ಲಡಾಖ್​ನ ಲೇಹ್‌ನಲ್ಲಿ ರಫೇಲ್ ಫೈಟರ್​ ಜೆಟ್​ ನಿಯೋಜನೆ.. ಚೀನಾಕ್ಕೆ ಭಾರತ ಕಠಿಣ ಸಂದೇಶ ರವಾನೆ

ವಿವಾದಿತ ಗಡಿಯಲ್ಲಿ ಹಾರಿದ್ದ ಚೀನಾ ಯುದ್ಧ ವಿಮಾನ - ಲೇಹ್​ನಲ್ಲಿ ರಫೇಲ್​ ನಿಯೋಜಿಸಿ ಚೀನಾಕ್ಕೆ ಭಾರತ ಕಠಿಣ ಎಚ್ಚರಿಕೆ ಸಂದೇಶ- ಮತ್ತೆ ಭುಗಿಲೇಳುವ ಭೀತಿಯಲ್ಲಿ ಗಡಿ ವಿವಾದ.

ನವದೆಹಲಿ:ಭಾರತ ಚೀನಾ ನಡುವಿನ ಗಡಿ ವಿವಾದ ಹಳೆಯದಾದರೂ ಸಮಸ್ಯೆ ಮಾತ್ರ ಹೊಸದಾಗಿ ಸೃಷ್ಟಿಯಾಗುತ್ತಲೇ ಇರುತ್ತದೆ. ಪೂರ್ವ ಲಡಾಖ್‌ನ ವಿವಾದಿತ ನೈಜ ನಿಯಂತ್ರಣ ರೇಖೆಯ (ಎಲ್‌ಎಸಿ) ಸಮೀಪದಲ್ಲಿ ಚೀನಾ ಯುದ್ಧ ವಿಮಾನವು ಹಾರಾಟ ನಡೆಸಿದ ಬೆನ್ನಲ್ಲೇ ಭಾರತ ಲಡಾಖ್‌ನ ಲೇಹ್‌ನಲ್ಲಿ ರಫೇಲ್​ ಯುದ್ಧ ವಿಮಾನವನ್ನು ನಿಯೋಜಿಸಿ ಬಲವಾದ ಎಚ್ಚರಿಕೆಯನ್ನು ನೀಡಿದೆ.

ಲೇಹ್​​ನ ಕುಶೋಕ್ ಬಕುಲಾ ರಿಂಪೋಚಿ ವಿಮಾನ ನಿಲ್ದಾಣದ ಫಾರ್ವರ್ಡ್ ನೆಲೆಯಲ್ಲಿ ರಫೇಲ್​​ ವಿಮಾನವನ್ನು ಭಾರತ ಸನ್ನದ್ಧವಾಗಿರಿಸಿದೆ ಎಂದು ಈಟಿವಿ ಭಾರತ್‌ಗೆ ವಿಶ್ವಾಸಾರ್ಹನೀಯ ಮೂಲಗಳು ತಿಳಿಸಿವೆ.

ಕೆಲ ದಿನಗಳ ಹಿಂದೆ ಚೀನಾ ಯುದ್ಧ ವಿಮಾನ ಲಡಾಖ್​ನ ಗಡಿ ಪ್ರದೇಶದಲ್ಲಿ ಹಾದು ಹೋಗಿತ್ತು. ಕುತಂತ್ರಿ ಚೀನಾದ ಮರ್ಮವನ್ನು ಅರಿಯಲು ಸೇನಾಪಡೆ ರಫೇಲ್​​ ಅನ್ನು ಮುಂದು ಮಾಡಿದೆ.

ವಿವಾದಿತ ಗಡಿ ಭಾಗದಲ್ಲಿ ತನ್ನ ಯುದ್ಧ ವಿಮಾನವನ್ನು ಚೀನಾ ಹಾರಾಟ ನಡೆಸಿದ ಬಗ್ಗೆ ಸ್ಪಷ್ಟವಾಗಿಲ್ಲ. ಬೆಳಗ್ಗಿನ ಜಾವ 4 ಗಂಟೆಗೆ ವಿಮಾನ ಹಾರಿಹೋದ ಬಗ್ಗೆ ಭಾರತದ ರಾಡಾರ್​ಗಳು ಪತ್ತೆ ಮಾಡಿವೆ. ಇದರ ಬೆನ್ನಲ್ಲೇ ಭಾರತೀಯ ಸೇನೆ ಲಡಾಖ್​ನಿಂದ 400 ಕಿಮೀ ದೂರವಿರುವ ಅಂಬಾಲಾ ವಾಯುನೆಲೆಯಲ್ಲಿ ರಫೇಲ್​​ ಫೈಟರ್​ ಜೆಟ್​ ಅನ್ನು ನಿಯೋಜಿಸಿದೆ.

ಕೇಂದ್ರ ಸರ್ಕಾರ ಫ್ರಾನ್ಸ್​ ನಿರ್ಮಿತ 36 ಫೈಟರ್​ ಜೆಟ್​ ರಫೇಲ್​​​ ಯುದ್ಧ ವಿಮಾನಗಳನ್ನು ಖರೀದಿ ಮಾಡಿದೆ. ಇದರಲ್ಲಿ ಒಂದನ್ನು ಇದೀಗ ಲಡಾಖ್​ನ ಅಂಬಾಲಾ ವಾಯುನೆಲೆಯಲ್ಲಿ ನಿಯೋಜಿಸಿದ್ದರೆ, ಇನ್ನೊಂದನ್ನು ಪಶ್ಚಿಮಬಂಗಾಳದ ಸಿಲಿಗುರಿ ಬಳಿಯ ಹಶಿಮಾರಾದಲ್ಲಿ ನೆಲೆಗೊಳಿಸಿದೆ.

ಓದಿ:ಹೊಸ ಅಶೋಕ ಸ್ತಂಭದ ರೂವಾರಿ ವಾಸ್ತುಶಿಲ್ಪಿ ಲಕ್ಷ್ಮಣ್​ ವ್ಯಾಸರ ಸಂದರ್ಶನ