ಭೋಪಾಲ್(ಮಧ್ಯಪ್ರದೇಶ) :ಭೋಪಾಲ್‌ನ ಬಿಜೆಪಿ ಸಂಸದೆ ಪ್ರಜ್ಞಾ ಠಾಕೂರ್ ಅವರಿಗೆ ಅಪರಿಚಿತ ವ್ಯಕ್ತಿಯಿಂದ ಕೊಲೆ ಬೆದರಿಕೆ ಕರೆ ಬಂದಿದೆ. ಭೂಗತ ಪಾತಕಿ ದಾವೂದ್ ಇಬ್ರಾಹಿಂನ ಸಹೋದರ ಇಕ್ಬಾಲ್ ಕಸ್ಕರ್ ಸಹಚರನ ಹೆಸರಲ್ಲಿ ಈ ಜೀವ ಬೆದರಿಕೆ ಹಾಕಲಾಗಿದೆ ಎಂದು ಸಂಸದೆ ಹೇಳಿದ್ದಾರೆ.
ಸಂಸದೆ ಠಾಕೂರ್ ಅವರಿಗೆ ಕೊಲೆ ಬೆದರಿಕೆ ಹಾಕಿದ ಅಪರಿಚಿತ ಮಾತನಾಡುತ್ತಿರುವ ಆಡಿಯೋ ತುಣುಕು ಸಾಮಾಜಿಕ ಜಾಲತಾಣಗಳಲ್ಲೂ ವೈರಲ್ ಆಗಿದೆ. ಈ ಸಂಭಾಷಣೆಯ ಸಮಯದಲ್ಲಿ ಕರೆ ಮಾಡಿದ ವ್ಯಕ್ತಿ ಠಾಕೂರ್ ಮುಸ್ಲಿಮರನ್ನು ಟಾರ್ಗೆಟ್ ಮಾಡುತ್ತಿದ್ದಾರೆ. ಹೀಗಾಗಿ, ಹತ್ಯೆ ಮಾಡುವುದಾಗಿ ಹೇಳಿದ್ದಾರೆ.
ಬಿಜೆಪಿ ಸಂಸದೆ ಪ್ರಜ್ಞಾ ಠಾಕೂರ್ಗೆ ಕೊಲೆ ಬೆದರಿಕೆ ಕರೆ..
ಒಂದೂವರೆ ನಿಮಿಷದ ಈ ಆಡಿಯೋ ಕ್ಲಿಪ್‌ನಲ್ಲಿ ಪ್ರಜ್ಞಾ ಠಾಕೂರ್ ತಮ್ಮನ್ನು ಏಕೆ ಹತ್ಯೆ ಮಾಡುತ್ತೀರಿ ಎಂದು ಹಲವಾರು ಬಾರಿ ಕೇಳಿರುವುದು ದಾಖಲಾಗಿದೆ. 'ಸರಿ, ನೀವು ನನ್ನನ್ನು ಕೊಲ್ಲಲು ಬಯಸುತ್ತೀರಿ. ಆದರೆ, ಏಕೆ ಎಂಬುವುದನ್ನು ನನಗೆ ತಿಳಿಸಿ ಎಂದು ಠಾಕೂರ್ ಹೇಳಿದ್ದಾರೆ.