ಕಂದಕಕ್ಕೆ ಉರುಳಿದ ಟ್ರಕ್.. ಹಗ್ಗದ ಸಹಾಯದಿಂದಲೇ ಮೇಲೆತ್ತಿದ ಗ್ರಾಮಸ್ಥರು..! ವಿಡಿಯೋ

ನೂರಾರು ಗ್ರಾಮಸ್ಥರು ಕಿರಿದಾದ ರಸ್ತೆಯಿಂದ 70 ಅಡಿಗಳಷ್ಟು ಕೆಳಗೆ ಬಿದ್ದಿದ್ದ ಟ್ರಕ್​ ಅನ್ನು ಹಗ್ಗದ ಸಹಾಯದಿಂದ ಹೊರತೆಗೆದಿದ್ದಾರೆ.

ಕುಟ್ಸಾಪೊ (ನಾಗಾಲ್ಯಾಂಡ್):ಇಲ್ಲಿನ ಹಳ್ಳಿಯೊಂದರ ನೂರಾರು ಗ್ರಾಮಸ್ಥರು ಕಿರಿದಾದ ರಸ್ತೆಯಿಂದ 70 ಅಡಿಗಳಷ್ಟು ಕೆಳಗೆ ಬಿದ್ದಿದ್ದ ಟ್ರಕ್ ಅನ್ನು ಹೊರತೆಗೆದಿದ್ದಾರೆ. ಯಾವುದೇ ಯಂತ್ರೋಪಕರಣಗಳು ಲಭ್ಯವಿಲ್ಲದ ಕಾರಣ, ಗ್ರಾಮಸ್ಥರು ಹಗ್ಗದ ಸಹಾಯದಿಂದ ಟ್ರಕ್​​ ಮೇಲೆತ್ತಿದ್ದಾರೆ.

ನಾಗಾಲ್ಯಾಂಡ್‌ನ ಕುಟ್ಸಾಪೊ ಗ್ರಾಮದಲ್ಲಿ ಟ್ರಕ್ ಕಂದಕಕ್ಕೆ ಬಿದ್ದಿದ್ದು, ಸ್ಥಳೀಯ ಗ್ರಾಮಾಡಳಿತವು ಟ್ರಕ್ ಮೇಲೆತ್ತಲು ಗ್ರಾಮದ ದಷ್ಟಪುಷ್ಟ ಯುವಕರ ಬಳಿ ಕೋರಿಕೊಂಡಿತ್ತು. ಸಾಮಾಜಿಕ ಜಾಲತಾಣಗಳಲ್ಲಿ ಈ ವಿಡಿಯೋ ವೈರಲ್ ಆಗಿದ್ದು, ಟ್ರಕ್​ನೊಂದಿಗೆ ಚಾಲಕ ಕೂಡಾ ಕೆಳಗೆ ಬಿದ್ದಿದ್ದು, ಯಾವುದೇ ಗಾಯಗಳಾಗಿಲ್ಲ ಎಂದು ತಿಳಿದು ಬಂದಿದೆ.