ರಾಜಸ್ಥಾನ: ಹಿಂದೂ ಸಂಪ್ರದಾಯದಂತೆ ರಾಷ್ಟ್ರಪಕ್ಷಿಯ ಅಂತ್ಯಸಂಸ್ಕಾರ

ರಾಜಸ್ಥಾನದ ಭಾರತ್​ಪುರ ಜಿಲ್ಲೆಯಲ್ಲಿ ಹಿಂದೂ ಸಂಪ್ರದಾಯದಂತೆ ರಾಷ್ಟ್ರಪಕ್ಷಿ ನವಿಲಿನ ಅಂತ್ಯಸಂಸ್ಕಾರವನ್ನು ನೆರವೇರಿಸಲಾಗಿದೆ.

ಭಾರತ್​ಪುರ (ರಾಜಸ್ಥಾನ):ಕರೆಂಟ್​ ಶಾಕ್​ನಿಂದ ಸಾವನ್ನಪ್ಪಿದ ರಾಷ್ಟ್ರಪಕ್ಷಿ ನವಿಲಿನ ಅಂತ್ಯಸಂಸ್ಕಾರವನ್ನು, ರಾಜಸ್ಥಾನದ ಭಾರತ್​ಪುರ ಜಿಲ್ಲೆಯಲ್ಲಿ ಹಿಂದೂ ಸಂಪ್ರದಾಯದಂತೆ ಮಾಡಲಾಗಿದೆ.

ಈ ಅಂತ್ಯಸಂಸ್ಕಾರದಲ್ಲಿ ರಾಜಕೀಯ ಮುಖಂಡರು ಮತ್ತು ಪೊಲೀಸ್ ಅಧಿಕಾರಿಗಳು ಭಾಗವಹಿಸಿರುವುದು ವಿಶೇಷವಾಗಿದೆ.

ಕಾರ್ಪೋರೇಟರ್​ ರಾಮೇಶ್ವರ ಸೈನಿ ಅವರಿಗೆ ನವಿಲುಗಳು ಎಂದರೆ ಅಪಾರ ಪ್ರೀತಿ. ಈ ಸುದ್ದಿ ತಿಳಿದ ಬಳಿಕ ಅವರು ಹಿಂದೂ ಸಂಪ್ರದಾಯದಂತೆ ಅಂತ್ಯಸಂಸ್ಕಾರ ನೆರವೇರಿಸಲು ನಿರ್ಧರಿಸಿದ್ದಾರೆ ಎಂದು ಮೂಲಗಳಿಂದ ತಿಳಿದುಬಂದಿದೆ. ಅರಣ್ಯ ಅಧಿಕಾರಿಗಳು ಶವಪರೀಕ್ಷೆ ನಡೆಸಿದ ನಂತರ ನವಿಲಿನ ಅಂತ್ಯಸಂಸ್ಕಾರ ಮಾಡಲು ಕಾರ್ಪೊರೇಟರ್‌ಗೆ ಹಸ್ತಾಂತರಿಸಿದ್ದಾರೆ.