ಹೈದರಾಬಾದ್: ಇಲ್ಲಿನ ಏಷ್ಯನ್ ಇನ್‌ಸ್ಟಿಟ್ಯೂಟ್ ಆಫ್ ನೆಫ್ರಾಲಜಿ ಮತ್ತು ಯುರಾಲಜಿ (ಎಐಎನ್‌ಯು) ವೈದ್ಯರು, 53 ವರ್ಷದ ವ್ಯಕ್ತಿಯ ಮೂತ್ರಪಿಂಡದ ಗಡ್ಡೆಯನ್ನು ಯಶಸ್ವಿಯಾಗಿ ತೆಗೆದು ಹಾಕಿದ್ದಾರೆ. ಈ ಗೆಡ್ಡೆಯೂ 10 ಕೆಜಿ ತೂಕವಿದ್ದು, ಫುಟ್‌ಬಾಲ್ನಷ್ಟು ಗಾತ್ರವಿತ್ತು. ಇದು ತೆಲುಗು ರಾಜ್ಯದಲ್ಲಿ ನಡೆದ ಮೊದಲ ಶಸ್ತ್ರಚಿಕಿತ್ಸೆ ಆಗಿದೆ.
ಡಾ.ತೈಫ್ ಬೆಂಡಿಗೇರಿ ಮತ್ತು ಡಾ.ರಾಜೇಶ್ ಕೆ.ರೆಡ್ಡಿ ಸೇರಿದಂತೆ ಡಾ.ಮಲ್ಲಿಕಾರ್ಜುನ್ ಸಿ ನೇತೃತ್ವದ ಮೂತ್ರಶಾಸ್ತ್ರಜ್ಞರ ತಂಡವು ಶಸ್ತ್ರಚಿಕಿತ್ಸೆ ಮಾಡಿದೆ. ವೈದ್ಯರ ಪ್ರಕಾರ, ರೋಗಿಯು ಕಡಪಾ ನಿವಾಸಿಯಾಗಿದ್ದಾರೆ. ಅವರು ಹೊಟ್ಟೆಯಲ್ಲಿ ಊತವಾಗಿದ್ದರಿಂದ AINUಗೆ ದಾಖಲಾಗಿದ್ದರು. ಪರೀಕ್ಷೆಯಲ್ಲಿ ವೈದ್ಯರು ಹೊಟ್ಟೆಯಲ್ಲಿ ಗಡ್ಡೆ ಇರುವುದನ್ನು ಪತ್ತೆ ಹಚ್ಚಿದರು. ಎಡಭಾಗದ ಮೂತ್ರಪಿಂಡದಲ್ಲಿ ಗಡ್ಡೆ ಹುಟ್ಟಿಕೊಂಡಿದೆ ಎಂದು ತಿಳಿದು ಬಂದಿದೆ.