬಳಸುವುದು ದೇಶಕ್ಕೆ ಹೊಸ ಭದ್ರತಾ ಬೆದರಿಕೆಗೆ ನಾಂದಿ ಹಾಡಿದೆ ಎಂದು ಸರ್ಕಾರಿ ಅಧಿಕಾರಿಗಳು ಹೇಳಿದ್ದಾರೆ.