ನವದೆಹಲಿ:ತೆಲುಗು ರಾಜ್ಯಗಳಾದ ತೆಲಂಗಾಣ ಮತ್ತು ಆಂಧ್ರಪ್ರದೇಶದಿಂದ ಕೋಟ್ಯಂತರ ರೂಪಾಯಿ ಮೌಲ್ಯದ ಕೂದಲನ್ನು ಚೀನಾಗೆ ಕಳ್ಳಸಾಗಣೆ ಮಾಡುತ್ತಿರುವುದು ಜಾರಿ ನಿರ್ದೇಶನಾಲಯ (ED) ನಡೆಸಿದ ತನಿಖೆಯಲ್ಲಿ ಬೆಳಕಿಗೆ ಬಂದಿದೆ.
ಆಂಧ್ರ, ತೆಲಂಗಾಣದ ಜೊತೆಗೆ ಪಶ್ಚಿಮ ಬಂಗಾಳದ ಕೋಲ್ಕತ್ತಾ, ಅಸ್ಸೋಂನ ಗುವಾಹಟಿಯಿಂದಲೂ ಮಣಿಪುರ, ಮಿಜೋರಾಂ ಮಾರ್ಗಗಳ ಮೂಲಕ ತೆರಿಗೆ ತಪ್ಪಿಸಲು ಮ್ಯಾನ್ಮಾರ್, ಬಾಂಗ್ಲಾದೇಶ, ವಿಯೆಟ್ನಾಂ, ಆಸ್ಟ್ರಿಯಾ ದೇಶಗಳಿಗೆ ಅಕ್ರಮವಾಗಿ ಕೂದಲನ್ನು ಕಳ್ಳಸಾಗಣೆ ಮಾಡಲಾಗುತ್ತಿದೆ ಎಂದು ತಿಳಿದುಬಂದಿದೆ. ಅಲ್ಲದೇ ಮ್ಯಾನ್ಮಾರ್ನ ಕೆಲವು ಪ್ರಜೆಗಳು ಹೈದರಾಬಾದ್‌ನಲ್ಲಿ ಅಕ್ರಮವಾಗಿ ಹೇರ್ ಬ್ಯುಸಿನೆಸ್ ನಡೆಸಲು ಕ್ಯಾಂಪ್ ಹಾಕಿರುವುದನ್ನು ಎಂದು ಇಡಿ ಪತ್ತೆ ಮಾಡಿದೆ.